കൊച്ചി: നെടുമ്ബാശേരി വിമാനത്താവളത്തില്‍ അഞ്ചരക്കിലോ സ്വര്‍ണവുമായി കാസര്‍കോട്ടെ യുവതി ഉള്‍പ്പെടെ അഞ്ചുപേര്‍ കസ്റ്റംസിന്റെ പിടിയിലായി. ദുബായില്‍ നിന്നും വന്ന യാത്രക്കാരെ കസ്റ്റംസ് പരിശോധിച്ചപ്പോഴാണ് സ്ത്രീ ഉള്‍പ്പെടെഅഞ്ചുപേര്‍ കള്ളക്കടത്ത് സ്വര്‍ണവുമായി പിടിയിലായത്. ദുബായില്‍ നിന്ന് എത്തിയ കാസര്‍കോട്ടെ സറീന അബ്ദുവില്‍ നിന്ന് 3250 ഗ്രാം സ്വര്‍ണം പിടികൂടി. സറീനയുടെ വസ്ത്രത്തിനകത്ത് സ്വര്‍ണം ഉരുക്കി തേച്ചുപിടിപ്പിച്ച നിലയിലായിരുന്നു.