ഞാൻ പോത്ത്...
ചെവിയിൽ വേദമോതിയിട്ടും മനസിലാവാത്തവൻ
ഇരുപത്തിയഞ്ചു പേരുണ്ട് ഞങ്ങളിവിടെ
മുൻപ് അൻപതും നൂറും ഉണ്ടായിരുന്നു
കൊന്നതാണ്........ തിന്നാൻ വേണ്ടി
വലിയ ചുറ്റിക കൊണ്ട് തലക്കടിച്ചാണ് കൊല്ലാറ്
കൊല്ലുന്നതിനു മുൻപ് മനുഷ്യർ ഞങ്ങളോട് സമ്മതം ചോദിക്കും
അതിനവര് കുറച്ച് വെള്ളമെടുത്തു മുഖത്തേക്ക് തളിക്കും എന്നിട്ട് കൊന്നോട്ടെ എന്ന് ചോദിക്കും
വെള്ളം വീണ് ഞങ്ങൾ മുഖം കുടയുമ്പോൾ അതവർ സമ്മതമായെടുക്കും
ദൈവത്തെ പറ്റിക്കാനുള്ള ഓരോ വഴികൾ
പിന്നെ അവരൊന്നു പ്രാർത്ഥിക്കും
ആ പ്രാർത്ഥന കൂടി അയാൽ എല്ലാ പാപവും തീരുമെന്നാ അവര് പറയുന്നത്
ഇതെല്ലാം കഴിഞ്ഞു ചുറ്റിക എടുത്തു ഒരു വരവുണ്ട്
ആ സമയത്ത് അവന്റെ മുഖത്ത് പിശാചിനെ കാണാം
പിന്നെ തലക്ക് ഒരു ഒറ്റ അടിയാ ആ
അടിയിൽ പിടഞ്ഞു പിടഞ്ഞു ചാവും
ഒരിക്കൽ എന്റെ തലക്കും ആ അടി വരും...
കാലന്റെ വാഹനമെന്നാ ഞങ്ങളെ കുറിച്ച് അവര് പറയാറ്
പക്ഷെ ശരിക്കുമുള്ള കാലൻ അവര് തന്നെയാ
കൊന്ന പാപം തിന്നാ തീരുമെന്ന് എന്നോട് പറയണ്ട എനിക്ക് മനസിലാവില്ല
കാരണം ഞാൻ പോത്താണ് എന്നോട് വേദമോതിയിട്ട് കാര്യമില്ല.....