മേരീലാന്റ്‌: മേരീലന്റിലുള്ള ശിവ വിഷ്‌ണു ക്ഷേത്രത്തില്‍ വെച്ച്‌ 2011 സെപ്‌റ്റംബര്‍ മൂന്നാം തീയതി അഞ്ചാമത്‌ സ്വാതി തിരുനാള്‍ സംഗീതോത്സവം വിജയകരമായി നടത്തപ്പെട്ടു. രാവിലെ 8 മണി മുതല്‍ വൈകുന്നേരം 6 വരെ സംഗീതാരാധകരുടെ കീര്‍ത്തനാലാപനവും, നൃത്തവും അരങ്ങേറി.

വൈകുന്നേരം ആറുമണിയോടുകൂടി പത്മവിഭൂഷണ്‍ ഡോ. ശെമ്മാങ്കുടി ശ്രീനിവാസ അയ്യരുടെ പ്രമുഖ ശിഷ്യനായ പാലാ സി.കെ. രാമചന്ദ്രന്റെ സംഗീത കച്ചേരി ആരംഭിച്ചു. `കാംബോജി അടതാള' വര്‍ണ്ണത്തോടെ ആരംഭിച്ച കച്ചേരിയിലെ പ്രധാന കൃതി കല്യാണി രാഗത്തിലുള്ള `ആദ്രിസുതാവര' ആയിരുന്നു. കമല കിരണ്‍ വെഞ്ചപുരി വയലിനും, അജയ്‌ രാമചന്ദ്രന്‍ മൃദംഗവും കൈകാര്യം ചെയ്‌തു.

കഴിഞ്ഞ നാലുവര്‍ഷവും നേതൃത്വം നല്‍കിയ മേരീലാന്റ്‌ നിവാസിയായ എം.ജി. മേനോനാണ്‌ ഈവര്‍ഷവും സ്വാതിതിരുനാള്‍ സംഗീതോത്സവത്തിന്റെ വിജയകരമായ നടത്തിപ്പിന്‌ നേതൃത്വം നല്‍കിയത്‌. പബ്ലിസിറ്റി കമ്മിറ്റിക്കുവേണ്ടി ചന്ദ്രന്‍പിള്ള അറിയിച്ചതാണിത്‌.