കൊച്ചി: പാര്ട്ടിയില് തിരഞ്ഞെടുപ്പിന്റെ മറവില് ചില സത്യസന്ധരെ
കള്ളപ്രചരണം നടത്തി തോല്പിക്കാന് ശ്രമം നടക്കുന്നതായി വി.എസ്.
അച്യുതാനന്ദന്. എസ്.എന്.ഡി.പി. യോഗം സംഘടിപ്പിച്ച ചടങ്ങിനുശേഷം
മാധ്യമപ്രവര്ത്തകരോട് സംസാരിക്കുകയായിരുന്നു അദ്ദേഹം.
ചില വ്യക്തികളെ യോഗം ചേര്ന്ന് തോല്പിക്കാനും പാര്ട്ടിയില് നിന്ന്
പുറത്താക്കാനും ശ്രമം നടക്കുന്നുണ്ട്. കള്ളപ്രചരണങ്ങള് അഴിച്ചുവിടുന്ന ചില
വിക്രമന്മാര് പാര്ട്ടിയിലുണ്ട്. ഇവര് സത്യസന്ധരായവരെ കള്ളപ്രചരണങ്ങള്
അഴിച്ചുവിട്ട് തോല്പിക്കാന് ശ്രമിക്കുകയാണ്. ഇവരെ തിരിച്ചറിഞ്ഞ്
പരാജയപ്പെടുത്താന് പാര്ട്ടി പ്രവര്ത്തകര് ശ്രമിക്കുന്നുമുണ്ട്.
കറേക്കാലമായി അധികാരത്തിലിരിക്കുന്നവരെ മാറ്റണമെന്ന അഭിപ്രായം
പാര്ട്ടിപ്രവര്ത്തകര്ക്കുണ്ട്. ഇതിനായി തിരഞ്ഞെടുപ്പ് നടത്താനുള്ള
അവകാശം പ്രവര്ത്തകര്ക്കുണ്ട്. എന്നാല്, ഈ തിരഞ്ഞെടുപ്പിന്റെ മറവില് ചില
വ്യക്തികള്ക്കെതിരെ കള്ളപ്രചരണങ്ങള് നടത്തുകയാണ് ചിലര്-വി.എസ്. പറഞ്ഞു.
പാര്ട്ടിയെ കുറിച്ച് ശരിയായി മനസ്സിലാക്കാന് മാധ്യമപ്രവര്ത്തകര്
ശ്രമിക്കണമെന്നും വി. എസ്. പറഞ്ഞു.