ദേശീയ ഗെയിംസിന്റെ മുന്നോടിയായി കേരളം ഒറ്റമനസോടെ ഓടി. കേരളത്തിലെ പതിനായിരം കേന്ദ്രങ്ങളിലാണ് കൂട്ടയോട്ടം നടന്നത്.
കോഴിക്കോട് 614 കേന്ദ്രങ്ങളില് കൂട്ടയോട്ടം നടന്നു. കോര്പ്പറേഷന് ഓഫീസിനു മുന്നില് നടന്ന കൂട്ടയോട്ടം മന്ത്രി എം.കെ. മുനീര് ഫ്ളാഗ് ഓഫ് ചെയ്തു. സാംസ്കാരിക പ്രവര്ത്തകര്, രാഷ്ട്രീയ പാര്ട്ടികള്, വിവിധ സ്ഥാപനങ്ങള്, വ്യാപാരികള്, കുടുംബശ്രീ പ്രവര്ത്തകര്, യുവജനസംഘടനകള്, കായികതാരങ്ങള് എന്നിവര് കൂട്ടയോട്ടത്തില് പങ്കെടുത്തു.
വെള്ളരിപ്രാവുകള്, വിവിധ വര്ണ്ണങ്ങളിലുള്ള ബലൂണുകള് എന്നിവ ആകാശത്തേയ്ക്കുയര്ന്നു. തീം സോങിനുശേഷം പ്രതിജ്ഞയെടുത്തായിരുന്നു തുടക്കം.
കോഴിക്കോട് നടന്ന കൂട്ടയോട്ടത്തില് മന്ത്രി എം.കെ. മുനീര്, മേയര് എം.കെ. പ്രേമജം, എ. പ്രദീപ് കുമാര് എം.എല്.എ, കാനത്തില് ജനീല എന്നിവര് നേതൃത്വം നല്കി.
(ഫോട്ടോ: ബഷീര് അഹ്മദ്)