സുനില് ഇബ്രാഹിം കഥയെഴുതി സംവിധാനം ചെയ്ത് സുരാജ് വെഞ്ഞാറമൂട് നായകനായി എത്തുന്ന പുതിയ ചിത്രം 'റോയ് ' റിലീസിന് തയാറെടുക്കുന്നു. ഇതിനു മുന്നോടിയായി ചിത്രത്തിന്റെ പുതിയ ലുക്ക് പോസ്റ്റര് പുറത്തുവന്നു. ചാപ്റ്റേഴ്സ്, അരികില് ഒരാള്, വൈ എന്നീ ചിത്രങ്ങള്ക്കു ശേഷം സുനില് ഇബ്രാഹിം സംവിധാനം ചെയ്യുന്ന ചിത്രമാണിത്. ഷൈന് ടോം ചാക്കോയും പ്രധാന വേഷത്തിലുണ്ട്.
സിജ റോസ് ആണ് ചിത്രത്തിലെ നായികറിലീസ് സംബന്ധിച്ച പ്രഖ്യാപനം ഉടനുണ്ടാകുമെന്നാണ് പ്രതീക്ഷിക്കുന്നത്.
വെബ് സോണ് മൂവീസ്സ് ടീം ഒരുക്കുന്ന ചിത്രത്തിന്റെ ഛായാഗ്രഹണം ജയേഷ് മോഹന് നിര്വഹിക്കുന്നു. വിനായക് ശശിധരന്റെ വരികള്ക്ക് മുന്ന പി ആര് സംഗീതം പകരുന്നു.
റോണി ഡേവിഡ്, ജിന്സ് ഭാസ്ക്കര്, വി. കെ. ശ്രീരാമന്, വിജീഷ് വിജയന്, റിയ സെെറ, ഗ്രേസി ജോണ്, ബോബന് സാമുവല്, അഞ്ജു ജോസഫ്, ആനന്ദ് മന്മഥന്, ജെനി പള്ളത്ത്, രാജഗോപാലന്, യാഹിയ ഖാദര്, ദില്ജിത്ത്, അനൂപ് കുമാര്, അനുപ്രഭ, രേഷ്മ ഷേണായി തുടങ്ങിയവരാണ് മറ്റു താരങ്ങള്.