തിരുവനന്തപുരം : മുന്‍ കോണ്‍ഗ്രസ് എംപി കെ.വി തോമസ് ഇനി സിനിമയില്‍ . റോയ് പല്ലിശേരിയുടെ ഒരു 'ഫ്ലാഷ് ബാക്ക് സ്റ്റോറി'എന്ന സിനിമയിലാണ് കെ.വി തോമസ് കലാസാംസ്കാരിക മന്ത്രിയായെത്തുന്നത്. ആര്‍.എസ്.വി എന്റര്‍ടെയ്ന്‍മെന്റിന്റെ ബാനറില്‍ സജീറാണ് ചിത്രത്തിന്റെ നിര്‍മാണം നിര്‍വഹിക്കുന്നത് . ചിത്രത്തില്‍ മലയാളത്തിലെ ശ്രദ്ധേയ താരങ്ങളും അണിനിരക്കുന്നുണ്ട്. വര്‍ഷങ്ങള്‍ക്ക് മുന്‍പ് പൂര്‍വികര്‍ ചെയ്ത ക്രൂരതയ്ക്ക് ബലിയാടാകേണ്ടി വന്ന ഒരു കുടുംബത്തിന്റെ കഥയാണ് ചിത്രം പറയുന്നത്. കൂടാതെ സലിംകുമാര്‍, കോട്ടയം പ്രദീപ്, മജീദ്, നന്ദകിഷോര്‍, റോയ് പല്ലിശേരി തുടങ്ങിയവരും പ്രധാനവേഷത്തിലെത്തുന്നു.