ഉമ്മര്‍ പ്രൊഡക്ഷന്‍സ് അവതരിപ്പിക്കുന്ന ഐ പിക് പ്രൊഡക്ഷന്‍സിന്റെ ബാനറില്‍ മിഥുന്‍ ടി. ബാബു നിര്‍മ്മിച്ച്‌ സലിം കുമാര്‍, അജു വര്‍ഗീസ്, അപ്പാനി ശരത് തുടങ്ങിയവര്‍ അഭിനയിക്കുന്ന ഫാമിലി എന്റെര്‍റ്റൈനെര്‍ സിനിമ- 'ബ്ലാസ്റ്റേഴ്‌സിന്റെ' ഫസ്റ്റ് ലുക്ക്‌ പോസ്റ്റര്‍ നടന്‍ മമ്മൂട്ടി  റിലീസ് ചെയ്തു .   സംവിധനം -നന്ദ കുമാര്‍, മിഥുന്‍ ടി. ബാബു.

മ്യൂസിക് 4 സംഗീതവും മനോജ് ക്യാമറയും കൈകാര്യം ചെയ്തിരിക്കുന്ന 'ബ്ലാസ്റ്റേഴ്‌സിന്റെ' എഡിറ്റിംഗ് സുനീഷ് സെബാസ്റ്റ്യനാണ്. സുനില്‍ ജോസാണ് പ്രൊഡക്ഷന്‍ കണ്‍ട്രോളര്‍. മുന്‍ താരനിര കൂടാതെ അമീറാ, അഞ്ജന, സിനോജ് കുഞ്ഞൂട്ടി, ബീറ്റോ ഡേവിസ് തുടങ്ങിയവരും ചിത്രത്തില്‍ വേഷമിട്ടിരിക്കുന്നു. 

കേരളത്തിലെ കായലാല്‍ ചുറ്റപ്പെട്ട് കിടക്കുന്ന ഗീതുരുത്ത് എന്നൊരു ദ്വീപ്. ആ നാട്ടിലെ ജനങ്ങള്‍ അവരുടെ കലാ പ്രവര്‍ത്തനങ്ങള്‍ക്കു വേണ്ടി കൂടുതല്‍ സമയം കണ്ടെത്തുന്നത് അമ്ബലത്തിലെ ഉത്സവം, പളളി പെരുന്നാള്‍, വള്ളം കളി, ക്ലബ് വാര്‍ഷികം എന്നിവ നടക്കുന്ന സമയത്താണ്. നാട്ടുകാര്‍ ഒത്തുകൂടുന്ന ദിവസമാണത്.

അവിടെ നാട്ടുകാര്‍ക്ക് ഒപ്പം എന്തിനും ഏതിനും കൂടെ നില്‍ക്കുന്ന നാല് ചെറുപ്പക്കാര്‍ ഉണ്ട്. അവരുടെ കഥയാണ് ബ്ലാസ്റ്റേഴ്‌സ് പറയുന്നത്. അവര്‍ നേരിടുന്ന പല വിധ പ്രശ്നങ്ങളും, പ്രണയവും, രാത്രിയില്‍ ലേഡീസ് ഹോസ്റ്റലിനു അടുത്തായി ഇവര്‍ ക്രിക്കറ്റ്, ഫുട്ബോള്‍, ഷട്ടില്‍ എന്നിവ കളിക്കുന്ന സമയം ഉണ്ടാവുന്ന പ്രശ്നങ്ങളും ഇതേ പ്രതിസന്ധികള്‍ തരണം ചെയ്യുവാന്‍ ഇവര്‍ നടത്തുന്ന ശ്രമങ്ങളുമാണ് 'ബ്ലാസ്റ്റേഴ്‌സ്' എന്ന സിനിമ പറയുന്നത്.