Image

ഫൊക്കാന ബാസ്‌ക്കറ്റ്‌ ബോള്‍ ടൂര്‍ണ്ണമെന്റ്‌-ഹൂസ്റ്റണ്‍ ഹൂപ്‌സ്‌ ചാമ്പ്യന്മാര്‍

മൊയ്‌തീന്‍ പുത്തന്‍ചിറ Published on 23 November, 2011
ഫൊക്കാന ബാസ്‌ക്കറ്റ്‌ ബോള്‍ ടൂര്‍ണ്ണമെന്റ്‌-ഹൂസ്റ്റണ്‍ ഹൂപ്‌സ്‌ ചാമ്പ്യന്മാര്‍
ഹൂസ്റ്റണ്‍: ഫൊക്കാന 2012 കണ്‍വന്‍ഷനോടനുബന്ധിച്ച്‌ നടത്തുന്ന ബാസ്‌ക്കറ്റ്‌ ബോള്‍ ചാമ്പ്യന്‍ഷിപ്പ്‌ ടൂര്‍ണ്ണമെന്റിന്റെ മൂന്നാമത്‌ റീജിയണല്‍ മത്സരം സ്റ്റാഫോര്‍ഡ്‌ ഹൈസ്‌കൂള്‍ ജിംനേഷ്യത്തില്‍ നടന്നു.

ഹൂസ്റ്റണില്‍ നിന്നും ഡാളസ്സില്‍ നിന്നുമായി പങ്കെടുത്ത 12 ടീമുകളുടെ വാശിയേറിയ മത്സരം കാണുവാന്‍ അറുനൂറിലധികം പേര്‍ പങ്കെടുത്തതായി റെജി ജോണ്‍ അറിയിച്ചു.

ഫൈനലിലെത്തിയ ഹൂസ്റ്റണ്‍ ഹോപ്‌സും ഐ.എം.സി.യുമായുള്ള മത്സരത്തില്‍ മൂന്നു സെക്കന്റ്‌ മാത്രം അവശേഷിക്കേ ഹൂസ്റ്റണ്‍ ഹോപ്‌സിലെ അപ്പുവിന്റെ സമര്‍ത്ഥമായ ത്രീ പോയിന്റ്‌ ഷൂട്ട്‌ ആണ്‌ അവരെ വിജയത്തിലെത്തിച്ചത്‌.

ഇരുപത്തിരണ്ടു പേര്‍ പങ്കെടുത്ത ത്രീ പോയിന്റ്‌ ഷൂട്ട്‌ മത്സരത്തില്‍ ഡെയില്‍ രാജന്‍ ഒന്നാം സ്ഥാനവും, ജസ്റ്റിന്‍ ജോണ്‍ രണ്ടാം സ്ഥാനവും കരസ്ഥമാക്കി. ഒന്നാം സ്ഥാനം നേടിയ ഹൂസ്റ്റണ്‍ ഹോപ്‌സിനും റണ്ണര്‍ അപ്പ്‌ ആയ ഐ.എം.സി.യ്‌ക്കും മറ്റു വിജയികള്‍ക്കുമുള്ള ട്രോഫിയും ക്യാഷ്‌ അവാര്‍ഡും ഫൊക്കാന പ്രസിഡന്റ്‌ ജി.കെ. പിള്ള, ട്രഷറര്‍ ഷാജി ജോണ്‍, മലയാളി അസ്സോസിയേഷന്‍ പ്രസിഡന്റ്‌ തോമസ്‌ തയ്യില്‍, സെക്രട്ടറി ജോണ്‍ ചാക്കോ, ജോയിന്റ്‌ സെക്രട്ടറി സുനില്‍ എബ്രഹാം എന്നിവര്‍ ചേര്‍ന്ന്‌ നല്‍കി.

സ്റ്റീവ്‌ ഇലഞ്ഞിക്കല്‍ ഏറ്റവും നല്ല ബാസ്‌ക്കറ്റ്‌ ബോള്‍ കളിക്കാരനുള്ള സമ്മാനം കരസ്ഥമാക്കി. ടൂര്‍ണ്ണമെന്റില്‍ പങ്കെടുത്ത എല്ലാ ടീമുകള്‍ക്കും, കളിക്കാരെ പ്രോത്സാഹിപ്പിക്കുവാന്‍ എത്തിച്ചേര്‍ന്ന എല്ലാവര്‍ക്കും ഫൊക്കാന കണ്‍വന്‍ഷന്‍ ചെയര്‍മാന്‍ എബ്രഹാം ഈപ്പനും, ജനറല്‍ സെക്രട്ടറി ബോബി ജേക്കബ്ബും നന്ദി അറിയിച്ചു.
ഫൊക്കാന ബാസ്‌ക്കറ്റ്‌ ബോള്‍ ടൂര്‍ണ്ണമെന്റ്‌-ഹൂസ്റ്റണ്‍ ഹൂപ്‌സ്‌ ചാമ്പ്യന്മാര്‍
Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക