തമിഴ് നടനാണെങ്കിലും മലയാളികള്‍ക്കേറെ പ്രിയപ്പെട്ട താരങ്ങളിലൊരാളാണ് ശാന്തനു ഭാഗ്യരാജ്. പ്രശസ്ത തമിഴ് സംവിധായകനും നടനുമായ ഭാഗ്യരാജ് ആണ് ശന്തനുവിന്‍്റെ പിതാവ്. അച്ഛനും മകനും മലയാളികള്‍ക്ക് സുപരിചിതരാണ്. നടന വിസ്മയം മോഹന്‍ലാല്‍ നായകനായ എയ്ഞ്ചല്‍ ജോണ്‍ എന്ന ചിത്രത്തില്‍ പ്രധാനപ്പെട്ട വേഷം അവതരിപ്പിച്ചത് ശാന്തനു ആയിരുന്നു. മാത്രമല്ല ദിലീപ് കേന്ദ്ര കഥാപാത്രത്തെ അവതരിപ്പിച്ച മിസ്റ്റര്‍ മരുമകന്‍ എന്ന ചിത്രത്തിലൂടെ ഭാഗ്യരാജിനെ മലയാളികള്‍ക്കും പരിചിതമാണ്.

അതേസമയം മലയാളികള്‍ക്ക് പ്രിയപ്പെട്ട താരം തന്നെയാണ് പൂര്‍ണിമ ഭാഗ്യരാജും. മോഹന്‍ലാല്‍ ആദ്യമായി ക്യാമറയ്ക്ക് മുന്നിലെത്തിയ മഞ്ഞില്‍ വിരിഞ്ഞ പൂക്കള്‍ എന്ന ചിത്രത്തിലെ നായികയായിരുന്നു പൂര്‍ണിമ. പിന്നീട് തമിഴ് സിനിമയിലേക്കും താരം ചേക്കേറി. വര്‍ഷങ്ങള്‍ക്കുശേഷം ജില്ലാ എന്ന ചിത്രത്തിലും മോഹന്‍ലാലും പൂര്‍ണിമയും ഒരുമിച്ച്‌ അഭിനയിച്ചിരുന്നു.

കഴിഞ്ഞ ദിവസമായിരുന്നു ഭാഗ്യരാജിനും ഭാര്യക്കും കോവിഡ് പോസിറ്റീവ് ആയത്. എന്നാല്‍ ഇപ്പോള്‍ മാതാപിതാക്കളുടെ ആരോഗ്യ അപ്ഡേറ്റും ആയി എത്തിയിരിക്കുകയാണ് മകന്‍ ശന്തനു. നിലവില്‍ ഇരുവര്‍ക്കും കുഴപ്പമൊന്നുമില്ല എങ്കിലും കാര്യങ്ങള്‍ എപ്പോള്‍ വേണമെങ്കിലും മാറി മറയാമെന്നും താരം ഓര്‍മ്മപ്പെടുത്തുന്നു. കോവിഡാനന്തര പ്രശ്നങ്ങള്‍ ഡെവലപ്പ് സാധ്യതയുണ്ട് എന്നും നടന്‍ ഓര്‍മ്മപ്പെടുത്തുന്നു. ധാരാളം ആളുകള്‍ക്ക് ആണ് ലക്ഷണങ്ങളൊന്നു പോലും കാണിക്കാതെ രോഗം വരുന്നത്. എന്നാല്‍ പിന്നീട് നിരവധി പ്രശ്നങ്ങളാണ് ഉടലെടുക്കുന്നത്.

'എന്‍റെ മാതാപിതാക്കള്‍ ഭാഗ്യരാജും പൂര്‍ണിമ ഭാഗ്യരാജും ഇന്ന് കൊവിഡ് പോസിറ്റീവ് ആയിരിക്കുകയാണ്. ഞാനും ഞങ്ങളുടെ വീട്ടില്‍ ഉണ്ടായിരുന്ന സ്റ്റാഫും എല്ലാം ഇപ്പോള്‍ സ്വയം നിരീക്ഷണത്തിലാണ്. കഴിഞ്ഞ പത്തു ദിവസത്തിനുള്ളില്‍ ഞങ്ങളുമായി സമ്ബര്‍ക്കം പുലര്‍ത്തിയവര്‍ ദയവായി സ്വരം നിരീക്ഷണത്തില്‍ പോകണമെന്ന് അഭ്യര്‍ത്ഥിക്കുന്നു. ദയവായി അവരുടെ രോഗമുക്തിക്ക് വേണ്ടി എല്ലാവരും പ്രാര്‍ത്ഥിക്കണം'- ഇതായിരുന്നു ശന്തനു ഭാഗ്യരാജ് ട്വിറ്ററില്‍ കുറിച്ചത്.