-->

news-updates

വിങ്ങലായി വൈഗയും;നിഷ്‌ക്കളങ്ക ബാല്ല്യങ്ങളോട് എന്തിനീ ക്രൂരത

ജോബിൻസ് തോമസ്

Published

on

മകളേ മാപ്പ് ... എന്ന രണ്ടു വാക്ക് കേരളം പല തവണ എഴുതിയും പറഞ്ഞും മടുത്തതാണ്. എന്നാല്‍ ഇന്നതൊരു ഭംഗിവാക്കായി മാറിയിരിക്കുന്നു . അത് പറയാന്‍ അര്‍ഹതയില്ലാത്തവരായി മാറിയിരിക്കുന്നു മലയാളികള്‍. വിടരും മുമ്പേ ഞെട്ടറ്റു വീണ അല്ലെങ്കില്‍ പിഴുതെറിഞ്ഞ നിഷ്്ക്കളങ്ക പൂമൊട്ടുകളില്‍ ഒടുവിലത്തെയാളായി ഇന്നിതാ വൈഗയും. ഇനിയാര്‍ക്കും ഒരു കുഞ്ഞിനും ഈ ഒരു അവസ്ഥയുണ്ടാവരുതേയെന്ന് പ്രാര്‍ത്ഥിക്കാം., വൈഗ ഇവരുടെ പട്ടികയില്‍ അവസാനത്തെയാളാവട്ടെ. ഏറ്റവുമധികം ചേര്‍ത്തുപിടിക്കേണ്ട സംരക്ഷിക്കേണ്ട കരങ്ങള്‍ തന്നെ കൊന്നു തള്ളുമ്പോള്‍ സാക്ഷരകേരളമേ ലജ്ജിക്കുക ഒരായിരം വട്ടം പ്രായശ്ചിത്തം ചെയ്യുക എന്നു മാത്രമേ പറയുവാനുള്ളു.

സനുമോഹന്‍... താങ്കളെ ഇന്ന് നാം എല്ലാവരും മനുഷ്യമൃഗമായി കാണുമ്പോള്‍ താങ്കള്‍ ഒന്നോര്‍ക്കണം താങ്കളെ ദൈവതുല്യം സ്‌നേഹിച്ച ഒരു പിഞ്ചുകഞ്ഞായിരുന്നു വൈഗ. അമ്മയെ മറ്റൊരു വീട്ടിലാക്കിയ ശേഷം നമുക്കു പോവാം മോളെ എന്ന് താങ്കള്‍ പറഞ്ഞപ്പോള്‍ വിശ്വസിച്ച് ഇറങ്ങിവന്ന കുഞ്ഞ്. ആ യാത്രയില്‍ പോലും ഒരു അപരിചിത ശബ്ദമോ മറ്റോ കേട്ടാല്‍ സംരക്ഷണമാഗ്രഹിച്ച് താങ്കളുടെ കൈത്തലങ്ങളിലെ പിടി മുറുക്കുന്ന കുഞ്ഞ്. എങ്ങനെ തോന്നി നിന്റെ കടബാധ്യതകളുടെ പേരില്‍ ആ കുഞ്ഞിനെ കൊന്നു തള്ളാന്‍.

നമുക്ക് മരിക്കാം എന്നു താങ്കള്‍ പറഞ്ഞപ്പോള്‍ അമ്മയെക്കുറിച്ചോര്‍ത്ത് കരഞ്ഞ കുഞ്ഞ്. ആ കരച്ചിലില്‍ ആശ്വസിപ്പിക്കാനെന്നോണം താങ്കള്‍ നെഞ്ചോട് ചേര്‍ത്ത് ശ്വാസം മുട്ടിച്ചപ്പോള്‍ ഒരിറ്റു ശ്വാസത്തിനായി പിടഞ്ഞ കുഞ്ഞ് . ഒടുവില്‍ ജീവന്‍ പോകും മുമ്പേ നീ നിലയില്ലാക്കയത്തിലേയ്ക്ക് വലിച്ചെറിഞ്ഞപ്പോള്‍ പ്രണനായുള്ള പിടച്ചിലിനിടെ പുറത്തുവരാനാവാത്ത സ്വരത്തില്‍ ആ പൊന്നുമോള്‍ എത്ര തവണ വിളിച്ചിട്ടുണ്ടാവും അഛാ അഛാ എന്ന്.

ഇനിയും ഈ പ്രകൃതിക്ക് മനേഹാരിത നല്‍കി കളി ചിരിയുമായി നടക്കേണ്ട കുഞ്ഞ്് നാളകളില്‍ അവസരങ്ങളുടെ അനന്തവിഹായസ്സിലേയ്ക്ക് പാറിപ്പറക്കേണ്ട പൊന്നുമോളെയല്ലെ നീ ഇല്ലാതാക്കിയത്. എത്ര വിലകെട്ടതാണ് നിന്റെ ന്യായീകരണം ഞാനില്ലെങ്കില്‍ ആര് കുഞ്ഞിനെ നോക്കും എന്ന ചോദ്യം . ആ കുഞ്ഞിന് അമ്മയുടെ പൊന്നുപോലെ നോക്കാന്‍ നല്ല മനസ്സുള്ളവരുടെ ഒരു സമൂഹമുണ്ട് ഇല്ലെങ്കില്‍ ഇവിടെ നിയമവും അതിനുള്ള സംവിധാനങ്ങളുമുണ്ട്.
നിന്നെപ്പോലുള്ള മനുഷ്യമൃഗങ്ങള്‍ ഈ നാട്ടില്‍ ഇനിയും ഉണ്ടാകാതിരിക്കട്ടെ.

ഓരോ വാര്‍ത്തകളിലും മുഖം കാണുന്ന മലയാളത്തിന്റെ മാതൃമനസ്സിന്റെ തേങ്ങലാണ് ഇന്ന് വൈഗ. ജന്മം കൊടുത്തവര്‍ തന്നെ ജീവനെടുത്ത എത്രയോ കുഞ്ഞുമാലാഖമാരില്‍ ഒരാള്‍.

ഇനിയെങ്കിലും ഇതാവര്‍ത്തിക്കപ്പെടരുത് കുഞ്ഞുങ്ങള്‍ തങ്ങളുടെ സുഖജീവിതത്തിന് ശല്ല്യമായി തോന്നുവരും വളര്‍ത്താന്‍ കഴിയാത്തവരും അല്ലെങ്കില്‍ അവരെ ഉപേക്ഷിച്ച്  മരിക്കാനാണെങ്കില്‍ പോലും പോകുന്നവരും അവരെ കൊല്ലുന്നവരില്‍ നിന്നൊഴിവാക്കുക ഈ സമൂഹത്തിലെ ഏതെങ്കിലും ഒരു സംവിധാനത്തില്‍ അവരെ ഏല്‍പ്പിക്കുക.  ഇനിയും നിഷ്‌ക്കളങ്ക ബാല്യങ്ങള്‍ ഇവിടെ അരും കൊല ചെയ്യപ്പെടരുത്. അവര്‍ നാളെയുടെ പ്രതീക്ഷകളാണ്. അനവധി അവസരങ്ങളുടെ ഒരു പൂക്കാലമാണ് അവരെ കാത്തിരിക്കുന്നത്. മനസ്സില്‍ അല്പമെങ്കിലും മനുഷ്യത്വം ബാക്കി നില്‍ക്കുന്നവര്‍ക്ക് വൈഗ ഒരു വേദനയാണ് , കുറ്റബോധമാണ്........... 

Facebook Comments

Leave a Reply


മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക

Your email address will not be published. Required fields are marked *

അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല

RELATED ARTICLES

ആരാകും പ്രതിപക്ഷ നേതാവ്? (ജോസ് കാടാപുറം)

കടലിനും കോവിഡിനും നടുവിൽ സെന്റ് ജോർജ്, വ്യാളി വധത്തിനു ട്രിപ്പിൾ ലോക് (കുര്യൻ പാമ്പാടി)

മ്യാന്മറിനു വേണ്ടി പ്രാര്‍ഥിക്കൂ, എൻ്റെ ജനത കൊല്ലപ്പെടുകയാണ്': മിസ് യൂണിവേഴ്സ് വേദിയില്‍ ശബ്ദമുയര്‍ത്തി മത്സരാര്‍ഥി

സംസ്ഥാനത്ത് 21 അംഗ മന്ത്രിസഭ; സിപിഎം-12, സിപിഐ-4, ജനതാദള്‍ എസ്-1, കേരള കോണ്‍ഗ്രസ് എം- 1, എന്‍സിപി 1 വീതം

പിണറായിയുടെ ടീമില്‍ ആരൊക്കെ ? സാധ്യതകള്‍ ഇങ്ങനെ

ആന്റണി രാജുവിനും അഹമ്മദ് ദേവര്‍കോവിലിനും ആദ്യ നറുക്ക്

എന്‍സിപിയില്‍ നിന്നും ആര് ?

പ്രതിപക്ഷ നേതൃസ്ഥാനം: ചര്‍ച്ചകളും യോഗവും നാളെ

എല്‍ജെഡിയോട് ഇങ്ങനെയൊക്കെ ചെയ്യാമോ ?

വാക്‌സിന്‍ കയറ്റുമതി വീണ്ടും വിവാദമാകുമ്പോള്‍

മലയാളത്തിൽ കാണാൻ ഏറ്റവും പുതിയ 5 ഒടിടി സിനിമകൾ

ഊഴം വെച്ച് മന്ത്രിയാകാം ; ഉള്ളത് കൊണ്ട് എല്ലാവര്‍ക്കും വീതിച്ച് എല്‍ഡിഎഫ്

സ്വപ്‌നങ്ങളും യുദ്ധങ്ങളും ഇല്ലാത്ത ലോകത്തേയ്ക്ക് സൗമ്യ യാത്രയായി : കണ്ണീരോടെ വിട

സ്കൂളുകളില്‍ വിദ്യാര്‍ഥികള്‍ മാസ്ക് വയ്ക്കുന്നത് തുടരണമെന്ന് യുഎസ് സിഡിസി

കൊറോണയും മലയാളം പഠിക്കുമോ ?

ഒരു മന്ത്രി സ്ഥാനം ജോസിന് ലാഭമോ നഷ്ടമോ

മന്ത്രിസ്ഥാനങ്ങള്‍ : ചര്‍ച്ചകള്‍ അവസാനഘട്ടത്തില്‍ അയയാതെ ഘടകകക്ഷികള്‍

വാക്‌സിന്‍ വൈകിയാല്‍ പ്രവാസികള്‍ക്ക് പണിയാകും

ഇരകൾക്കൊപ്പമാണ് ലോകം

വേദനകളെ ചിരിച്ചു തോൽപ്പിച്ചവൻ

ദൈവത്തിന്റെ അപരന്മാർ (അനിൽ പെണ്ണുക്കര)

വാക്‌സിന്‍ നയം : നഷ്ട്‌പ്പെട്ട പ്രതിഛായ തിരികെ പിടിക്കാന്‍ കേന്ദ്രം

ട്രിപ്പിള്‍ ലോക്ഡൗണില്‍ ' സത്യപ്രതിജ്ഞാ മഹാസമ്മേളനം ' അനിവാര്യമോ ?

ട്രിപ്പിള്‍ ലോക്ഡൗണെന്നാല്‍ അല്‍പ്പം കടുപ്പം ; കാര്യങ്ങള്‍ ഇങ്ങനെ

കേരളത്തിലെ ഈ പഞ്ചായത്തില്‍ കോവിഡിന് പ്രവേശനമില്ല

ബ്രിട്ടനില്‍ വിദേശ യാത്രയ്ക്കുള്ള "ട്രാഫിക് ലൈറ്റ്" സംവിധാനം ഇങ്ങനെ

നന്ദുവിന് വിട ; ഓര്‍മ്മകളിലുണ്ടാവും ആ പ്രചോദനം

മാസ്ക് വേണ്ടെന്നുള്ള ഫെഡറൽ ശുപാർശ ന്യൂയോർക്കിൽ ഉടൻ  നടപ്പാക്കില്ലെന്ന് കോമോ 

ഏഷ്യാനെറ്റിന് പ്രവേശനം നിഷേധിച്ചതിലുള്ള മാധ്യമപ്രതിഷേധത്തില്‍ ആത്മാര്‍ത്ഥത ഉണ്ടോ ?

സര്‍ക്കാര്‍ ഉത്തരവില്‍ സ്വകാര്യ ആശുപത്രികള്‍ക്ക് ഇനിയും പഴുതുകള്‍

View More