ഷിക്കാഗോ: ഹൃസ്വ സന്ദര്ശനത്തിനായി ഏപ്രില് 29-ന് തിങ്കളാഴ്ച രാവിലെ 7.30-ന്
ഷിക്കാഗോയില് എത്തിയ ആഭ്യന്തര മന്ത്രി തിരുവഞ്ചൂര് രാധാകൃഷ്ണനെ ഇന്ത്യന്
നാഷണല് ഓവര്സീസ് കോണ്ഗ്രസ് (ഐ.എന്.ഒ.സി-ഐ) കേരളാ ചാപ്റ്റര് ഓഫ്
ഇല്ലിനോയിസ് പ്രതിനിധികള് ഒഹയര് എയര്പോര്ട്ടില് വന് സ്വീകരണം നല്കി.
ഐ.എന്.ഒ.സി ഷിക്കാഗോ പ്രസിഡന്റ് ഡോ. സാല്ബി പോള് ചേന്നോത്ത് ഷാള് അണിയിച്ച്
സ്വീകരിച്ചു. തദവസരത്തില് ഐ.എന്.ഒ.സി ഷിക്കാഗോയുടെ പ്രവര്ത്തനങ്ങളെ അനുമോദിച്ച്
സംസാരിക്കുകയുണ്ടായി.
മന്ത്രിയെ സ്വീകരിക്കുന്നതിനായി ഷിക്കാഗോ ഇന്ത്യന്
കോണ്സുലേറ്റ് ജനറല് എന്.ജെ. ഗാങ്ഡേയെ കൂടാതെ ഐ.എന്.ഒ.സി (ഐ) കേരളാ
ചാപ്റ്റര് നാഷണല് ട്രഷറര് ഗ്ലാഡ്സണ് വര്ഗീസ്, ട്രഷറര് ഡൊമിനിക്
തെക്കേത്തല, ആര്.വി.പി ജോണി വടക്കുംചേരി, പ്രവാസി കേരളാ കോണ്ഗ്രസ് പ്രസിഡന്റ്
ജയ്ബു കുളങ്ങര, ബിനു കൈതകതൊട്ടിയില് എന്നിവര് സന്നിഹിതരായിരുന്നു.