Image

ഫോമയുടെ ഓണസമ്മാനമെത്തി; സമൃദ്ധമായി ഓണം ആഘോഷിച്ച് ഫോമാ വില്ലേജ്

അനിൽ പെണ്ണുക്കര Published on 31 August, 2020
ഫോമയുടെ ഓണസമ്മാനമെത്തി; സമൃദ്ധമായി ഓണം  ആഘോഷിച്ച് ഫോമാ വില്ലേജ്
മലയാളിക്ക് ഓണക്കാലം സമൃദ്ധിയുടേത് മാത്രമാണ്. ആ ബാലവൃദ്ധം ജനങ്ങളും ഓണമാഘോഷിക്കുന്ന ഒരു നാട് കേരളം പോലെ വേറെ എങ്ങും ഉണ്ടാവില്ല.മലയാളിക്ക് പരസ്പരം കരുതൽ കൂടിയാണ് ഓണം. ഈ കരുതലിന് ഏറ്റവും വലിയ ഒരുദാഹരണം കൂടി.

അമേരിക്കൻ മലയാളികളുടെ സംഘടനകളുടെ സംഘടനയായ ഫോമയുടെ നേതൃത്വത്തിൽ കഴിഞ്ഞ പ്രളയകാലത്ത് തിരുവല്ല കടപ്രയിൽ നിർമ്മിച്ചു നൽകിയ ഫോമാ വില്ലേജിൽ ഇന്നലെ ഫോമയുടെ വക സമ്മാനമെത്തുമ്പോൾ വറുതിയുടെ കാലത്തെക്കുറിച്ച് അവർ ഓർമ്മിച്ചതേയില്ല. ഒരു മഹാമാരിയുടെ കാലത്താണ് ഞങ്ങൾ ജീവിക്കുന്നത് എന്നും ആരും ചിന്തിച്ചതേയില്ല.
ഫോമാ പ്രസിഡൻ്റ് ഫിലിപ്പ് ചാമത്തിലിൻ്റെ വക ഓണ സമ്മാനം  തിരുവോണ ദിനങ്ങൾ നന്നായി ആഘോഷിക്കുവാനുള്ള  ഓണക്കിറ്റായിരുന്നു അത്. ഫോമാ വില്ലേജിനോട് ചേർന്നുള്ള പതിനഞ്ചു വീടുകൾ കൂടി ഉൾപ്പെടുത്തി അൻപത് വീടുകൾക്കുള്ള ഓണക്കിറ്റ് ഈ കൊറോണക്കാലത്തെ വറുതിയിൽ ഓരോ കുടുംബത്തിനും വലിയ സഹായ മാറി എന്നതിൽ സംശയമില്ല.

ഫോമാ വില്ലേജ് പ്രതിനിധി ഉണ്ണികൃഷ്ണൻ കടപ്ര പറയുന്നു
" ഞങ്ങൾ ഭാഗ്യമുള്ളവരാണ്. ഓരോ ഓണക്കാലത്തിന് മുൻപും ഉണ്ടാകുന്ന മഴ ഞങ്ങളെ പലതരത്തിലാണ് തളർത്തുന്നത്.പിന്നീട് വരുന്ന ഓണം പലപ്പോഴും നന്നായി ആഘോഷിക്കുവാൻ കഴിയില്ല. പലരും തകർന്നു പോയ കൂരകൾ നന്നാക്കുന്ന തിരക്കിലാകും. എന്നാൽ കഴിഞ്ഞ ഒരു വർഷത്തിനിടയിൽ രണ്ട് വെള്ളപ്പൊക്കം വന്നിട്ടും ഞങ്ങൾ സുരക്ഷിതരായിരുന്നു. ഫോമയുടെ കരുതലിൽ ഞങ്ങൾക്ക് ലഭിച്ച കെട്ടുറപ്പുള്ള വീട്ടിൽ ഞങ്ങൾ അതീവ സുരക്ഷിതരായിരുന്നു. ജോലിക്ക് പോകാൻ കൊറോണക്കാലമായിരുന്നതിനാൽ സാധിച്ചിരുന്നുമില്ല.
ഈ സാഹചര്യത്തിൽ സർക്കാർ സഹായം കൊണ്ട് മാത്രം ഏഴ്  പേരോളം അടങ്ങുന്ന കുടുംബങ്ങൾക്ക് മുന്നോട്ടു പോകുവാൻ സാധിക്കില്ല. ഈ സാഹചര്യത്തിൽ ഫോമയുടെ ഭക്ഷണക്കിറ്റുകൾ കൂടി ലഭിച്ചപ്പോൾ ഇരട്ടി മധുരം. ഞങ്ങൾക്ക് പ്രളയത്തെ പേടിക്കാതെ, ഇഴജന്തുക്കളെ പേടിക്കാതെ സുഖമായി കിടന്നുറങ്ങുവാൻ അടച്ചുറപ്പുള്ള ഒരു വീട് നിർമ്മിച്ചു നൽകിയ ഫിലിപ്പ് ഫോമയുടേയും, ഫോമാ പ്രസിഡൻ്റ് ഫിലിപ്പ് ചാമത്തിലിൻ്റേയും കരുതൽ ഞങ്ങൾക്ക് ആശ്വാസമാണ്.കഴിഞ്ഞവർഷം ഫോമാ പ്രവർത്തകർക്കൊപ്പം ഞങ്ങൾ ഓണസദ്യയുണ്ടു.ഇത്തവണ ഫോമയുടെ കരുതലിൽ ഒരോണം ഞങ്ങൾ സന്തോഷമായി കൊണ്ടാടുന്നു.
സന്തോഷം, നന്ദിയും സ്നേഹവും എന്നും ഫോമയോടും അമേരിക്കൻ മലയാളികളോടും "

കഴിഞ്ഞ ഓണം പുതിയ വീട്ടിൽ ഓണ സദ്യയൊടെ ഞങ്ങൾ ആഘോഷിച്ചു .ഇത്തവണ ഇത്രത്തോളം മനോഹരമായി ആഘോഷിക്കുവാൻ ഇടയാക്കിയത് ഫിലിപ്പ് ചാമത്തിലിന്റെ  കരുതലും സ്നേഹവും ഒന്നുകൊണ്ട് മാത്രമാണ് . ഞങ്ങൾക്കായി നാൽപ്പതിലധികം വീടുകൾ നിർമ്മിച്ച് നൽകുവാൻ ഫോമായുടെ ഭാരവാഹികൾ മുന്നിട്ടിറങ്ങിയതുകൊണ്ടാണല്ലോ ഇതെല്ലാം സാധ്യമായത് . കൃത്യ സമയത്ത് സമയബന്ധിതമായി അത് ഞങ്ങൾക്കായി നൽകുകയും ചെയ്തു .അതിനു ഫോമയുടെ എല്ലാ ഭാരവാഹികളോടും നേതൃത്വത്തോടും കടപ്പാടും സ്നേഹവും ഉണ്ട് .ഫോമാ പ്രസിഡന്റ് ഫിലിപ്പ് ചാമത്തിൽ ,ജനറൽ സെക്രട്ടറി ജോസ് ഏബ്രഹാം ,ട്രഷറർ ഷിനു ജോസഫ് ,വൈസ് പ്രസിഡന്റ് വിൻസന്റ് ബോസ് ,ജോ.സെക്രട്ടറി സജു ജോസഫ് ,ജോ.ട്രഷറർ ജെയിൻ കണ്ണച്ചാൻ പറമ്പിൽ ,വില്ലേജ് പ്രോജക്ട് ഫണ്ട് റെയിസിംഗ് ചെയർമാൻ അനിയൻ ജോർജ് ,തിരുവല്ല പ്രോജക്ട്  കോ-ഓർഡിനേറ്റർ ഉണ്ണികൃഷ്ണൻ ,കോ  -ഓർഡിനേറ്റർ മാരായ ജോസഫ് ഔസോ ,നോയൽ  മാത്യു ,ബിജു തോണിക്കടവിൽ തുടങ്ങിയവർക്കും വീടുവകൾ നിർമ്മിച്ച് നൽകിയ തണൽ പ്രവർത്തകർക്കും ഹൃദയം നിറഞ്ഞ ഓണാശംസകൾ അറിയിക്കുന്നതായി ഫോമാ വില്ലേജ് നിവാസികൾ അറിയിച്ചു .

വീടുകൾ നിർമ്മിച്ച് നൽകിയിട്ടും ഏറ്റവും അടുത്ത ബന്ധുക്കളെപ്പോലെ അവരുടെ ജീവൽ പ്രശ്നങ്ങളിൽ ഇടപെടുകയും അവർക്ക് വേണ്ട സഹായങ്ങൾ ചെയ്യുകയും അവരെ നമ്മോട് ചേർത്തു നിർത്തുകയും ചെയ്യുകയാണ് ഫോമാ ചെയ്യുന്നതെന്ന് ഫോമാ പ്രസിഡന്റ് ഫിലിപ്പ് ചാമത്തിൽ ഈ മലയാളിയോട് പറഞ്ഞു .എല്ലാ സൗകര്യങ്ങളോടും  കൂടിയ മനോഹരമായ ഒരു ഫോമാ ഗ്രാമം ഉണ്ടാക്കിയെടുക്കുക ,നമ്മുടെ അടുത്ത തലമുറയും ഇത്തരം പദ്ധതികൾ തുടരുകയും ലോകത്തിനു തന്നെ ഫോമാ ഒരു മാതൃക ആയി മാറുകയും ചെയ്യുക എന്നതാണ് തന്റെ ആഗ്രഹമെന്ന് ഫോമാ പ്രസിഡന്റ് പറഞ്ഞു 
ഫോമയുടെ ഓണസമ്മാനമെത്തി; സമൃദ്ധമായി ഓണം  ആഘോഷിച്ച് ഫോമാ വില്ലേജ്ഫോമയുടെ ഓണസമ്മാനമെത്തി; സമൃദ്ധമായി ഓണം  ആഘോഷിച്ച് ഫോമാ വില്ലേജ്ഫോമയുടെ ഓണസമ്മാനമെത്തി; സമൃദ്ധമായി ഓണം  ആഘോഷിച്ച് ഫോമാ വില്ലേജ്ഫോമയുടെ ഓണസമ്മാനമെത്തി; സമൃദ്ധമായി ഓണം  ആഘോഷിച്ച് ഫോമാ വില്ലേജ്ഫോമയുടെ ഓണസമ്മാനമെത്തി; സമൃദ്ധമായി ഓണം  ആഘോഷിച്ച് ഫോമാ വില്ലേജ്ഫോമയുടെ ഓണസമ്മാനമെത്തി; സമൃദ്ധമായി ഓണം  ആഘോഷിച്ച് ഫോമാ വില്ലേജ്ഫോമയുടെ ഓണസമ്മാനമെത്തി; സമൃദ്ധമായി ഓണം  ആഘോഷിച്ച് ഫോമാ വില്ലേജ്
Join WhatsApp News
ഫോമൻ 2020-08-31 23:54:21
ആ മലപ്പുറത്തെ ഫോമാ വില്ലേജ് പദ്ധതിയിലെ പാവങ്ങൾക്ക് കൂടി പത്ത് ഓണപ്പൊതി കൊടുത്താൽ പുണ്യം കിട്ടും
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക