ഓര്ത്തഡോക്സ്- യാക്കോബായ പള്ളി തര്ക്ക വിഷയത്തില് സര്ക്കാരിനെതിരെ ഹൈക്കോടതിയുടെ രൂക്ഷ വിമര്ശനം. കോടതി ഉത്തരവ് നടപ്പിലാക്കാത്തതിനാണ് കോടതി സര്ക്കാരിനെ വിമര്ശിച്ചത്. സര്ക്കാരിന്റെ നിസ്സഹായാവസ്ഥ ഭയപ്പെടുത്തുന്നതാണെന്ന് കോടതി പറഞ്ഞു.
കോടതി ഉത്തരവിട്ടാല് അത് നടപ്പിലാക്കുള്ള സംവിധാനം സര്ക്കാരിനുണ്ടെന്നും എന്നാല് ഉത്തരവ് നടപ്പിലാക്കുമ്പോള് ക്രമസമാധാന പ്രശ്നവും അക്രമവും ഉണ്ടാകുമോയെന്ന് സര്ക്കാര് ഭയപ്പെടുന്നതായും ഈ നിസ്സഹായാവസ്ഥയാണ് ഭയപ്പെടുത്തുന്നതെന്നും കോടതി പറഞ്ഞു.
പള്ളിത്തര്ക്കത്തില് സുപ്രീംകോടതി വിധി ഓര്ത്തഡോക്സ് സഭയ്ക്ക് അനുകൂലമായിരുന്നു. പള്ളിയില് പ്രവേശിക്കാന് സംരക്ഷണം ആവശ്യപ്പെട്ട് ആറ് ഓര്ത്തഡോക്സ് പള്ളിക്കമ്മിറ്റികള് നല്കിയ ഹര്ജിയിലാണ് കോടതിയുടെ ഇപ്പോഴത്തെ പരാമര്ശങ്ങള്. ഇരു സഭകളും തമ്മിലുള്ള ഭിന്നത അപകടകരമായ സാഹചര്യത്തിലാണെന്നും ഇക്കാര്യത്തില് ഈ മാസം 29 ന് മുമ്പ് സര്ക്കാര് നിലപാടറയിക്കണമെന്നും കോടതി ആവശ്യപ്പെട്ടു.