എന്റെ ലേഖനത്തിനു പ്രതികരിച്ച എല്ലാ പ്രതികാരികൾക്കും നന്ദി. പ്രശംസകൾക്കൊപ്പം വിമർശനവും വിലപ്പെട്ടതു തന്നെ. വിമർശിക്കുമ്പോൾ അത് കാര്യമാത്ര പ്രസക്തമായിരുന്നാൽ ഞങ്ങളെപ്പോലുള്ളവർക്ക്  ഉപകരിക്കും.  എഴുതി വെച്ചതെല്ലാം ശരിയാണെന്നു വിശ്വസിക്കുന്ന പരമ ബോറനൊന്നുമല്ല ഞാൻ.   എനിക്ക് ഇപ്പോൾ തോന്നിയ ശരികളാണത്.   ഞാനെഴുതിയതിൽ എന്താണ് വിമർശിക്കപ്പെടെണ്ടത് എന്ന് ചൂണ്ടി കാണിക്കുന്നതിനു പകരം എൻറെ മാനസികാവസ്ഥയും ഞാനിത് എന്തുകൊണ്ടാണ് എഴുതിയതെന്നു അവലോകനം ചെയ്യാനുമാണ് രണ്ടുപേരും ശ്രമിച്ചത്.  ഒരാൾ പറഞ്ഞതിനെ എതിർക്കാൻ സാധിക്കാതെ വരുമ്പോൾ പറഞ്ഞവനിട്ട് ചെളി വാരിയെരിയുക എന്നത് ഒരു പഴയ ചീഞ്ഞ പ്രയോഗമാണ്.  പിന്നെ സമാജങ്ങൾ ചെയ്യുന്ന നല്ല കാര്യങ്ങൾ ഒന്നും പരാമർശിച്ചില്ല എന്നൊരു പരാതിക്ക് മറുപടി ഇതിനു മുന്പ് പലരും പറഞ്ഞിട്ടുള്ളതാണ്. മുസ്ലിം കൂട്ടക്കൊലയെ കുറിച്ച് വാർത്ത  വരുമ്പോൾ ഹിന്ദുക്കൾ പരാതിപ്പെടും, "നിങ്ങളെന്തു കൊണ്ട് മുന്പുണ്ടായ  ഹിന്ദു കൂട്ടക്കൊലയെ കുറിച്ച് ഇതിന്റെ കൂടെ എഴുതിയില്ലയെന്ന്."