എല്ലാ വിഷയങ്ങള്ക്കും എ പ്ളസ് നേടി പത്താംതരം പൂര്ത്തിയാക്കിയ കോഴിക്കോട് വെള്ളിമാട്കുന്ന്ജി.എച്ച്.എച്ച്.എസിലെ വിദ്യാര്ത്ഥിനി റോക്ഷത് ഖാത്തൂര് എന്ന ബംഗാള് സ്വദേശിനിക്ക് നടന് ദിലീപിന്റെസര്പ്രൈസ്. മലയാളത്തെ ഏറെ സ്നേഹിക്കുന്ന, ദീലീപിന്റെ ചിത്രങ്ങള് മാത്രം കാണുന്ന റോക്ഷത്ദിലീപിനോടുള്ള തന്റെ ആരാധന തുറന്നു പറഞ്ഞതിനെ തുടര്ന്നാണ് താരം നേരിട്ട് വീഡിയോ കോളിലെത്തി
റോക്ഷത്തിനെ ഞെട്ടിച്ചത്.
ഒരിക്കലും പ്രതീക്ഷിച്ചില്ല, ദിലീപേട്ടന് വിളിക്കുമെന്നും അദ്ദേഹത്തോട് വീഡിയോ കോളിലൂടെ സംസാരിക്കാന്കഴിയുമെന്നും. എല്ലാം ഒരു സ്വപ്നം പോലെ തോന്നുന്നു. കോള് കട്ടായ ശേഷം ഞാന് എന്നെ തന്നെ പലവട്ടം
നുള്ളി നോക്കി. സ്വപ്നമാണോ യാഥാര്ത്ഥ്യമാണോ ഇതെന്നറിയാന്. വളരെ കാലത്തെ വലിയൊരുആഗ്രഹമാണ് ഇപ്പോള് നിറവേറ്റാന് കഴിഞ്ഞത്. പറഞ്ഞറിയിക്കാന് കഴിയാത്ത സന്തോഷമുണ്ട്. കൂട്ടുകാരോടുംബന്ധുക്കളോടുമെല്ലാം ഞാന് ഈ സന്തോഷം അറിയിച്ചു കൊണ്ടിരിക്കുകയാണ്. '' റോക്ഷത് പറയുന്നു.
കോഴിക്കോട്ടെ റോക്ഷത്തിന്റെ വീട്ടിലേക്ക് അപ്രതീക്ഷിതമായാണ് ജനപ്രിയ നായകന്റെ വീഡിയോകോള്എത്തുന്നത്. തന്റെ സഹോദരിയോടും കുടുംബത്തോടും ഒപ്പമാണ് ദിലീപ് റോക്ഷത്തിനോട്സംസാരിച്ചത്. റോക്ഷത്തിന്റെ വീട്ടിലെ എല്ലാവരുമായും ദിലീപ് സംസാരിച്ചു. കൊല്ക്കത്തയില് നിന്നുംകേരളത്തിലെത്തിയതാണ് റോക്ഷത്തിന്റെ അച്ഛന് റഫീഖ്. റഫീക്കും ദിലീപിന്റെ ആരാധകനാണ്.
കല്ക്കത്ത ന്യൂസ് എന്ന ചിത്രത്തിന്റെ ഭാഗമായി കൊല്ക്കത്തിയിലും ബംഗാളിന്റെ മറ്റു ഭാഗങ്ങളിലുംപോയിട്ടുണ്ടെന്നും താരം പറഞ്ഞു. അവിടെയുള്ള ആളുകളുടെ സ്നേഹം ഏറെ അനുഭവിക്കാന് കഴിഞ്ഞ ആളാണ്താനെന്നും അവിടെ തനിക്ക് ഒരു കുഞ്ഞ് ആരാധിക ഉണ്ടെന്നത് വളരെ സന്തോഷം നല്കുന്നുവെന്നും ദിലീപ് പറഞ്ഞു.
അടുത്ത തവണ കോഴിക്കോട് വരുമ്പോള് കാണാമെന്ന ഉറപ്പു നല്കിയ ദിലീപ് തന്റെ കുഞ്ഞാരാധിക ഇനിയുംഉയരങ്ങളില് എത്തട്ടെ എന്ന് ആശംസിക്കുകയും ചെയ്തു. എല്ലാം ഒരു സ്വപ്നം പോലെ തോന്നുകയാണെന്നും
പ്രിയതാരം പറഞ്ഞതു പോലെ പഠിച്ച് ഉയരാന് ശ്രമിക്കുമെന്നും റോക്ഷത് പറഞ്ഞു.