വൃഷണങ്ങള് മണ്ണില് കുഴിച്ചിട്ടാല്
കിളിര്ക്കുമോ?
ഇല്ല എന്ന് പറയാന്
വരട്ടെ
ലുബ്ദനും, മക്കളില്ലാത്തവനും
അറുത്ത കൈക്ക് ഉപ്പു തേക്കാത്തവനുമായ
വാറുണ്ണി മരിച്ചു
മാര്ബിളില് തീര്ത്ത കുടുംബ കല്ലറയില്
വാറുണ്ണിയെ
അടക്കി
ആഴ്ചകള് കഴിഞ്ഞപ്പോള്
ഒരു ഉമ്മത്തിന് ചെടി
മാര്ബിള്
ഫലകങ്ങളുടെ വിടവിലുടെ
പുറത്തേക്ക് തല നീട്ടി
വാറുണ്ണിയുടെ വൃഷണങ്ങളില്
നിന്നാണ്
അവ മുളച്ചെതെന്നു പഴമക്കാര്
`ഉമ്മം കുരുക്കുക`എന്ന പഴഞ്ചൊല്ല്
ആയിരുന്നു അവര്ക്ക് പിന്ബലം
ഗൂഗിളില് പരതിയാല് പോലും
അങ്ങിനെ ഒരു
ചെടി ഇല്ലെന്നു പുതുതലമുറ
സംശയങ്ങള് ഇപ്പോഴും ബാക്കി!
വൃഷണങ്ങള്
മണ്ണില് കുഴിച്ചിട്ടാല് കിളിക്കുമോ?
ഉമ്മം കുരുക്കുന്നിടം
മുടിയുമോ?
വാറുണ്ണിയുടെ കല്ലറക്ക് മേലെ തളിര്ത്ത
ചെടി വളര്ന്നു വരാന്
നമുക്ക് കാത്തിരിക്കാം...
അതിനിടയില് ഹോര്തൂസ് മലബാറിക്കസില്
ഇതിനെപ്പറ്റി എന്തെങ്ങിലും പരാമര്ശമുണ്ടോ
എന്ന് പരതി നോക്കാം
ഉത്തരങ്ങള് കിട്ടും വരെ
`ഉലുന്തന്റെ വൃഷണത്തില് നിന്ന് ഉമ്മം
കുരുക്കും`
എന്ന പുതു ചൊല്ലിനു
തുടക്കമിട്ടുകൊണ്ട്
തത്ക്കാലം
വിരാമമിടാം