വനിതായാത്രക്കാരെ മാത്രം ആകര്ഷിക്കാനുദ്ദേശിച്ച് ഹോട്ടലുകളിലിതാ
പ്രത്യേകനിലകള് സജ്ജമാകുന്നു. 30 ഡോളര് മുതല് 500 ഡോളര് വരെയാണ്,
സ്ത്രീകള്ക്ക് മാത്രമായുള്ള ഇത്തരം ലോഞ്ചുകളിലെ താമസത്തിനുള്ള ചെലവ്.
ന്യൂയോര്ക്കിലെ പ്രീമിയര് , വാഷിംഗ്ടണ് ഡി.സി, മിനസോട്ട എന്നിവിടങ്ങളിലെ
ക്രൗണ്പ്ലാസ ഹോട്ടല് , കാനഡ, ഡന്മാര്ക്ക്, സിംഗപ്പൂര് ,
കോപ്പന്ഹേഗന് , വാന്കൂവര് എന്നിവിടങ്ങളിലെ ഹോട്ടലുകള് തുടങ്ങിയവയൊക്കെ
സ്ത്രീകള്ക്കായി പ്രത്യേക നിലകളുമായി സജ്ജമായിക്കഴിഞ്ഞു.
ബിസിനസിനുവേണ്ടി
വളരെ യാത്രചെയ്യേണ്ടി വരുന്ന വനിതകള്ക്കാണ് ഈ സൗകര്യം ഏറെ
പ്രയോജനപ്പെടുക. സുരക്ഷിതത്വം, വൃത്തി, സ്വാതന്ത്ര്യം, സ്ത്രീകള്ക്കുവേണ്ട
മറ്റ് സൗകര്യങ്ങള് എന്നിവയൊക്കെ പരിഗണിക്കുമ്പോള് സ്ത്രീകള് ഇത്തരം
ഹോട്ടലുകള്ക്ക് പ്രത്യേകം പരിഗണന നല്കുന്നുണ്ടെന്നാണ് റിപ്പോര്ട്ടുകള് .
"എനിക്കെന്റെ ബാത്ഡ്രസില് പോലും സ്വസ്ഥമായിരുന്ന് പത്രം വായിക്കാം, കാപ്പി
കുടിക്കാം. ആണുങ്ങളാരെങ്കിലും കടന്നുവരുമോയെന്ന് പേടിയില്ലാതെ".
മിനിസോട്ടയിലെ സ്ത്രീകള്ക്കായുള്ള ഹോട്ടല്മുറി സ്ഥിരമായി ഉപയോഗിക്കുന്ന
ഒരു വനിത പറയുന്നു.