ഹൂസ്റ്റണ് : ഹൂസ്റ്റണ് മലയാളി അസോസിയേഷന് ഭാരവാഹികള്, ഇലക്ഷന് കമ്മീഷണര് എന്നിവര് 2014-ലെ ഇലക്ഷന് നടത്തിപ്പില് കൃത്രിമം കാട്ടിയതായി ആരോപിച്ച് അസോസിയേഷന് പ്രവര്ത്തകരായ അലക്സാണ്ടര് തോമസ്, ഷിജിമോന് ജേക്കബ്, പൊന്നു പിള്ള തുടങ്ങിയവര് ചേര്ന്നു നല്കിയ ഹര്ജി Fortbend കൗണ്ടി ഡിസ്ട്രിക്റ്റ് കോടതി നിരുപാധികം തള്ളി. അസോസിയേഷന് പ്രസിഡന്റ് ജോസഫ് കെന്നഡി, സെക്രട്ടറി എബ്രഹാം ഈപ്പന്, ട്രഷറര് മാര്ട്ടിന് ജോണ്, ചീഫ് ഇലക്ഷന് കമ്മീഷണര് അനില് ആറന്മുള എന്നിവര് ഗൂഢാലോചന നടത്തി; വോട്ടേഴ്സ് ലിസ്റ്റ് കൊടുത്തില്ല; എന്നീ കാരണങ്ങള് ഉന്നയിച്ച് ഇലക്ഷന് തടയാന് ആവശ്യപ്പെട്ടുകൊണ്ടു മേല്പറഞ്ഞവര് നല്കിയ ഹര്ജിയാണ് 4 മണിക്കൂര് നീണ്ട വാദത്തിനുശേഷം കോടതി തള്ളിയത്.
വിചാരണയ്ക്കു ഹാജരായ അസോസിയേഷന് സെക്രട്ടറി എബ്രഹാം ഈപ്പന് അസോസിയേഷനും ഇലക്ഷന് കമ്മീഷനും അനുവര്ത്തിച്ച നടപടികള് കോടതിയില് വിശദീകരിച്ചു. എന്നാല് വാദിഭാഗം അവരുടെ വാദങ്ങള് നിരത്തുന്നതില് അമ്പേ പരാജയപ്പെടുകയും ചെയ്തു.
അതേ തുടര്ന്നു പരാതിയില് കഴമ്പില്ലെന്നു കണ്ട കോടതി കോടതി പരാതി തള്ളുകയും ഇലക്ഷന് നടപടികളുമായി മുന്നോട്ടു നീങ്ങാന് അസോസിയേഷനു അനുമതി നല്കുകയും ചെയ്തു
എത്രയും പെട്ടെന്ന് അടിയന്തിര ജനറല് ബോഡി യോഗം വിളിച്ച് അംഗങ്ങളെ കാര്യങ്ങള് ധരിപ്പിച്ച് ഇലക്ഷന് തിയതി പ്രഖ്യാപിക്കുമെന്ന് അസോസിയേഷന് പ്രസിഡന്റ് കെന്നിഡി പറഞ്ഞു.
അലക്സാണ്ടര് തോമസ് , ഷിജിമോന് ജേക്കബ് , പൊന്നു പിള്ള, എസ്.കെ.ചെറിയാന് , മാത്തുള്ള , തയ്യില് തോമസ് തുടങ്ങി പത്തു പേരാണ് അസോസിയേഷനെതിരായി കേസ് നല്കിയത്.