കൊച്ചി: പാമോയില്‍ കേസില്‍ ആറ് ആഴ്ചക്കകം അന്വേഷണം പൂര്‍ത്തിയാക്കാമെന്ന് സര്‍ക്കാര്‍ ഹൈക്കോടതിയെ അറിയിച്ചു. അന്വേഷണത്തിന് സര്‍ക്കാര്‍ എതിരല്ല. റിപ്പോര്‍ട്ട് ഹൈക്കോടതിയില്‍ സമര്‍പ്പിക്കാമെന്നും അഡ്വക്കറ്റ് ജനറല്‍ കോടതിയെ അറിയിച്ചു.

കേസിന്റെ ന്വേഷണം പകുതി പൂര്‍ത്തിയായിട്ടുണ്ട്. അഞ്ച് സാക്ഷികളെ ചോദ്യം ചെയ്തു. ആറ് സാക്ഷികളുടെ മൊഴികൂടി രേഖപ്പെടുത്താനുണ്ട്. എതാനും രേഖകളും കൂടെ പരിശോധിക്കാനുണ്ട്. അവകൂടി പൂര്‍ത്തിയാക്കി ആറ് ആഴ്ചക്കകം സീല്‍വെച്ച റിപ്പോര്‍ട്ട് നല്‍കാമെന്നും സര്‍ക്കാര്‍ കോടതിയെ അറിയിച്ചു.

തുടരന്വേഷണം സംബന്ധിച്ച് കീഴ് വഴക്കമില്ലെന്നായിരുന്നു കഴിഞ്ഞ തവണ ഹര്‍ജി പരിഗണനക്കെടുത്തപ്പോള്‍ സര്‍ക്കാര്‍ കോടതിയെ അറിയിച്ചിരുന്നത്.