-->

America

രാത്രിക്കള്ളൻ (കവിത: പി.എം.ഇഫാദ്)

Published

on

സന്ധ്യയുടെ ചെമ്പരത്തികയ്യിൽ
തൂങ്ങിയാണ് രാത്രി
ആദ്യമായി ഇറങ്ങി വന്നത്.

വിശപ്പിന്റെ വിരല് ചൊറിഞ്ഞപ്പോ
സൂര്യന്റെ മഞ്ഞ വള്ളി
കൊണ്ട് തോരൻ ഉണ്ടാക്കിയതും,
പുഴയുടെ മുളകരച്ച്
തിരമാലകളുടെ തേങ്ങാ ചിരവി
കാടിന്റെ പുളി കൂട്ടി ചേർത്ത്
ചമ്മന്തിയുടെ മഴവില്ല്
ഇരുട്ടിന്റെ പായേല് നിരത്തിയതും
മറവിയുടെ കിണറ്റിലേക്ക് വീണു പോയിട്ടില്ല.

കിടക്കപായിൽ മുള്ളിയപ്പോ
ചന്ദ്രനും നക്ഷത്രവും
മുങ്ങി കിടന്നത്,
കൊക്കിനെ പോലും
കറുപ്പിച്ച് ആളെ മാറ്റിയത്,
കോളനി ഒഴിപ്പിക്കാൻ വന്നപ്പോ
രാത്രിയുടെ മാറിൽ
വീടും മുറ്റവും
ഒളിച്ചു കിടന്നുറങ്ങിയത്,
മറക്കുമോ ഞങ്ങൾ,
കാലം കയ്യിലിരുന്ന് വറ്റിയാലും!!
മറക്കുമോ,
നേരം ഇലച്ചീന്തിൽ വിളമ്പി തീർന്നാലും!!

രാത്രിയുടെ മുടികറുപ്പിൽ മറഞ്ഞിരുന്നാണ്
ഞങ്ങൾ തൊട്ട് തീണ്ടാത്തവർ
വാക്ക് കട്ടെടുത്തിരുന്നത്.
ആ വാക്കിലുണർന്നാണ്
ഞങ്ങൾ കറുത്തവർ
കവിതെഴുതിയത്.
ഇനിയും പറയുമോ
നിന്നെ ഞങ്ങൾ ഒറ്റി കൊടുത്തെന്ന്.
ചോര ചാറി ചോപ്പിച്ച്,
മാംസം പുറത്തെടുത്ത് വേവിച്ച്,
മജ്ജ നിന്റെ(നിങ്ങളുടെ)വെളുത്ത വാക്കിൽ ചുട്ടെരിച്ച്,
എന്റെ കവിത നീ ( നിങ്ങൾ കുറേ പേർ )
കൊമ്പിൽ കോർത്തു വെച്ച്,
പിന്നെ പിച്ചി ചീന്തി രസിച്ച്,
ചവച്ച് തുപ്പി കളിച്ച്,
ഇല്ല പക്ഷെ നീ വാഴുകില്ല
എന്റെ വിഷത്തിൽ എന്നേ
നീ ചത്തു പോയി!!

Facebook Comments

Leave a Reply


മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക

Your email address will not be published. Required fields are marked *

അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല

RELATED ARTICLES

പെരുമഴ(കവിത: ദീപ ബിബീഷ് നായര്‍ (അമ്മു))

ഗംഗ; കവിത, മിനി സുരേഷ്

കോർപ്പറേറ്റ് ഗോഡസ്സ് - പുഷ്പമ്മ ചാണ്ടി (നോവൽ - ഭാഗം - 10 )

ഉഗു (കഥ: അശോക് കുമാർ.കെ.)

പാമ്പും കോണിയും - നിർമ്മല - നോവൽ 46

കദനമഴ (കവിത: ജിസ പ്രമോദ്)

കൊ (കവിത: വേണുനമ്പ്യാർ)

ഉത്സവക്കാഴ്ചകൾ (കഥ:സാക്കിർ സാക്കി, നിലമ്പൂർ)

മഹാമാരി വരുമ്പോൾ (കവിത: മുയ്യം രാജൻ)

സാന്ത്വന കൈകൾ (ജയശ്രീ രാജേഷ്)

ദൈവത്തിന്റെ പ്രതിരൂപങ്ങള്‍(കവിത: രാജന്‍ കിണറ്റിങ്കര)

പിന്തുടർന്ന വെള്ളാരംകണ്ണുകൾ (കഥ: രമണി അമ്മാൾ)

മെയ്മാസമേ....(കവിത: മാര്‍ഗരറ്റ് ജോസഫ്)

കാര്യസ്ഥന്‍ (നോവല്‍ -അധ്യായം -11: കാരൂര്‍ സോമന്‍)

മിഡാസ് ടച്ച് (കവിത: വേണുനമ്പ്യാര്‍)

കനലെരിയുമ്പോൾ (രേഖ ഷാജി)

ക്വാറന്റൈൻ (കവിത: ശിവൻ)

അമ്മ (കവിത: സുഭദ്ര)

ഊഞ്ഞാല്‍...(ചെറുകഥ: അനീഷ് കേശവന്‍)

ഇലകൾ പൊഴിച്ച ഒരു മരം (കഥ: പുഷ്പമ്മ ചാണ്ടി )

അമ്മയും ഞാനും (രമാ പ്രസന്ന പെരുവാരം)

അമ്മ (കവിത: ഡോ.എസ്.രമ )

അമ്മ (ജയശ്രീ രാജേഷ്)

വളയിട്ട കിനാവുകള്‍ (കവിത: ഷാജന്‍ ആനിത്തോട്ടം)

അമ്മ നിലാവ് (രേഖ ഷാജി)

നക്ഷത്രരാവുകൾ (അനിൽ.ടി.പ്രഭാകർ)

നിദ്രാവിഹീനം (മിനിക്കഥ: ബീന ബിനിൽ)

പാമ്പും കോണിയും - നിർമ്മല - നോവൽ - 45

അപരോക്ഷം (കവിത: വേണുനമ്പ്യാര്‍)

കോർപ്പറേറ്റ് ഗോഡസ്സ് - പുഷ്‌പമ്മ ചാണ്ടി - ഭാഗം - 9

View More