ന്യൂഡല്‍ഹി: സ്ത്രീകളുടെ അവകാശ പോരാട്ട പ്രവര്‍ത്തകയും എഴുത്തുകാരിയും കവയത്രിയുമായ കമല ഭാസിന്‍ അന്തരിച്ചു. 75 വയസായിരുന്നു. ദക്ഷിണേഷ്യയില്‍ ഉയര്‍ന്നുവന്ന 'വണ്‍ ബില്യന്‍ റൈസിംഗ്' കാംപയ്ന്‍ അടക്കം നിരവധി മുന്നേറ്റ പോരാട്ടങ്ങളുടെ നായികയായിരുന്നു. ലിംഗ സമത്വം, വികസനം, സമാധാനം, മനുഷ്യാവകാശം തുടങ്ങി നിരവധി വിഷയങ്ങളില്‍ മൂന്നു പതിറ്റാണ്ടിലേറെയായി ഇന്ത്യയിലും ദക്ഷിണേഷ്യയിലെമ്പാടും പ്രവര്‍ത്തിച്ചിട്ടുണ്ട്.