-->

news-updates

നികേഷ് - സുധാകരന്‍ പോര്; നികേഷിനെതിരെ കൊടിക്കുന്നില്‍ സുരേഷ്

ജോബിന്‍സ് തോമസ്

Published

on

കെപിസിസി പ്രസിഡന്റായ ശേഷം കെ.സുധാകരനില്‍ നിന്നും തനത് ശൈലിയിലുള്ള മറുപടി കേള്‍ക്കേണ്ടി വന്ന ആളാണ് റിപ്പോര്‍ട്ടര്‍ ചാനല്‍ എംഡി എം.വി നികേഷ് കുമാര്‍. ചാനല്‍ ചര്‍ച്ചയ്ക്കിടെ നികേഷ് ചോദിച്ച ചോദ്യത്തിനായിരുന്നു സുധാകരന്റെ മറുപടി.

നികേഷിന്റെ ചോദ്യം ഇങ്ങനെയായിരുന്നു 'ജാത്യാലുള്ളത് തൂത്താല്‍ പോകുമോ എന്നൊരു ചോദ്യമുണ്ട് ശ്രീ സുധാകരന്‍ താങ്കളുടെ നാവില്‍ വരുന്നത് പറയാതിരിക്കാന്‍ താങ്കള്‍ക്ക് സാധിക്കുമോ. മനസ്സില്‍ വരുന്നത് ചെയ്യാതിരിക്കാന്‍ താങ്കള്‍ക്ക് കഴിയുമോ ? അതൊന്നു മാറ്റിവയ്ക്കാന്‍ താങ്കള്‍ക്ക് കഴിയുമോ കെപിസിസി പ്രസിഡന്റായിരിക്കെ ഇങ്ങനെ പറയാന്‍ തോന്നുന്ന ചിലതൊക്കെ മാറ്റിവയ്‌ക്കേണ്ട സാഹചര്യമില്ലെ

സുധാകരന്റെ മറുപടി ' നിങ്ങളേക്കാളൊക്കെ സഹിഷ്ണുതയും സമചിത്തതയും ഉള്ള ആളാണ് ഞാന്‍. എന്നെ നികേഷിന് പണ്ടേ അറിയാമല്ലോ സിപിഎമ്മിന്റെ ആക്രമണത്തില്‍ നിന്നും നിങ്ങളുടെ സ്വന്തം അച്ഛന്റെ ജീവന്‍ രക്ഷിക്കാന്‍ കൂടെ നിന്ന കാലം മുതല്‍ നിങ്ങള്‍ക്കെന്നെ അറിയാമല്ലോ? അച്ഛനെ മറന്ന് നിങ്ങള്‍ കമ്മ്യൂണിസത്തിലേയ്ക്ക് തിരിച്ച് പോയി പക്ഷെ ഞാന്‍ പോയിട്ടില്ല. അച്ഛന്റെ കാഴ്ചപ്പാടിനൊപ്പം ഞാന്‍ ഇന്നും നില്‍ക്കുന്നു ഇവിടെ. അച്ഛന്റെ കാഴ്ച്ചപ്പാടുകളെ പിന്തുടരാന്‍ സാധിക്കാത്ത നിങ്ങള്‍ ആ വിമര്‍ശനമൊന്നും എന്നോട് വേണ്ട. അത് മാറ്റി വച്ചേക്കണം. 

'ജാത്യാലുള്ളത്' എന്ന നികേഷിന്റെ പരാമര്‍ശം സുധാകരനെ ജാതിപരമായി അവഹേളിച്ചതാണെന്ന ആരോപണം ഇതിനകം തന്നെ പലരും ഉന്നയിച്ചു കഴിഞ്ഞു. എന്നാല്‍ നികേഷിനെതിരെ രൂക്ഷ വിമര്‍ശനവുമായി രംഗത്തു വന്നിരിക്കുകയാണ് കെപിസിസി വര്‍ക്കിംഗ് പ്രസിഡന്റ് കൊടിക്കുന്നില്‍ സുരേഷ്. തന്റേ ഫേസ് ബുക്ക് പോസ്റ്റിലൂടെയായിരുന്നു സുരേഷിന്റെ പ്രതികരണം. 

കൊടിക്കുന്നില്‍ സുരേഷിന്റെ ഫേസ്ബുക്ക് പോസ്റ്റിന്റെ പൂര്‍ണ്ണരൂപം....

'ജാത്യാല്‍ ഉള്ളത് തൂത്താല്‍ പോകുമോ''
കേരള രാഷ്ട്രീയ ചരിത്രത്തില്‍ തന്നെ ആദ്യമായാണ് ഒരു മാധ്യമ പ്രവര്‍ത്തകന്‍ സമുന്നതനായ രാഷ്ട്രീയ നേതാവിനെതിരെ വംശീയമായ മുന്‍വിധിയോടെ ചോദ്യം ചോദിക്കുന്നത്.
ഒരു പക്ഷേ ലോക ചരിത്രത്തില്‍ തന്നെ ഇത്രയും റേസിസ്റ്റ് ആയ ചോദ്യം ഒരു ടീവി ഷോയ്ക്കിടെ നേരിടേണ്ടി വന്ന മറ്റൊരു നേതാവ് ഉണ്ടാകില്ല. CPM നേതാക്കന്മാര്‍ എന്തെങ്കിലും മൊഴിഞ്ഞാല്‍ ഉത്തരത്തിലിരുന്ന് പല്ലി ചിലയ്ക്കുന്നത് പോലെ പ്രതികരിക്കുന്ന സാംസ്‌കാരിക നായകരുടെ നാവ് ഇപ്പോള്‍ എവിടെയെന്ന് ചോദിക്കുന്നില്ല. ജാതീയതയും സ്തീ വിരുദ്ധതയും ജനാധിപത്യ ധ്വംസനവും കോണ്‍ഗ്രസുകാര്‍ക്ക് നേരെയാവുമ്പോള്‍ 'ചത്തത് പോലെ കിടന്നേക്കാം' എന്ന് സാംസ്‌കാരിക പ്രമുഖര്‍ AKG സെന്ററില്‍ എഴുതി കൊടുത്തിട്ടുണ്ടോ ? 
ശരിയാണ്, കെ സുധാകരന്‍ എന്ന  പ്രസിഡന്റ് ഭാഷയിലും ഭാവത്തിലും കുറച്ചൊക്കെ അഗ്രസീവാണ്. അതിന് അദ്ദേഹത്തിന്റെ കീഴാള ജാതി അല്ല കാരണം. മറിച്ച് ജാതിക്കോട്ടകള്‍ കൂടിയായ നിങ്ങളുടെ പാര്‍ട്ടി ഗ്രാമങ്ങളിലെ അനുഭവങ്ങളാണ്. വധശ്രമങ്ങളെ അടക്കം പ്രതിരോധിച്ചും കൂടപ്പിറപ്പുകളുടെ ചോര കണ്ടിട്ടും തളര്‍ന്നു പിന്‍മാറാതെ പാര്‍ട്ടി ഗ്രാമങ്ങളില്‍ കൊണ്ടും കൊടുത്തും ജനാധിപത്യത്തിനും അഭിപ്രായ സ്വാതന്ത്ര്യത്തിനും തറക്കല്ലിട്ടത് കെ സുധാകരന്‍ ആണെങ്കില്‍, മൂവര്‍ണ്ണ കൊടി പിടിച്ച് അന്തസ്സോടെ നിവര്‍ന്ന് നില്‍ക്കാന്‍ ഞങ്ങളുടെ കുട്ടികള്‍ക്ക് ധൈര്യം പകര്‍ന്നത് കെ സുധാകരന്‍ ആണെങ്കില്‍ അദ്ധേഹത്തിന് അല്‍പ്പം അഹങ്കരിക്കാനുള്ള വകുപ്പൊക്കെയുണ്ട്.
ഒഴിഞ്ഞു കിടക്കുന്ന ഏതെങ്കിലും കസേര കണ്ടിട്ടാണ് നികേഷൊക്കെ മാടമ്പിത്തരവുമായി സുധാകരന്റെ നെഞ്ചത്തോട്ട് കേറാന്‍ തുനിയുന്നതെങ്കില്‍ കെ എസ് ആ ചാനല്‍ ചര്‍ച്ചയില്‍ ഓര്‍മിപ്പിച്ചത് മാത്രമേ പറയാനുള്ളു- അധികാരത്തിന്റെ വെള്ളിക്കാശുകള്‍ കണ്ട് കണ്ണുമഞ്ഞളിക്കുമ്പോള്‍ സ്വന്തം പിതാവിന്റെ ഓര്‍മ്മകള്‍ എങ്കിലും നികേഷ് മറന്നു പോകരുത്.
നികേഷിനോട് മാപ്പ് പറയാന്‍ ഞാന്‍ ആവശ്യപ്പെടുന്നില്ല. മനസാക്ഷി ഉള്ളവര്‍ക്കുള്ളതാണ് മാപ്പും തിരുത്തലുമൊക്കെ. അത്തരമൊരു ബാധ്യത ഇല്ലെന്ന് കൂടിയാണ് നികേഷ് ഇന്നലെ മലയാളികള്‍ക്ക് മുന്നില്‍ വിളിച്ചു പറഞ്ഞത്.

Facebook Comments

Leave a Reply


മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക

Your email address will not be published. Required fields are marked *

അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല

RELATED ARTICLES

അയമോട്ടിയുടെ പാന്റും മമ്മദിന്റെ മുണ്ടും (ഷബീർ ചെറുകാട്, കഥ)

രണ്ട് കവിതകൾ (എ പി അൻവർ വണ്ടൂർ, ജിദ്ദ)

ഓൺലൈൻ ക്ലാസ്സ്  (ഇന്ദുഭായ്.ബി)

മ്യാന്‍മറിലെ പട്ടാള അട്ടിമറി: മിസോറാമിലെ അഭയാര്‍ത്ഥി ക്യാംപില്‍ കഴിയുന്നവരില്‍ ഒരു മുഖ്യമന്ത്രിയും

ഫേസ്ബുക്കിലൂടെ പണം വാങ്ങി നിരവധി പേരെ തേച്ച 'അശ്വതി അച്ചു' ഒടുവില്‍ പിടിയില്‍

വര്‍ഗീയവാദിയായി ചിത്രീകരിക്കുന്നത് സി.പി.എമ്മിന് ഭയമുള്ളതിനാലെന്ന് സുധാകരന്‍; ചിരിക്കുന്നവരെല്ലാം സ്‌നേഹിതരല്ലെന്ന് ചെന്നിത്തല

സുരേന്ദ്രന് കുരുക്ക് മുറുകുന്നു ; സുന്ദരയുടെ രഹസ്യ മൊഴിയെടുക്കും

സര്‍ക്കാരിനെതിരെ എന്‍.എസ്.എസ് ; ആരാധനാലയങ്ങള്‍ തുറക്കണം

പലപ്പോഴും ഒറ്റപ്പെട്ടിട്ടുണ്ടെന്ന് ചെന്നിത്തല ; ഇനി ശീലമായിക്കോളുമെന്ന് മുരളീധരന്‍

ഇന്ത്യയില്‍ ആദ്യ ഗ്രീന്‍ ഫംഗസ് രോഗം റിപ്പോര്‍ട്ട് ചെയ്തു

ട്വിറ്ററിന് പൂട്ടിടാനുറച്ച് ഇന്ത്യ

തൃപ്പൂണിത്തറ നിയമക്കുരുക്കിലേയ്ക്ക് നീങ്ങുമ്പോള്‍

യുഡിഎഫ് കണ്‍വീനര്‍ ഉടന്‍ ; ചര്‍ച്ചകള്‍ ആരംഭിച്ചു

രണ്ടും കല്‍പ്പിച്ച് പോലീസ് ; സഹകരിക്കില്ലെന്ന് ബിജെപി

ബ്യൂട്ടിപാര്‍ലര്‍ വെടിവയ്പ്പ്: ഭീഷണിയുമായി പിടികിട്ടാപ്പുള്ളി ലീന എവിടെ ഒളിച്ചാലും ട്രാക്ക് ചെയ്യും 25 കോടി രൂപ കിട്ടണം

ഐഷ സുല്‍ത്താനയ്ക്ക് മേല്‍ രാജ്യദ്രോഹക്കുറ്റം ചുമത്താനുള്ള കാരണമെന്താണ്? ഹൈക്കോടതി

ഭീഷണി പണ്ടും ഉണ്ടായതാണ്, അന്നെല്ലാം ഞാന്‍ വീട്ടില്‍ കിടന്നുറങ്ങിയിട്ടുണ്ട്;.രാധാകൃഷ്ണന് മുഖ്യമന്ത്രിയുടെ മറുപടി

മരം മുറി ; മന്ത്രിമാരെ ന്യായീകരിച്ച് സിപിഐ

എന്ത് കൊണ്ട് പോണ്‍ ഡയറക്ടറായി എറിക്ക ലസ്റ്റ് പറയുന്നു

തേനും പാലും നല്‍കി ബന്ധനത്തിലാക്കി ; നെന്‍മാറ സംഭവത്തില്‍ വനിതാ കമ്മീഷന്‍

ബംഗാള്‍ ബിജെപിയെ ഞെട്ടിച്ച് 24 എംഎല്‍എമാരുടെ നീക്കം

കടിച്ച മൂര്‍ഖന്റെ കഴുത്തിന് പിടിച്ചു ; സംഭവം കര്‍ണ്ണാടകയില്‍

സുധാകരനെ തളയ്ക്കാന്‍ ബിജെപി ബന്ധം ആരോപിച്ച് സിപിഎം

6000 പോസ്റ്റല്‍ ജീവനക്കാര്‍ക്ക് നായയുടെ കടിയേറ്റതായി യു.എസ്.പി.

സുധാകരനെതിരെ പാളയത്തില്‍ പടയൊരുങ്ങുന്നു

ഇസ്രയേല്‍ സര്‍ക്കാരിന് മുന്നില്‍ ആദ്യ അഗ്നിപരീക്ഷണം

എത്രനാൾ വീട്ടിലിരിക്കണം (അനിൽ പെണ്ണുക്കര)

കോവിഡ് മണത്തറിയാവുന്ന സെൻസർ; നോവാവാക്സ് വാക്സിൻ 90.4% ഫലപ്രദം

കേന്ദ്രമന്ത്രിസഭ പുനഃസംഘടന ഈയാഴ്ച; ജ്യോതിരാദിത്യ സിന്ധ്യ, സുശീല്‍ മോദി, സര്‍ബാനന്ദ എന്നിവര്‍ക്ക് മുന്‍ഗണന

അഫ്ഗാന്‍ ജയിലില്‍ കഴിയുന്നവരുടെ കാര്യം: സംസ്ഥാനത്തിന് പ്രത്യേകിച്ചൊന്നും ചെയ്യാനില്ല -മുഖ്യമന്ത്രി

View More