പ്രശസ്ത ചലച്ചിത്ര നടന് റിസബാവ അന്തരിച്ചു. കൊച്ചിയിലെ സ്വകാര്യ ആശുപത്രിയിലായിരുന്നു അന്ത്യം. വൃക്ക സംബന്ധമായ അസുഖങ്ങളെത്തുടര്ന്നായിരുന്നു അദ്ദേഹത്തിന്റെ അന്ത്യം. കഴിഞ്ഞ ഒരാഴ്ചയായി വെന്റിലേറ്റര് സഹായത്തോടെയായിരുന്നു ജീവന് നിലനിര്ത്തിയിരുന്നതെന്ന് ആശുപത്രി അധികൃതര് വ്യക്തമാക്കി.
******************************
ഗുജറാത്ത് മുഖ്യമന്ത്രിയായി ഭൂപേന്ദ്ര പട്ടേല് ചുമതലയേറ്റു. വിജയ് രൂപാണി രാജിവച്ചതിനെ തുടര്ന്നാണ് ഭൂപേന്ദ്ര പട്ടേലിന്റെ സ്ഥാനാരോഹണം. കേന്ദ്ര ആഭ്യന്തരമന്ത്രി അമിത് ഷാ സത്യപ്രതിജ്ഞാ ചടങ്ങില് പങ്കെടുത്തു.
********************************
ആന്റി നാര്ക്കോട്ടിക് ജാഗ്രതാ സെല്ലുകളുമായി പാലാ രൂപത. കെ.സി.ബി.സി മദ്യവിരുദ്ധസമിതിയാണ് സെല്ലുകള് രൂപീകരിക്കുന്നത്. മദ്യം, മയക്കുമരുന്ന് ഉപയോഗത്തിന് തടയിടാനാണ് സെല്ലുകള് എന്നാണ് വിശദീകരണം. പാലാ രൂപത ബിഷപ്പ് ജോസഫ് കല്ലറങ്ങാട്ടിന് സമിതി പരിപൂര്ണ പിന്തുണ പ്രഖ്യാപിക്കുകയും ചെയ്തു.
**********************************
45-ാമത് ഫിലിം ക്രിട്ടിക്സ് അവാര്ഡുകള് പ്രഖ്യാപിച്ചു. ജിയോ ബേബിയുടെ 'ഗ്രേറ്റ് ഇന്ത്യന് കിച്ചണ്' ആണ് മികച്ച ചിത്രം. 'എന്നിവര്' എന്ന ചിത്രത്തിലൂടെ സിദ്ധാര്ഥ് ശിവ മികച്ച സംവിധായകനായി. അയ്യപ്പനും കോശിയിലൂടെ സച്ചി മികച്ച തിരക്കഥാകൃത്തായി. അയ്യപ്പനും കോശിയിലെ പ്രകടനത്തിന് പൃഥ്വിരാജും ബിജു മേനോനും മികച്ച നടനുള്ള പുരസ്കാരം പങ്കിട്ടു. ജ്വാലമുഖിയെന്ന ചിത്രത്തിലൂടെ സുരഭിലക്ഷ്മിയും വൂള്ഫ്, ആണും പെണ്ണും എന്നീ ചിത്രങ്ങളിലൂടെ സംയുക്ത മേനോനും മികച്ച നടിയ്ക്കുള്ള പുരസ്കാരം പങ്കിട്ടു.
**********************
നാര്ക്കോട്ടിക് ജിഹാദ് പരാമര്ശത്തില് പലാ രൂപതാധ്യക്ഷന് മാര് ജോസഫ് കല്ലറങ്ങാട്ടിന് പിന്തുണയുമായി കൂടുതല് നേതാക്കള് ഗോവ ഗവര്ണ്ണറും ബിജെപി നേതാവുമായ പി.എസ്. ശ്രീധരന്പിള്ള, ബിജെപി സംസ്ഥാന പ്രസിഡന്റ് കെ. സുരേന്ദ്രന് , കേരളാ കോണ്ഗ്രസ് ചെയര്മാനും മുതിര്ന്ന യുഡിഎഫ് നേതാവുമായ പി.ജെ. ജോസഫ് തുടങ്ങിയവര് ബിഷപ്പിന്റെ പ്രസ്താവനയെ പിന്തുണച്ച് രംഗത്തെത്തി. വിഷയത്തില് സര്ക്കാര് ഇടപെടണമെന്ന് പ്രതിപക്ഷ നേതാവ് വി.ഡി സതീശന് ആവശ്യപ്പെട്ടു.
***********************
പെഗാസസ് നിരീക്ഷണത്തില് രണ്ട് ദിവസത്തിനകം ഇടക്കാല ഉത്തരവിറക്കുമെന്ന് സുപ്രീം കോടതി. ഫോണ് ചോര്ത്തല് നടന്നോ ഇല്ലയോ എന്ന് കേന്ദ്രം വ്യക്തമാക്കണമെന്നും വ്യക്തികളുടെ സ്വകാര്യത ലംഘിച്ചോയെന്ന് വ്യക്തമാക്കണമെന്നും രാജ്യസുരക്ഷയുമായി ബന്ധപ്പെട്ട വിഷയം നല്കേണ്ടതില്ലെന്നും കോടതി അറിയിച്ചൂ. എന്നാല് വിഷയത്തില് കൂടുതല് മറുപടി നല്കാന് കഴിയില്ലെന്നും പുതിയ സത്യവാങ്മൂലം നല്കില്ലെന്നും സര്ക്കാരിനു വേണ്ടി ഹാജരായ സോളിസിറ്റര് ജനറല് തുഷാര് മേത്ത അറിയിച്ചു. ദേശസുരക്ഷയ്ക്ക് ഏതു സോഫ്ട്വെയര് ഉപയോഗിച്ചും സര്ക്കാരിന് ഫോണ് ചോര്ത്താമെന്നും കേന്ദ്രം വാദിച്ചു. എന്നാല് ഈ നിലപാട് കോടതി തള്ളി
**************************
സംസ്ഥാനത്ത് കൂടുതല് ഇളവുകള് അനുവദിക്കാനൊരുങ്ങി സര്ക്കാര്. സര്ക്കാര് ഓഫീസുകള് ശനിയാഴ്ചയും തുറന്നു പ്രവര്ത്തിക്കും ഹോട്ടലുകളില് ഇരുന്ന് ഭക്ഷണം കഴിക്കാനുള്ള അനുമതി നല്കിയേക്കും . നാളത്തെ അവലോകന യോഗത്തിന് ശേഷമാകും പ്രഖ്യാപനം.
****************************************
മുന് കേന്ദ്ര മന്ത്രിയും കോണ്ഗ്രസ് നേതാവുമായ ഓസ്കര് ഫെര്ണാണ്ടസ് അന്തരിച്ചു. ഇക്കഴിഞ്ഞ ജൂലൈ 17 ന് യോഗ ചെയ്യുന്നതിനിടെ വീണതിനെ തുടര്ന്ന് ആശുപത്രിയില് ചികിത്സയിലായിരുന്നു. മന്മോഹന്സിംഗ് സര്ക്കാരില് ക്യാബിനറ്റ് മന്ത്രിയായും സഹമന്ത്രിയായും പ്രവര്ത്തിച്ചിട്ടുണ്ട്. മുമ്പ് രാജീവ് ഗാന്ധി പ്രധാനമന്ത്രിയായിരുന്നപ്പോള് അദ്ദേഹത്തിന്റെ ക്യാബിനറ്റ് സെക്രട്ടറിയായിരുന്നു.
***********************************
കേരളത്തില് 15,508 പേര്ക്ക് കോവിഡ് സ്ഥിരീകരിച്ചു. 16.39 ആണ് ടിപിആര്. കഴിഞ്ഞ ദിവസങ്ങളിലുണ്ടായ 99 മരണങ്ങള് കൂടി കോവിഡ് മൂലമാണെന്ന് സ്ഥിരീകരിച്ചു. പരിശോധനകള് ഒരു ലക്ഷത്തില് താഴെയായിട്ടും ടെസ്റ്റ് പോസിറ്റിവിറ്റി നിരക്ക് കഴിഞ്ഞ ദിവസങ്ങളെ അപേക്ഷിച്ച് കുറഞ്ഞത് ആശ്വാസമായി.