ജന്മഗൃഹവും നാടും വിട്ടു നില്ക്കുന്നവന് പ്രവാസി
സ്വപ്നങ്ങള് കൊണ്ടു വീടു വയ്ക്കുന്നവന് പ്രവാസി
മരുഭൂമിയിലും. മഴയത്തും കിനാവു കാണുന്നവന് പ്രവാസി
സ്വപ്നങ്ങള് ത്യജിച്ച് അന്യനാട്ടില് കഴിയുന്നവന് പ്രവാസി.
ബാല്യകാലസ്മരണകള് അയവിറക്കി നെഞ്ചകം വിങ്ങുന്നവന് പ്രവാസി
നാട്ടിലെ പട്ടിണി മാറ്റാന് എല്ലുമുറിയെ പണിയെടുക്കുന്നവന് പ്രവാസി
ഡോളറും, പൗണ്ടും, റിയാലും, ദിനാറും അയയ്ക്കുന്നവന് പ്രവാസി
എന്ആര്ഐ അക്കൗണ്ടില് പൂജ്യത്തിന് എണ്ണം കൂടുമ്പോള് സന്തോഷിക്കുന്നവന് പ്രവാസി
നഷ്ടമായിപ്പോവും യൗവ്വനമോര്ത്തു കരയുന്നവന് പ്രവാസി
മഞ്ഞിന്റെ മാറാപ്പുമാറ്റി ജോലിക്കായി പായുന്നവന് പ്രവാസി
മണലാരണ്യത്തിന് മണല്ത്തരികള് വകഞ്ഞുമാറുന്നവന് പ്രവാസി
സൂര്യതാപത്താല് വാടുന്ന ശരീരത്താല് പീഡിതനാകുന്നവന് പ്രവാസി.
നാട്ടിലെ വിഷമങ്ങളോര്ത്തു പിടയുന്നവന് പ്രവാസി
മരണവും വിവാഹങ്ങളും ജനനവും അറിയാതെ പോകുന്നവന് പ്രവാസി
ജന്മനാടിന് മാറ്റങ്ങള് കാണാതെ പോകുന്നവന് പ്രവാസി
രാഷ്ട്രീയ കോമരങ്ങള് തള്ളുന്നത് വിഢ്ഢിപെട്ടിയില് കാണുന്നവന് പ്രവാസി
കയ്യിലെ അവസാന കാശും ബാങ്കിലെ ലോണുമായി വീടു പണിയുന്നവന് പ്രവാസി
അവസാനമാ വീടിന്റെ പാലു കാച്ചു കാണാതെ പെട്ടിയിലെത്തുന്നവന് പ്രവാസി
ഫോണുകള് ഇല്ലാത്ത കാലത്തു നാട്ടിലെ കത്തിനായി കാത്തിരുന്നവന് പ്രവാസി
കത്തിലെ വരികള് പലയാവര്ത്തി വായിച്ചു കരഞ്ഞവന് പ്രവാസി
നാട്ടിലെ ഓരോ വളര്ച്ചയ്ക്കു പിന്നിലും കഷ്ടപ്പെട്ടവന് പ്രവാസി
വീട്ടിലെ കഷ്ടപ്പാടുകള് ഒക്കെയും മാറ്റിയവന് പ്രവാസി
സോദരിമാരെ കെട്ടിച്ചയച്ചും കൂടപ്പിറപ്പുകളെ സഹായിച്ചവന് പ്രവാസി
അവസാനം ഏവരും കുറ്റം പറഞ്ഞവന് പ്രവാസി
എന്തു പറഞ്ഞാലും രാഷ്ട്രീയക്കാര് ഉപയോഗിക്കുന്ന വാക്കിലും പ്രവാസി
യൗവ്വനവും, വാര്ദ്ധക്യവും എങ്ങോ നഷ്ടമാക്കുന്നവന് പ്രവാസി
അവസാന നാളുകളില് ആരുമില്ലാതലയുന്നവന് പ്രവാസി
എന്നുമുള്ളില് ഓര്മ്മതന് ഭാരം പേറുന്നവന് പ്രവാസി
പ്രവാസികളെ ഉണരുവിന് നിങ്ങള് നിങ്ങള്ക്കായ് ഇനിയും സ്വപ്നങ്ങള് യാഥാര്ത്ഥ്യമാക്കൂ ! !
എസ്.കെ.പഴയംപള്ളിയില്