news-updates

വാര്‍ത്തകള്‍ ഒറ്റനോട്ടത്തില്‍-ഞായറാഴ്ച (ജോബിന്‍സ്)

ജോബിന്‍സ് തോമസ്

Published

on

ഇടതുമുന്നണിയിലെ ഘടകകക്ഷിയായ ഇന്ത്യന്‍ നാഷണല്‍ ലീഗ് പിളര്‍ന്നു. ഇന്ന് കൊച്ചിയില്‍ നടന്ന യോഗത്തിനിടെ പാര്‍ട്ടിയിലെ ഇരുവിഭാഗങ്ങള്‍ തമ്മിലടിച്ചിരുന്നു. ഇതിനു ശേഷം ഐഎന്‍എല്‍ സംസ്ഥാന ജനറല്‍ സെക്രട്ടറി കാസിം ഇരിക്കൂറിനെ പുറത്താക്കിയതായി പ്രസിഡന്റ് അബ്ദുള്‍ വഹാബ് അറിയിച്ചു.  എന്നാല്‍ അബ്ദുള്‍ വഹാബിനെ പുറത്താക്കിയതായി ജനറല്‍ സെക്രട്ടറി കാസിം ഇരിക്കൂര്‍ പറഞ്ഞു. അഹമ്മദ് ദേവര്‍ കോവില്‍ ഇടതുമുന്നണി സര്‍ക്കാരില്‍ മന്ത്രിസ്ഥാനമേറ്റെടുത്തശേഷം പാര്‍ട്ടിയില്‍ വിവിധ വിഷയങ്ങളെ ചൊല്ലി ഉള്‍പ്പോര് ശക്തമായിരുന്നു. 
*****************************************
കരുവന്നൂര്‍ സഹകരണബാങ്ക് തട്ടിപ്പ് കേസില്‍ നാല് പ്രതികള്‍ പിടിയിലായി. ബിജു കരീം, ബിജോയ്, സുനില്‍ കുമാര്‍, ജില്‍സ് എന്നിവരെയാണ് പിടികൂടിയത്. ഇവരുള്‍പ്പെടെ ആറ് പ്രതികളുടെ വീടുകളില്‍ പോലീസ് നടത്തിയ റെയ്ഡില്‍ 29 അനധികൃത വായ്പാ രേഖകള്‍ കണ്ടെത്തി. 29 വായ്പകളില്‍ നിന്നായി 14.5 കോടി രൂപയാണ് വകമാറ്റിയത്. 
*************************************************
ന്യൂനപക്ഷ സ്‌കോളര്‍ഷിപ്പ് വിഷയത്തില്‍ മുസ്ലീംലീഗ് , സര്‍ക്കാരിനെതിരായ സമരം ശക്തമാക്കുന്നു. ലീഗിന്റെ നേതൃത്വത്തില്‍ വിവിധ മുസ്ലീംസംഘടനകളെ ഒന്നിപ്പിച്ച് സച്ചാര്‍ സംരക്ഷണ സമിതി രൂപീകരിച്ചു. എപി സുന്നി വിഭാഗം ഒഴികെയുള്ള 13 സംഘടനകളണ് സംരക്ഷണ സമിതിയില്‍ ഉള്ളത്. അടുത്ത മാസം മൂന്നിന് സെക്രട്ടേറിയറ്റ് സമരം നടത്താനും തീരുമാനമായി.
******************
ഒളിംമ്പിക്‌സ് ബോക്‌സിംഗില്‍ ഇന്ത്യയുടെ സൂപ്പര്‍ താരം മേരികോം പ്രീ ക്വാര്‍ട്ടറില്‍.  വനിതകളുടെ 51 കിലോഗ്രാം വിഭാഗത്തിലാണ് മേരികോം വിജയിച്ചത്.  ഡൊമനിക് റിപ്പബ്ലിക്കിന്റെ മിഗൂലീന ഹെര്‍ണാണ്ടസ് ഗാര്‍ഷ്യയെ പരാജയപ്പെടുത്തിയാണ് പ്രീ ക്വാര്‍ട്ടര്‍ ബെര്‍ത്ത് ഉറപ്പിച്ചത്. പ്രീ ക്വാര്‍ട്ടറില്‍ കൊളംബിയന്‍ താരം വലന്‍സിയയെയാണ് മേരികോം നേരിടുക. 2016 റിയോ ഒളിമ്ബിക്‌സിലെ വെങ്കല ജേതാവാണ് വലന്‍സിയ. 2012 ലെ വെങ്കല മെഡലാണ് മേരിയുടെ ഒളിമ്ബിക്‌സിലെ മികച്ച നേട്ടം. എന്നാല്‍ പുരുഷന്‍മാരുടെ 63 കിലോഗ്രാം ലെയ്റ്റ് വെയ്റ്റ് വിഭാഗത്തില്‍ മനീഷ് കൗശിക് പുറത്തായി ബ്രിട്ടീഷ് താരം ലൂക്ക് മാക്രോമാകിനോടാണ് പരാജയപ്പെട്ടത്. 
*****************************************
ചേര്‍ത്തല കടക്കരപ്പള്ളിയില്‍ ഹരികൃഷ്ണ എന്ന യുവതിയെ സഹോദരിയുടെ വീട്ടില്‍ മരിച്ച നിലയില്‍ കണ്ടെത്തിയ സംഭവത്തില്‍ സഹോദരി ഭര്‍ത്താവ് രതീഷ് കുറ്റം സമ്മതിച്ചു. ഹരികൃഷ്ണയ്ക്ക് മറ്റൊരാളുമായി ഉണ്ടായിരുന്ന അടുപ്പം ചോദ്യം ചെയ്യുകയും തര്‍ക്കത്തിനിടയില്‍ കൊല്ലുകയുമായിരുന്നെന്ന് രതീഷ് പോലീസ്‌നോട് പറഞ്ഞു. വെള്ളിയാഴ്ച രാത്രിയായിരുന്നു സംഭവം.
******************************************
പണം നല്‍കി വോട്ടു വാങ്ങിയെന്ന പരാതിയില്‍ തെലങ്കാനയില്‍ നിന്നുള്ള എംപി കവിത മാലോത് കുറ്റക്കാരിയാണെന്ന് കോടതി കണ്ടെത്തി. കവിതയ്ക്ക് ആറുമാസം തടവും 10000 രൂപ പിഴയുമാണ് ശിക്ഷയും കോടതി വിധിച്ചു. സിറ്റിംഗ് എംപിയ്ക്കെതിരെ അത്യപൂര്‍വ്വമായാണ് ഇത്തരമൊരു നടപടിയുണ്ടാവുന്നത്.
********************************************** 
ദേവികുളത്തെ സിപിഎം സ്ഥാനാര്‍ത്ഥിയെ പരാജയപ്പെടുത്താന്‍ ശ്രമിച്ചതായി മുന്‍ എംഎല്‍എ എസ് രാജേന്ദ്രനെതിരെ ആരോപണം. തോട്ടം മേഖലയില്‍ ജാതി അടിസ്ഥാനത്തില്‍ പാര്‍ട്ടിക്കുള്ളിലും പുറത്തും പിളര്‍പ്പുണ്ടാക്കി അതിന്റെ പേരില്‍ വോട്ട് കുറച്ച് എ.രാജയെ പരാജയപ്പെടുത്താന്‍ ശ്രമിച്ചെന്നാണ് ആരോപണം. ഇതേക്കുറിച്ചന്വേഷിക്കാന്‍ പാര്‍ട്ടി രണംഗ കമ്മീഷനെ നിയോഗിച്ചു.
*******************
മഹാരാഷ്ട്രയില്‍ മഴക്കെടുതിയില്‍ മരിച്ചവരുടെ എണ്ണം 112 ആയി. അമ്പതിലധികം പേര്‍ക്ക് പരിക്കേറ്റു. നൂറോളംപേരെ കാണാതായിട്ടുണ്ടെന്നും അധികൃതര്‍ അറിയിച്ചു. സംസ്ഥാനത്ത് പലയിടങ്ങളിലും ഇപ്പോഴും മഴ തുടരുകയാണ്.
സാംഗ്ളി ജില്ലയുടെ താഴ്ന്ന പ്രദേശങ്ങള്‍ മുഴുവന്‍ വെള്ളത്തിനടിയിലാണ്. ഇവിടുത്തെ റോഡുകളില്‍ വലുതും ചെറുതുമായ നിരവധി വാഹനങ്ങളും കുടുങ്ങിക്കിടക്കുന്നുണ്ട്. ഇവയ്ക്കുള്ളില്‍ ആളുകള്‍ ഉണ്ടോ എന്ന് വ്യക്തമല്ല. നിരവധി വീടുകളും തകര്‍ന്നു. സൈന്യത്തിന്റെ നേതൃത്വത്തില്‍ രക്ഷാപ്രവര്‍ത്തനം തുടരുകയാണ്.

Facebook Comments

Leave a Reply


മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക

Your email address will not be published. Required fields are marked *

അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല

RELATED ARTICLES

കെപിസിസി പുനസംഘടനാ ചര്‍ച്ചകള്‍ സജീവം ; ഗ്രൂപ്പുകള്‍ക്കും പരിഗണന

മോശം കാലാവസ്ഥ ; കണ്ണൂരും മംഗലാപുരത്തും ഇറക്കേണ്ട വിമാനങ്ങള്‍ വഴിതിരിച്ചു വിട്ടു

ചുഴലിക്കാറ്റ് ഇന്ന് തീരം തൊടും ; ആന്ധ്രയിലും ഒഡീഷയിലും കനത്ത ജാഗ്രത

ഇന്ധനവില മുന്നോട്ട് തന്നെ ; സംസ്ഥാനങ്ങളെ കുറ്റപ്പെടുത്തി കേന്ദ്രം

റോമിലേയ്ക്ക് പോകാന്‍ മമതയ്ക്ക് അനുമതിയില്ല ; പ്രതിഷേധിച്ച് തൃണമൂല്‍

മാധ്യമ സ്വാതന്ത്ര്യത്തിന് കടിഞ്ഞാണിടാന്‍ താലിബാന്‍

മൃതദേഹങ്ങള്‍ ക്രെയിനില്‍ കെട്ടിത്തൂക്കി പ്രദര്‍ശനം ; ഇത് ക്രൂരതയുടെ താലിബാന്‍ മുഖം

പാകിസ്ഥാനെ വിറപ്പിച്ച് യുഎന്നിലെ ഇന്ത്യയുടെ പെണ്‍പുലി ; ആരാണ് ഈ സ്‌നേഹ

അഫ്ഗാന്‍ ജനതയെ സംരക്ഷിക്കാന്‍ ലോകരാജ്യങ്ങള്‍ക്ക് ഉത്തരവാദിത്വമുണ്ട്; യുഎന്‍ പൊതുസഭയില്‍ മോദി

നാര്‍ക്കോട്ടിക് ജിഹാദ്: കെ.സി.ബി.സി നിലപാട് വ്യക്തമാക്കണം; ബിഷപ് കല്ലറങ്ങാട്ട് മാപ്പുപറയണമെന്ന് ജോയിന്റ് ക്രിസ്ത്യന്‍ കൗണ്‌സില്‍

ഏഴ് പേര്‍ക്ക് പുതുജീവനേകി നേവിസ് മറഞ്ഞു

അവാർഡ് അഹിതങ്ങളും അ - വിഹിതങ്ങളും സാഹിത്യ അക്കാദമിയുടെ നേർക്കും : ആൻസി സാജൻ

വാര്‍ത്തകള്‍ ഒറ്റനോട്ടത്തില്‍ - ശനിയാഴ്ച (ജോബിന്‍സ്)

കെ.സുരേന്ദ്രനെതിരെ ബിജെപിയില്‍ കലാപക്കൊടി

രക്ഷാ സമിതിയിലെ സ്ഥിരാംഗത്വം: ഇന്ത്യക്ക് ബൈഡന്റെ പിന്തുണ

നാര്‍ക്കോട്ടിക് ജിഹാദ് ; സിപിഎമ്മിന്റെ മലക്കം മറിച്ചില്‍

നാര്‍ക്കോട്ടിക് ജിഹാദ് വിഷയത്തില്‍ ഇനി യോഗം വേണ്ടെന്ന് സിപിഎം

പുതിയ ഉയരങ്ങള്‍ കീഴടക്കി ഇന്ത്യന്‍ ഓഹരി വിപണി

ആംബുലന്‍സ് അപകടത്തില്‍ പെട്ട് കോവിഡ് രോഗി മരിച്ചു

പിങ്ക് പോലീസ് വിചാരണ ; എട്ടു വയസ്സുകാരിയും കുടുംബവും കടുത്ത സമരത്തിലേയ്ക്ക്

കോട്ടയം മുന്‍സിപ്പാലിറ്റിയില്‍ 'ഭാഗ്യം ' പരീക്ഷിക്കാന്‍ മുന്നണികള്‍

രോഹിണി കോടതി ആക്രമണം ; ആശങ്കയറിച്ച് സുപ്രീം കോടതി ചീഫ് ജസ്റ്റീസ്

ആഞ്ഞടിച്ച് സുധാകരന്‍ ; സിപിഎമ്മിന്റേത് ജീര്‍ണ്ണിച്ച രാഷ്ട്രീയം

വാര്‍ത്തകള്‍ ഒറ്റനോട്ടത്തില്‍ - വെള്ളിയാഴ്ച (ജോബിന്‍സ്)

പയ്യന്നൂരിലെ സുനീഷയുടെ മരണം ഭര്‍തൃപിതാവ് അറസ്റ്റില്‍

മഹന്ദ് നരേന്ദ്ര ഗിരിയുടെ മരണം സിബിഐ കേസെടുത്തു

അഭ്യൂഹങ്ങള്‍ തള്ളി വത്സന്‍ തില്ലങ്കേരി ; സജീവ രാഷ്ട്രീയത്തിലേയ്ക്കില്ല

വ്യവസായ സൗഹൃദമെന്ന് മന്ത്രി ; പള്ളിയില്‍ പോയി പറയാന്‍ ബ്രാഞ്ച് സെക്രട്ടറി

ബത്തേരി കോഴക്കേസ് ;കെ . സുരേന്ദ്രന് തിരിച്ചടി

ഗൂഢാലോചന കേസ് ; സിബി മാത്യൂസ് ഹൈക്കോടതിയില്‍

View More