ചിക്കാഗോ : സ്വകാര്യ സന്ദര്ശനത്തിനായി ചിക്കാഗോയിലെത്തിയ കേരളാ സ്റ്റേജ് വനം, ട്രാന്സ്പോര്ട്ട് മന്ത്രിയായ തിരുവഞ്ചൂര് രാധാകൃഷ്ണന് ഇന്ഡ്യന് നാഷ്ണല് ഓവര്സീസ് കോണ്ഗ്രസ് മിഡ് വെസ്റ്റ് റീജിയണിന്റെ നേതൃത്വത്തില് വന്പിച്ച സ്വീകരണം നല്കി.
അൗണ്ട് പ്രോസ്പക്ടസിലുള്ള കണ്ട്രി ഇന്നില് വച്ചുകൂടിയ യോഗത്തില് ഐഎന്ഓസി റീജിയണല് പ്രസിഡന്റ് തോമസ് മാത്യു അദ്ധ്യക്ഷത വഹിച്ചു. ജനറല് സെക്രട്ടറി വര്ഗ്ഗീസ് പാലമലയില്, മുന്പ്രസിഡന്റ് സതീശന്നായര്, ഫൊക്കാന നാഷ്ണല് പ്രസിഡന്റ് മറിയാമ്മപിള്ള, പ്രവാസി കേരളാ കോണ്ഗ്രസ് പ്രസിഡന്റ് ജയ്ബുകുളങ്ങര, ഡോ.റോയി തോമസ്, ഐഎന്ഓസി സെക്രട്ടറി ഷുബുവര്ഗീസ്, ജസിറിന്സി, റിന്സി കുര്യന്, ഫ്രാന്സീസ് കിഴക്കേക്കൂറ്റ്, ജയ്മോന് സകറിയാ, ചെറിയാന് വെങ്കിടത്ത്, ബെന്നി പരിമളം, റോയി ജോണ്, സജി കുര്യന്, സൈമണ് മുട്ടത്ത്, ടോബിന് തോമസ്, നടരാജന് കൃഷ്ണന്, സെബാസ്റ്റ്യന് ഇമ്മാനുവല് തുടങ്ങി ഒട്ടനവധി പ്രമുഖ വ്യക്തികള് ചര്ച്ചകളില് പങ്കെടുത്തു സംസാരിച്ചു.
പ്രവാസികള് അനുഭവിക്കുന്ന പ്രശ്നങ്ങളെക്കുറിച്ചും സമകാലിക രാഷ്ട്രീയ പശ്ചാത്തലത്തില് ഭാരതത്തിലെ തെരഞ്ഞെടുപ്പു സംബന്ധമായും ഉയര്ന്ന ചോദ്യങ്ങള്ക്ക് മറുപടി പറഞ്ഞുകൊണ്ട് മന്ത്രി ശ്രീ.തിരുവഞ്ചൂര് രാധാകൃഷ്ണന് സുദീര്ഘമായി സംസാരിച്ചു. ഐക്യജനാധിപത്യമുന്നണി ഇത്തവണയും വന്പിച്ച ഭൂരിപക്ഷത്തോടെ തെരഞ്ഞെടുക്കപ്പെടുമെന്ന് അദ്ദേഹം വ്യക്തമാക്കി.
വാര്ത്ത അയച്ചത് : തോമസ് മാത്യൂ പടന്നമാക്കല്