ഫാ. റോയി കണ്ണന്ചിറയുടെ പ്രസ്താവനയ്ക്കെതിരെ എസ്എന്ഡിപി യോഗം ജനറല് സെക്രട്ടറി വെള്ളാപ്പള്ളി നടേശന് രംഗത്ത്. ഈഴവ യുവാക്കള്ക്ക് ക്രിസ്ത്യന് യുവതികളെ പ്രണയിച്ച് വശത്താക്കന് സ്ട്രാറ്റര്ജിക്കായ പരിശീലനം ലഭിക്കുന്നുണ്ടെന്നായിരുന്നു റോയി കണ്ണന്ചിറയുടെ വിവാദ പ്രസ്താവന. മുസ്ലീംങ്ങളെക്കാള് കൂടുതല് മതംമാറ്റം നടത്തുന്നത് ക്രിസ്ത്യാനികളാണെന്ന് വെള്ളാപ്പള്ളി ആരോപിച്ചു.
ക്രിസ്ത്യന് മിഷനറിമാരാണ് രാജ്യത്ത് ഏറ്റവുമധികം മതംമാറ്റം നടത്തുന്നതെന്നും എന്നാല് എല്ലാ ക്രിസ്ത്യന് വിഭാഗങ്ങളും ഇത് പ്രോത്സാഹിപ്പിക്കുന്നില്ലെന്നും അദ്ദേഹം പറഞ്ഞു. ദീപികയുടെ പ്രധാന സ്ഥാനത്തിരുന്ന് ഫാദര് റോയി കണ്ണന്ചിറ പറഞ്ഞത് സംസ്കാരത്തിന് നിരക്കാത്തതാണെന്നും മുതിര്ന്ന വൈദികന്റെ ഭാഗത്തു നിന്നുമാണ് ഈഴവര്ക്കെതിരെ പരാമര്ശം ഉണ്ടായതെന്നും വൈദീകപ്പട്ടം എന്നത് ആരേക്കുറിച്ചും എന്തും പറയാനുള്ള ലൈസന്സല്ലെന്നും അദ്ദേഹം പറഞ്ഞു.
ഇസ്രായേലില് മരിച്ച സൗമ്യ ഈഴവ സമുദായത്തില്പ്പെട്ട സ്ത്രീയായിരുന്നുവെന്നും എന്നാല് പള്ളിയിലാണ് ശവസംസ്കാരം നടന്നതെന്നും പറഞ്ഞ വെള്ളാപ്പള്ളി പാലാ ബിഷപ്പിന്റെ നാര്ക്കോര്ട്ടിക് ജിഹാദ് പരാമര്ശത്തേയും തള്ളി. മയക്കു മരുന്നിന്റെ പേരില് ഒരു വിശുദ്ധയുദ്ധവും നാട്ടില് നടക്കുന്നില്ലെന്ന് വെള്ളാപ്പള്ളി പറഞ്ഞു.