കണ്ണൂര്‍ : പ്രതിപക്ഷനേതാവ് വി.എസ് അച്യുതാനന്ദനെതിരെ പരോക്ഷവിമര്‍ശവുമായി ഡി.വൈ.എഫ്.ഐ സംസ്ഥാന പ്രസിഡന്റ് എം.ബി രാജേഷ് എം.പി രംഗത്ത്. ഡി.വൈ.എഫ്.ഐ. കണ്ണൂര്‍ ജില്ലാ കണ്‍വെന്‍ഷനിലാണ് രാജേഷ് വി.എസിനെ രൂക്ഷമായ ഭാഷയില്‍ വിമര്‍ശിച്ചത്.

ഗവണ്‍മെന്റ് മേഖലയില്‍ മാത്രം ലക്ഷകണക്കിന് തൊഴിലവസരങ്ങള്‍ ഉദാരവല്‍ക്കരണം മൂലം നഷ്ടപ്പെടുന്നുണ്ടെന്നും ഇത്തരം വിഷയങ്ങള്‍ നമ്മുടെ പ്രസംഗങ്ങഴില്‍ ഉള്‍പ്പെടുത്തണമെന്നും രാജേഷ് ചൂണ്ടിക്കാട്ടി. അതു ചെയ്യാതെ കുഞ്ഞാലിക്കുട്ടിയെയും ബാലകൃഷ്പിള്ളയെയും കഥകള്‍ എരിവും പുളിയും ചേര്‍ത്ത് പറയുന്നവര്‍ക്ക് ധാരാളം കൈയടികള്‍ ലഭിക്കും. കുഞ്ഞാലിക്കുട്ടിയും ബാലകൃഷ്ണപിള്ളയും ഉള്ളിടത്തോളം അതിന് ക്ഷാമവുമുണ്ടാകില്ലെന്നും രാജേഷ് പറഞ്ഞു.