-->

kazhchapadu

തെക്കുവടക്ക്(കഥ: ശങ്കരനാരായണന്‍ മലപ്പുറം)

ശങ്കരനാരായണന്‍ മലപ്പുറം

Published

on

ഗോപാലന്റെ അനുജനാണ് ഗോവിന്ദന്‍.  അച്ഛന്റെ പേരിലുള്ള സ്ഥലത്തെ വടക്കേ അതിരില്‍ ഗോപാലനൊരു വീടു വച്ചു. പിന്നീട് ഗോപാലന്റെ വീടിന്റെ നേരെ തെക്കുഭാഗത്ത് ഗോവിന്ദനുമൊരു വീടു വച്ചു. ജ്യേഷ്ഠന്‍ ഗോപാലന്റെ മകന്‍ ഗോപന്‍ വലുതായപ്പോള്‍ പിതൃസഹോദരനായ ഗോവിന്ദന്റെ വീടിന്റെ നേരെ തെക്കുഭാഗത്ത് മൂന്നാമതൊരു വീടു വച്ചു. ഭാഗം വയ്ക്കാത്തതിനാല്‍ സ്ഥലത്തിന്  വേലിയോ മതിലോ അതിരോ ഒന്നും ഉണ്ടായിരുന്നില്ല. സ്ഥലത്തിന് അതിരുകള്‍ ഇല്ലായിരുന്നെങ്കിലും അവരെല്ലാവരും അതിരറ്റ സ്‌നേഹത്തോടെയാണ് കഴിഞ്ഞിരുന്നത്.

         അതിനിടെ ഗോവിന്ദന് വിട്ടുമാറാത്ത ഒരസുഖം. വീടിന്റെ നില്‍പ്പു പ്രശ്‌നമാണോ കാരണമെന്ന് ഗോവിന്ദനൊരു സംശയം. സിവില്‍ എഞ്ചിനീയറിംഗിന് പഠിക്കുന്ന ഇളയ മകനോട് ഗോവിന്ദന്‍ അഭിപ്രായം ചോദിച്ചു. അവന്‍ നിര്‍ദ്ദേശിച്ചതിനനുസരിച്ച് ഒരു ദിവ്യനെ വീട്ടില്‍ വിളിച്ചുവരുത്താന്‍ ഗോവിന്ദന്‍ തീരുമാനിച്ചു.  വിവരം ജേഷ്ഠനെയും ജ്യേഷ്ഠന്റെ മകനായ ഗോപനെയുമൊക്കെ അറിയിച്ചു. എല്ലാവരും ഗോവിന്ദന്റെ വീട്ടില്‍ ഒത്തുകൂടി. വീടിന്റെ നില്പു പ്രശ്‌നം തന്നെയാണെന്ന് ദിവ്യന്‍ കല്പിച്ചു. ദിവ്യന്‍ ചില പരിഹാരക്രിയകള്‍ നിര്‍ദ്ദേശിച്ചു. അതൊക്കെ ചെയ്യാമെന്ന് അവര്‍ സമ്മതിച്ചു.

     മുറ്റത്തേക്കിറങ്ങിയ ദിവ്യന്‍ ഗോവിന്ദന്റെ വീടും പരിസരവുമൊക്കെ സസൂക്ഷ്മം ശ്രദ്ധിച്ചു. ഒരേ നിരയില്‍ നില്‍ക്കുന്ന മൂന്ന് വീടുകളുടെയും മദ്ധ്യത്തിലുള്ള ഗോവിന്ദന്റെ വീടിന്റെ തെക്കു ഭാഗത്തും വടക്കു ഭാഗത്തും ഓരോ പുളിമരത്തൈകളുണ്ട്. ഇത് ദിവ്യന്റെ ശ്രദ്ധയില്‍പ്പെട്ടു. ദിവ്യന്‍ പറഞ്ഞു:

    'വീടിന്റെ വടക്കുഭാഗത്തുള്ള പുളിമരം അനര്‍ത്ഥങ്ങളുണ്ടാക്കും. തെക്കുഭാഗത്തുള്ള പുളിമരം ഐശ്വര്യവും'
       ഇതു പറഞ്ഞ് വലിയ സംഖ്യ ദക്ഷിണയും വാങ്ങി ദിവ്യന്‍ തന്റെ കാറില്‍ തിരിച്ചുപോയി. ഗോവിന്ദന്‍ ഉടനെത്തന്നെ തന്റെ വീടിന്റെ വടക്കു ഭാഗത്തുള്ള പുളിമരത്തൈ വെട്ടിയിട്ടു. തന്റെ അച്ഛനുമമ്മയുമൊക്കൊ താമസിക്കുന്ന വീടിന് ഐശ്വര്യം ഉണ്ടാക്കുന്നതും  വീടിന്റെ തെക്കു ഭാഗത്തുള്ളതുമായ പുളിമരം വെട്ടിയിട്ടതു കണ്ടപ്പോള്‍ ഗോപന്റെ കോപം അതിരുവിട്ടു. അതിരില്ലാത്ത ഭൂമിയില്‍നിന്ന് അവന്‍ ബഹളം വച്ചു.  അച്ഛന്‍ ഗോപാലനും അനുജനും ഒപ്പം ചേര്‍ന്നു. കോപിഷ്ഠനായ ഗോപന്‍ പകരംവീട്ടി. തന്റെ വീടിന്റെ വടക്കുഭാഗത്തുള്ളതും വീടിന് അനര്‍ത്ഥങ്ങള്‍ ഉണ്ടാക്കുന്നതുമായ പുളിമരം ഗോപനും വെട്ടിയിട്ടു.

    അതോടെ ബഹളം മൂത്തു. പിന്നെ വാക്കേറ്റമായി, അടിയായി, ഇടിയായി, കുത്തായി, കോടതിയില്‍ കേസ്സുമായി. കേസ്സിനും ജാമ്യത്തിനും കേസ്സ് നടത്താനുള്ള പണത്തിനും വേണ്ടി ഗോപാലനും ഗോവിന്ദനും ഗോപനും ഇടതടവില്ലാതെ തെക്കുവടക്ക് നടക്കാനും തുടങ്ങി.

Facebook Comments

Leave a Reply


മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക

Your email address will not be published. Required fields are marked *

അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല

RELATED ARTICLES

നിവേദ്യം (ഉഷാ റോയ്, കഥാ മത്സരം)

പാർക്കിലൊരു സായാഹ്നം (വി.കെ.സെബാസ്റ്റ്യൻ, ഇ -മലയാളി കഥാമത്സരം)

അരികിൽ ഒരാൾ (ഗീത നെന്മിനി, ഇ -മലയാളി കഥാമത്സരം)

ഹൃദയം പ്രേമാര്‍ദ്രം... (സജേഷ് ആർ, ഇ -മലയാളി കഥാമത്സരം)

ശ്യാമമേഘങ്ങൾ പെയ്തൊഴിയാതെ (പ്രഭാകരൻ പനയന്തട്ട, ഇ -മലയാളി കഥാമത്സരം)

പുസ്തകവേട്ട (ജംഷിദ സത്താർ, ഇ -മലയാളി കഥാമത്സരം)

യോഷ മതം (ഷാൻ, ഇ -മലയാളി കഥാമത്സരം)

പെണ്ണുരുക്കങ്ങൾ (സജിത വിവേക്, ഇ -മലയാളി കഥാമത്സരം)

ഹൈമ (ഗീത ബാലകൃഷ്ണന്‍, ഇ -മലയാളി കഥാമത്സരം)

ശ്വാനശാപം (എബിൻ മാത്യു കൂത്താട്ടുകുളം, ഇ -മലയാളി കഥാമത്സരം)

കരിക്കട്ട (ഷാജൻ റോസി ആന്റണി, ഇ -മലയാളി കഥാമത്സരം)

ജാതകവശാൽ (ഉദയ പയ്യന്നൂര്‍, ഇ -മലയാളി കഥാമത്സരം)

നീലയും ചുവപ്പും നിറമുള്ള തത്ത (സന്ധ്യ. ഇ, ഇ -മലയാളി കഥാമത്സരം 39)

കാത്തിരുന്ന കത്ത് (ഷീബ, ഇ -മലയാളി കഥാമത്സരം 38)

ഒറ്റ രൂപ (അനീഷ് കുമാർ  കേശവൻ, ഇ -മലയാളി കഥാമത്സരം 37)

ഗൗളീശാസ്‌ത്രം സത്യമാകുമ്പോള്‍ (സ്വാതി. കെ, ഇ -മലയാളി കഥാമത്സരം 36)

ജോഹർ കുണ്ഡിലെ നൊമ്പരക്കാറ്റ് (സജി കൂറ്റാംപാറ,  ഇ -മലയാളി കഥാമത്സരം 35)

അബൂക്കയുടെ ഒരുദിവസം (ഹസൈനാർ അഞ്ചാംപീടിക, ഇ -മലയാളി കഥാമത്സരം 34)

ഒരു പെണ്ണിന്റെ കഥ (ഗിരിജ ഉദയൻ, ഇ -മലയാളി കഥാമത്സരം 33)

കൂടുമാറ്റം (ഡോ. റാണി ബിനോയ്‌, ഇ -മലയാളി കഥാമത്സരം 32)

മഴുവിന്റെ കഥ (മാത്യു കെ. മാത്യൂ, ഇ -മലയാളി കഥാമത്സരം 31)

ക്രാന്തിവൃത്തം (അമൽരാജ് പാറേമ്മൽ, ഇ -മലയാളി കഥാമത്സരം 30)

മീസാൻ കല്ലുകളുടെ വിലാപം (സാക്കിർ സാക്കി, ഇ -മലയാളി കഥാമത്സരം 29)

അടയാളപ്പെടാത്തവർ (സിനി രുദ്ര, ഇ-മലയാളി കഥാമത്സരം 28)

പെണ്ണേ, നീ തീയാവുക! (ലക്ഷ്മി. എസ്. ദേവി, ഇ-മലയാളി കഥാമത്സരം 27)

കുമാർതുളിയിലെ ദുർഗാപ്രതിമകൾ (ശ്യാംസുന്ദർ പി ഹരിദാസ്, ഇ-മലയാളി കഥാമത്സരം 26)

കാത്ത് നിൽക്കാതെ (രാജൻ കിണറ്റിങ്കര, ഇ-മലയാളി കഥാമത്സരം 25)

നൂറയുടെ ജൻമദിനം (നൈന മണ്ണഞ്ചേരി, ഇ-മലയാളി കഥാമത്സരം 24)

ഒരു ഡയറി കുറിപ്പ് (മരിയ ജോൺസൺ, ഇ-മലയാളി കഥാമത്സരം 23)

ഭ്രാന്തി (അർച്ചന ഇന്ദിര ശങ്കർ, ഇ-മലയാളി കഥാമത്സരം 22)

View More