ഹൂസ്റ്റണ്: മലയാളി സമൂഹത്തിലെ എല്ലാ ആള്ക്കാരെയും
ഉള്പ്പെടുത്തിയുള്ള ഒരു കണ്വെന്ഷെന് ആയിരിയ്ക്കും ഹൂസ്റ്റണില് നടക്കുന്ന
ഫോക്കാന കണ്വെന്ഷന് എന്ന് ഫോക്കാന പ്രസിഡന്റ് ജി.കെ. പിള്ളയും, കണ്വെന്ഷന്
ചെയര്മാന് ഏബ്രഹാം ഈപ്പനും പ്രസ്താവിച്ചു.
ഹൂസ്റ്റണില് ഫോക്കാന
കണ്വെന്ഷന് ഓഫീസില് വിളിച്ചു കൂട്ടിയ പ്രസ് കോണ്ഫ്രന്സില് ഷാജി ജോണ്,
ചാക്കോ തോമസ് , വി.എന്. രാജന്, ചാര്ളി പടനിലം, ജോര്ജ് മണ്ണിക്കരോട്ട്
എന്നിവരും പങ്കെടുത്തു.
കേരളീയ മാതൃകയില് ഉള്ള ആറാട്ടിന്റെ തനി
രൂപത്തിലായിരിക്കും ഉത്ഘാടനത്തിനെത്തുന്ന മഹാ രാജാവിനെ സ്വീകരിയ്ക്കുന്നതെന്നും,
അതിനുള്ള എല്ലാ ഏര്പ്പാടുകളും നടന്നു കൊണ്ടിരിയ്ക്കുന്നെന്നും, ഉത്ഘാടന നഗരിയുടെ
അലംകാരത്തിനുള്ള എല്ലാ ക്രമീകരണങ്ങളും തയ്യാറാക്കി കൊണ്ടിരിയ്ക്കുന്നെന്നും,
യുവജനംഗള്ക്ക് കൂടുതല് പ്രാധാന്യം കൊടുത്തുകൊണ്ട് വിവിധ പരിപാടികള്
ഉള്ക്കൊള്ളിച്ചിട്ടുണ്ടെന്നും അതോടൊപ്പം വനിതകള്ക്ക് പ്രാധാന്യം നല്കിക്കൊണ്ട്
വളരെ അധികം പരിപാടികള് ഏര്പ്പെടുത്തിയിട്ടുണ്ടെന്നും, മലയാള കലാ സാഹിത്യ
രംഗത്തുള്ളവരെ ആദരിയ്ക്കുന്നതിനായി തിരഞ്ഞെടുക്കുന്നതിനായി പ്രഗല്ഭരായ ഒരു ടീമിനെ
കേരളത്തില് തന്നെ രൂപപ്പെടുത്തിയിട്ടുന്ടെന്നും ശ്രീ ജി .കെ.പിള്ള അറിയിച്ചു .
വിവിധ തരത്തിലുള്ള മത്സരങ്ങള് അമേരിക്കയുടെ വിവിധ സ്ഥലങ്ങളില് നടന്നു
കൊണ്ടിരിയ്ക്കുകയാണെന്നും , നവംബര് 12 നു സ്റ്റാഫോര്ഡ് ഹൈസ്കൂളില് നടക്കുന്ന
ബാസ്കെറ്റ് ബോള് ടൂര്ണമെന്റില് 17 ഓളം ടീമുകള് പങ്കെടുക്കുന്നുണ്ടെന്നും,
കണ് വെന് ഷനോടനുബന്ധിച്ചു, ചെണ്ടമേള മത്സരവും ഉള്പ്പെടുത്തിയിട്ടുണ്ടെന്നും
കണ്വെന്ഷന് ചെയര്മാന് ഏബ്രഹാം ഈപ്പന് അറിയിച്ചു . കണ്വെന്ഷന് നടക്കുന്ന
ക്രൌണ് പ്ലാസ ഹോട്ടലില് തന്നെ കണ്വെന്ഷന് നടക്കുന്ന എല്ലാ ദിവസങ്ങളിലും
കേരളീയ തനിമയാര്ന്ന വ്യത്യസ്ത രീതിയിലുള്ള ഭക്ഷണം പങ്കെടുക്കുന്നവര്ക്ക്
നല്കാനുള്ള നടപടിയും സ്വീകരിച്ചിട്ടുണ്ട് .
ഭക്ഷണവും, താമസവും,
ബാങ്ക്വറ്റും, കലാപരിപാടികളും, താമസവും
ഉള്പ്പെടെ നാലു പേരടങ്ങുന്ന ഒരു
കുടുംബത്തിനു ജൂണ് 30 മുതല് ജൂലൈ 3 വരെ ഈ കണ്വെന്ഷനില് പങ്കെടുക്കുന്നതിനു
1000 ഡോളറിനു തരപ്പെടുത്തുവാന് കഴിഞ്ഞത് ഫൊക്കാനയുടെ ചരിത്ര സംഭവമാണെന്നും ,
പുതുമ യാര്ന്ന പല പരിപാടികളും ഉള്പ്പെടുത്തിയിട്ടുണ്ടെന്നും
സമയോചിതമായി
അതൊക്കെ പരസ്യപ്പെടുത്തുമെന്നും ഷാജി ജോണ് അറിയിച്ചു . ചാര്ളി പടനിലം സ്വാഗതവും
ഷാജി ജോണ് കൃതക്ജതയും അറിയിച്ചു .ജോര്ജ് കാക്കനാടന് (ആഴ്ച വട്ടം ), കോശി
തോമസ് (വോയ്സ് ഓഫ് ഏഷ്യ ),ജോര്ജ് തൈകൂട്ടത്തില് (ഏഷ്യ നെറ്റ് ), സുകു
&ശാന്ത നായര് ,കാലിത് ടാലിസണ് (കൈരളി ടി .വി .), ഈശോ ജേക്കബ് , കെ .സി .
ജോര്ജ് (പ്രസ് ക്ലബ് പ്രസിഡന്റ് ) , ഡോ. മോളി മാത്യു (കൈരളി ടി .വി),എന്നിവര്
വിവിധ മാധ്യമങ്ങളെ പ്രതിനിധീകരിച്ചു പങ്കെടുത്തു.