ഹൈദരാബാദ്: അനധികൃത ഖനിയിടപാടുമായി ബന്ധപ്പെട്ട് സി.ബി.ഐ. അറസ്റ്റ് ചെയ്ത മുന്‍ കര്‍ണാടകമന്ത്രി ജി. ജനാര്‍ദ്ദന റെഡ്ഡിയുടെ ജാമ്യാപേക്ഷ ഹൈദരാബാദിലെ സി.ബി.ഐ. പ്രത്യേക കോടതി തള്ളി. ഇദ്ദേഹത്തോടൊപ്പം അറസ്റ്റിലായ ശ്രീനിവാസ് റെഡ്ഡിയുടെ ജാമ്യാപേക്ഷയും തള്ളിയിട്ടുണ്ട്.സിബിഐ പ്രത്യേക കോടതിയിലാണ് ഇരുവരും ജാമ്യാപേക്ഷ സമര്‍പ്പിച്ചിരുന്നത്.

ഇരുവരെയും ഈ മാസം 19 വരെ സിബിഐ കസ്റ്റഡിയില്‍ വിട്ടു.അഴിമതിയെക്കുറിച്ച് കൂടുതല്‍ വിവരങ്ങള്‍ ശേഖരിക്കുന്നതിന് ഇരുവരെയും ചോദ്യം ചെയ്യേണ്ടത് അനിവാര്യമാണെന്ന് സിബിഐയ്ക്ക് വേണ്ടി ഹാജരായ അഡീഷണല്‍ സോളിസിറ്റര്‍ ജനറല്‍ വിവേക് തനാക കോടതിയില്‍ ബോധിപ്പിച്ചു. നിലവില്‍ ഹൈദരാബാദിലെ ചഞ്ചല്‍ഗുഡ സെന്‍ട്രല്‍ ജയിലിലാണ് ഇരുവരും.