-->

fomaa

ലക്ഷ്യം ഫോമായുടെ വളർച്ചയും കെട്ടുറപ്പും; കൺവെൻഷൻ നയാഗ്രാ ഫാൾസിൽ തന്നെ - പ്രസിഡണ്ട് സ്ഥാനാർത്ഥി ഡോ.തോമസ് തോമസ്

Published

on

ടൊറോന്റോ :  ഫെഡറേഷൻ ഓഫ്  മലയാളി അസോസിയേഷൻസ്  ഓഫ്  അമേരിക്കാസ്  (ഫോമാ)യുടെ  വളർച്ചയും കെട്ടുറപ്പും   അംഗസംഘടനകളോടുള്ള കരുതലുമായിരിക്കും  തൻ്റെ  പ്രധാന ലക്ഷ്യമെന്ന്  ഫോമാ പ്രസിഡണ്ട് സ്ഥാനാർത്ഥി  ഡോ.തോമസ് തോമസ് പ്രസ്താവിച്ചു. യുവാക്കളെയും സ്ത്രീകളെയും  സംഘടനയിലേക്ക് ആകർഷിച്ചു  കേരളത്തിന്റെ സാംസ്കാരിക പൈതൃകം  നോർത്ത് അമേരിക്കൻ മണ്ണിൽ ഊട്ടിയുറപ്പിച്ചു വരുംതലമുറകളിലേക്കു പകരാനും  സംഘടനക്ക് കൂടുതൽ കരുത്തു പകരുന്നതിനുമായിരിക്കും താൻ മുൻ‌തൂക്കം നൽകുകയെന്നും അദ്ദേഹം പറഞ്ഞു.  ജനറൽ ബോഡി സെപ്റ്റംബർ 5 -ന് കൂടാനിരിക്കെ , അടുത്ത കൺവെൻഷൻ  കാനഡയിലെ നയാഗ്രാ ഫാൾസിൽ  വച്ച് നടത്തണമെന്ന  അമേരിക്കയിലെയും  കാനഡയിലെയും  മലയാളികളുടെ ആവശ്യം ശക്തമാവുകയും പ്രസിഡണ്ട്  സ്ഥാനത്തേക്ക്  കാനഡായിൽ നിന്നുള്ള  ഡോ.തോമസ് തോമസ്  മത്സരിക്കാൻ  രംഗത്തെത്തുകയും ചെയ്തതോടെ "വെറുമൊരു കൺവെൻഷൻ  ലക്ഷ്യവുമായാണ് " താൻ മത്സര രംഗത്ത്  വന്നതെന്ന  എതിരാളികളുടെ  പ്രചാരണങ്ങളോട്  പ്രതികരിക്കുകയായിരുന്നു  അദ്ദേഹം.

ഭൂവിസ്തൃതിയിൽ  അമേരിക്കയെക്കാൾ വലിപ്പമുള്ള ,ലോകത്തിലെ രണ്ടാമത്തെ രാജ്യമായ കാനഡായ്ക്കു, ഒരു അമേരിക്കൻ സ്റ്റേറ്റിനുള്ള പരിഗണന പോലും നല്കാതിരിക്കുമ്പോൾ  ആ സംഘടനക്ക്  എങ്ങനെ കാനഡായിൽ വളരാനാകും? എതിർ സ്ഥാനാർത്ഥിയുടെ വാക്കുകൾ കടമെടുത്താൽ ഫോമായുടെ സീനിയർ നേതാവും ദീർഘകാലം കാനഡയിലെ ഫോമാ വൈസ് പ്രസിഡണ്ടുമായ ഞാൻ, നിരവധി തവണ മറ്റുള്ളവർക്കുവേണ്ടി മാറിക്കൊടുത്തതിനുശേഷമാണ്  ഇപ്പോൾ പ്രസിഡണ്ട്  സ്ഥാനത്തേക്ക് മത്സരിക്കുന്നത്. ഫോമായുടെ കാനഡയിലെ വളർച്ചയെപ്പറ്റി ആകുലതയുള്ള ആളായിരുന്നെങ്കിൽ,  എൻ്റെ താല്പര്യം മുന്നിൽകണ്ട് അദ്ദേഹം എനിക്കെതിരെ മത്സരിക്കാൻ പോലും തയ്യാറാകരുതായിരുന്നു.  ഫോമാ ഇന്നേവരെ കാനഡായിൽ ഒരു കൺവെൻഷൻ നടത്തിയിട്ടില്ല. ഫൊക്കാന ഇതിനോടകം രണ്ടു കൺവെൻഷനുകൾ കാനഡയിൽ നടത്തിയിട്ടുണ്ടെന്ന കാര്യം മനസ്സിലാക്കണം. ഒരു പ്രദേശത്ത്  കൺവെൻഷൻ വരികയും  ആ പ്രദേശത്തിന്റെ പ്രതിനിധി പ്രസിഡണ്ട് ആകുമ്പോഴൊക്കെയാണ്  ഒരു പ്രസ്ഥാനം ആ പ്രദേശത്തു വേരോടുന്നതും വളരുന്നതും! ഒരിക്കലും  പ്രാതിനിത്യം ലഭിക്കാതെ തിരസ്കരിക്കപ്പെടുകയും, പിന്തള്ളപ്പെടുകയും  ചെയ്യുന്ന ഒരു പ്രസ്ഥാനത്തിൽ  എങ്ങനെ ആളെ കൂട്ടും? ഒരു സീനിയർ നേതാവിന് ഇതാണ് ഗതിയെങ്കിൽ വേറെ ആരെങ്കിലും ഈ പ്രസ്ഥാനത്തിന്റെ ഭാഗമാകാൻ മുൻപോട്ടു വരുമോ? ഇത്രയൊക്കെ അവഗണന നേരിട്ടിട്ടും, എതിർ സ്ഥാനാർത്ഥി പറഞ്ഞതുപോലെ ഒന്നല്ല, പ്രധാനപ്പെട്ട മൂന്നു മലയാളി സംഘടനകൾ ഇപ്പോളും ഫോമായോടൊപ്പമുണ്ട്.

അമേരിക്കയിലെ ഏതു സ്റ്റേറ്റിലെ പ്രസിഡണ്ടിനെപ്പോലെ തന്നെ കാനഡയിൽ നിന്ന് തെരഞ്ഞെടുക്കപ്പെടുന്ന പ്രസിഡന്റിനും തൻ്റെ കർത്തവ്യങ്ങൾ നിർവ്വഹിക്കാനാവും .എതിർസ്ഥാനാർത്ഥിയുടെ  വാക്കുകളിൽ നിന്ന് കാനഡായിൽ നിന്ന് ഒരു പ്രസിഡണ്ട് ഒരു കാലത്തും ഉണ്ടാകാൻ പാടില്ല എന്നാണ് മനസ്സിലാകുന്നത്.. ഇത് തികഞ്ഞ അവഗണനയോടെയുള്ള  ഇടുങ്ങിയ കാഴ്ചപ്പാടാണ്.

എതിർസ്ഥാനാർത്ഥി  പറയുന്നതുപോലെ  യാതൊരു ലക്ഷ്യബോധമോ പ്ലാനോ ഇല്ലാതെ എവിടെ വേണമെങ്കിലും  കൺവെൻഷൻ നടത്താമെന്നല്ല ഞാൻ പറയുന്നത്.  വ്യക്തമായ കാഴ്ചപ്പാടോടെ , കൃത്യമായ ദീർഘ വീക്ഷണത്തോടെ  2022 -ൽ  നയാഗ്രാ ഫാൾസിൽ  ഫോമാ കൺവെൻഷൻ നടത്തണമെന്നാണ് ഞാൻ ആഗ്രഹിച്ചത്.  അമേരിക്കയിലെയും കാനഡയിലെയും  ഡെലിഗേറ്റുസുകളിൽ , ഞാൻ ബന്ധപ്പെട്ടവരിൽനിന്നെല്ലാം ആവേശകരമായ പിന്തുണയാണ് അതിന് ലഭിച്ചുകൊണ്ടിരിക്കുന്നത്; എല്ലാവർക്കും നയാഗ്രാ ഫാൾസിൽ  അടുത്ത കൺവെൻഷൻ  നടത്തുന്നതിനോടാണ്  താല്പര്യം. അത് ഫോമായുടെ ചരിത്രത്തിലെ എല്ലാംകൊണ്ടും ഏറ്റവും വലിയ കൺവെൻഷനായിരിക്കും എന്ന കാര്യത്തിൽ സംശയമില്ല;  രണ്ടു വർഷത്തെ ഞങ്ങളുടെ പ്രവർത്തന മികവിന്റെ കൊട്ടിക്കലാശമായിരിക്കും അത്. കാണാൻ പോകുന്ന പൂരം പറഞ്ഞറിയിക്കേണ്ട കാര്യമില്ലല്ലോ!"  പ്രസിഡണ്ട് സ്ഥാനാർത്ഥി ഡോ.തോമസ്  പറഞ്ഞു.

കൺവെൻഷന്റെ ആദ്യദിനം ഈ വർഷം കൺവെൻഷൻ നടത്താൻ സാധിക്കാതെ  പുറത്തേക്കു പോകുന്ന ഭാരവാഹികൾക്കായി നീക്കി വെക്കും. അവർക്ക്  മതിയായ അംഗീകാരവും ആദരവും ചടങ്ങിൽ നൽകുകയും ചെയ്യും. കൂട്ടായ തീരുമാനത്തിലൂടെ കൺവെൻഷന്  പുതിയ മാനങ്ങൾ തേടും ; ഫോമായുടെ നിലവിലുള്ള  എല്ലാ പ്രവർത്തനങ്ങളും തുടരുന്നതിനോടൊപ്പം പല പുതിയ പ്രോജക്ടുകളും നടപ്പിലാക്കാനും പദ്ധതിയുണ്ട്. 2022  ഫോമാ കൺവെൻഷൻ കഴിയുമ്പോഴേക്കും ഫോമായുടെ  അംഗസംഘടനകളുടെ എണ്ണം നൂറിൽ  എത്തിയിരിക്കും! " - ഡോ .തോമസ്  തന്റെ കാഴ്ചപ്പാടുകളും നയവും വ്യക്തമാക്കി.

ഒരു വിജയകരമായ കൺവെൻഷൻ  നടത്താനുള്ള എല്ലാ അനുകൂല കാലാവസ്ഥയാണ്  ഇന്ന് കാനഡായിലുള്ളത്. ഫെഡറൽ, പ്രൊവിൻഷ്യൽ ഗവണ്മെന്റുകളുടെ  പിന്തുണ, കലാ സാംസ്കാരിക സംഘടനകളുടെയും  കലാകാരന്മാരുടെയും പിന്തുണ, സുരക്ഷിതത്വം, ഹോട്ടൽ-സുഖ സൗകര്യങ്ങൾ തുടങ്ങിയവ  എല്ലാം അനുകൂല ഘടകങ്ങളാണ്."

"ദിനംപ്രതി നൂറുകണക്കിന്  മലയാളികൾ   കുടിയേറിക്കൊണ്ടിരിക്കുന്ന  കാനഡയിൽ  മലയാളിസംഘടനകളുടെ  എണ്ണവും വർഷം തോറും  വർദ്ധിച്ചുകൊണ്ടിരിക്കുകയാണ് .  ഇപ്പോൾ ഫോമാ നന്നായി കരുക്കൾ നീക്കി,  കാനഡായിലൊരു കൺവെൻഷൻ നടത്തിയാൽ  ബഹുഭൂരിപക്ഷം  മലയാളി സംഘടനകളും   ഫോമായോടൊപ്പം ചേരാൻ തയ്യാറാകും .എന്നാൽ, ഫോമായിൽ നിന്നും കാനഡയ്ക്ക്  വേണ്ടത്ര പരിഗണന കിട്ടിയില്ലെങ്കിൽ  നിലവിലുള്ളവർ കൂടി  മറുകണ്ടം ചാടാൻ സാധ്യതയുണ്ട്; വർഷങ്ങളായി ഞാൻ ഇത് പറയുന്നുണ്ട്." തോമസ് തൻ്റെ അമർഷം ഉള്ളിലൊതുക്കി പറഞ്ഞു.

ഇലക്ഷൻ  മാത്രം മുന്നിൽകണ്ടുകൊണ്ടു ഏതു കുതന്ത്രത്തിലൂടെയും  വോട്ടു നേടി വിജയിക്കാൻ ശ്രമിക്കുന്നവരെയും  സ്ഥാനമാനങ്ങൾ വാഗ്ദാനം ചെയ്തു കൂടെനിർത്താൻ  ശ്രമിക്കുന്നവരെയും  ജനം തിരിച്ചറിയണം.

ഫോമായുടെ വളർച്ചയും അംഗബലവുമാണ്  ലക്‌ഷ്യം വെക്കുന്നതെങ്കിൽ   ഫോമാ കൺവെൻഷൻ  കാനഡയിലെ നയാഗ്രയിൽ  നടത്തേണ്ടത്  ഫോമായുടെ  തന്നെ ആവശ്യമായി കരുതി  എല്ലാ അമേരിക്കൻ മലയാളി സംഘടനകളും പിന്തുണക്കണമെന്നും  ഫോമായുടെ  അമരത്തേക്ക്   തന്നെ എതിരില്ലാതെ   വിജയിപ്പിക്കണമെന്നും  ഡോ.തോമസ്  അഭ്യർത്ഥിച്ചു.

 
imageRead More

Facebook Comments

Comments

  1. Kridarthan

    2020-09-01 22:53:44

    ജാഡയോ, സുഖിപ്പിക്കലോ മറ്റുള്ളവരെ കൂടെ നിർത്താൻ പൊള്ളയായ വാഗ്ദാനങ്ങളോ നൽകാൻ ശ്രമിക്കാത്ത ഒരു സാധാരണ മനുഷ്യൻ. ഏതൊരു സംഘടനയുടെയും വളര്ച്ചക്ക് സത്യസന്ധനായ ഒരു നേതാവ് ആവശ്യം വേണ്ട ഒരു ഘടകമാണ്.

Leave a Reply


മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക

Your email address will not be published. Required fields are marked *

അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല

RELATED ARTICLES

ഫോമ ഹെല്പിങ് ഹാന്‍ഡ്‌സ് ന്യൂയോര്‍ക്ക് മേഖല മെമ്പര്‍ഷിപ് ക്യാമ്പയിന്‍ സെനറ്റര്‍ കെവിന്‍ തോമസ് ഉദ്ഘാടനം ചെയ്തു

ഫോമാ നഴ്സിംഗ് ഫോറം: ആരോഗ്യ മേഖലയിലെ സേവനങ്ങള്‍ക്ക് ഫോമയുടെ മറ്റൊരു സംരംഭം

ഫോമാ സണ്‍ഷൈന്‍ റീജിയന്‍ വിമന്‍സ് ഫോറം വനിതാദിനവും ജീവകാരുണ്യ പ്രവര്‍ത്തനോദ്ഘാടനവും വര്‍ണോജലമായി

ഫോമാ ജനറൽ സെക്രട്ടറി സ്ഥാനത്തേക്ക് വിനോദ് കൊണ്ടൂർ മത്സരിക്കുന്നു

ഫോമയുടെ നേതൃത്വത്തില്‍ ആരംഭിക്കുന്ന ദ്വൈമാസികയിലേക്ക് സൃഷ്ടികള്‍ ക്ഷണിക്കുന്നു.

ഫോമാ പൊളിറ്റിക്കൽ ഫോറത്തിന്റെ ഇലക്ഷൻ ഡിബേറ്റിൽ നയങ്ങൾ വ്യക്തമാക്കി മുന്നണികളും നേതാക്കളും

ഫോമാ സാന്ത്വന സംഗീതം അൻപതാം എപ്പിസോഡ് മാർച്ച് 28 ന്: ലൈവ് ഓർക്കസ്ട്ര

ഫോമാ ബിസിനസ് ഫോറം മേഖല സമിതികളുടെ ഔദോഗിക ഉദ്ഘാടനം മാർച്ച് 27 ന്

ഫോമാ മയൂഖം വേഷവിധാന മത്സരത്തിന് തിരശ്ശീലയുയര്‍ന്നു

ഫോമാ എംപയർ റീജിയന് നവനേതൃത്വം ; ഷോബി ഐസക് - (ആർ.വി.പി) , ഷോളി കുമ്പിളുവേലി (സെക്രട്ടറി )

ഫോമയുടെ നേതൃത്വത്തില്‍ ദ്വൈമാസിക ആരംഭിക്കുന്നു. മാസികയ്ക്ക് പേര് നിര്‍ദ്ദേശിക്കുന്നവര്‍ക്ക് പാരിതോഷികം.

ഫോമാ മുഖാമുഖം : മലയാളികളുടെ വിദേശ രാജ്യങ്ങളിലേക്കുള്ള കുടിയേറ്റം കുറയുമെന്ന് : ഡോ ജേക്കബ് തോമസ് ഐ. പി. എസ്

ഫോമാ മുഖാമുഖം - ചലച്ചിത്രം സംവിധായകന്റെ മാത്രം കലയല്ല: ജീത്തു ജോസഫ്

ഫോമ 2022- 24 പ്രസിഡന്റ് സ്ഥാനാര്‍ത്ഥിയായി ജയിംസ് ഇല്ലിക്കലിനെ എം.എ.സി.എഫ് എന്‍ഡോഴ്‌സ് ചെയ്തു

സംവിധായകന്‍ ജീത്തു ജോസഫുമായി ഫോമ മുഖാമുഖം മാര്‍ച്ചു 13 നു വൈകുന്നേരം 9.30 ന്

ഫോമാ വനിതാ ദേശീയ സമിതി വനിതാ ദിനാഘോഷം ചലച്ചിത്ര നടി സുനിതാ രാജ് മാര്‍ച്ച് 13 ന് ഉദ്ഘാടനം ചെയ്യും

ഒ സി ഐ : ഫോമാ കേന്ദ്ര ഗവണ്‍മെന്റില്‍ സമ്മര്‍ദ്ദം ചെലുത്തും

മുത്തൂറ്റ് ഗ്രൂപ്പ് ചെയർമാന്റെ നിര്യാണത്തിൽ ഫോമ  അനുശോചിച്ചു

ഫോമാ ക്രിഡന്‍ഷ്യല്‍ കമ്മറ്റി ഭാരവാഹികളെ തെരെഞ്ഞെടുത്തു

ഫോമാ വനിതാ ഫോറം ലോക വനിതാ ദിനം ആഘോഷിക്കുന്നു.

പ്രവാസി യാത്രക്കാർക്ക് ആർ.ടി.പി.സി.ആർ.ടെസ്റ്റ്  സൗജന്യമാക്കിയത്  ഫോമാ സ്വാഗതം ചെയ്തു

ഫോമാ വനിതാ സമിതി വനിതാ പ്രതിഭകളെ ആദരിക്കുന്നു

ഫോമാ വിമന്‍സ് ഫോറത്തിന്റെ വാരാന്ത്യ പരിപാടികള്‍

ഫോമാ യൂത്ത് ഫോറം 27-നു ദിവ്യ ഉണ്ണി ഉദ്ഘാടനം ചെയ്യും

ഇ.എം.സി.സി വിവാദ കരാർ സംബന്ധിച്ച്‌ ഫോമയുടെ ഔദ്യോഗിക വിശദീകരണ കുറിപ്പ്

ഫോമാ സണ്‍ഷൈന്‍ റീജിയന്റെ ഉല്‍ഘാടനം വര്‍ണ്ണഗംഭീരമായി റ്റാമ്പായില്‍ അരങ്ങേറി

ഫോമ: സേവന സന്നദ്ധരായവര്‍ക്ക് ഏറ്റവും നല്ല മാതൃക.: പി.ബി .നൂഹ്

ഫോമാ 2020 -2022 പൊളിറ്റിക്കല്‍ ഫോറം ഭാരവാഹികളെ പ്രഖ്യാപിച്ചു. സജി കരിമ്പന്നൂര്‍ ചെയര്‍മാന്‍

ചാരിറ്റി ബാങ്ക് തുടങ്ങി ഫോമ: അഭിമാന പദ്ധതി ഹെല്‍പിംഗ് ഹാന്‍ഡ്‌സ് പി.ബി. നുഹ് ഉദ്ഘാടനം ചെയ്തു

നിയുക്ത കേരള ചീഫ് സെക്രട്ടറി ശ്രീ ജോയി വാഴയിലുമായി ഫോമാ മുഖാമുഖം നാളെ

View More