കര്വാ ചൗതിനോട് അനുബന്ധിച്ച് സെലിബ്രിറ്റികള് ഉള്പ്പെടെ നിരവധി താരങ്ങള് ചിത്രങ്ങള് പങ്കുവച്ചിരുന്നു. ബോളിവുഡ് താരം സൊനാലി ബിന്ദ്രെയും കര്വാ ചൗത് ആഘോഷദിനത്തില് നിന്നുള്ള ചിത്രം പങ്കുവച്ചിട്ടുണ്ട്. പത്തൊമ്പത് വര്ഷം മുമ്പു നടന്ന വിവാഹദിനത്തിലെ വസ്ത്രം ധരിച്ച ചിത്രത്തിനൊപ്പം മനോഹരമായൊരു കുറിപ്പും സൊനാലി പങ്കുവെച്ചിട്ടുണ്ട്.
മനീഷ് മല്ഹോത്ര ഡിസൈന് ചെയ്ത ഓറഞ്ച്, ലാവെന്ഡര് നിറങ്ങളിലുള്ള ലെഹംഗയാണ് സൊനാലി ധരിച്ചിട്ടുള്ളത്. കര്വാ ചൗതിനെക്കുറിച്ച് കുറിച്ചിട്ടുമുണ്ട് താരം. ആചാരങ്ങള് എന്നത് തന്നെ സംബന്ധിച്ചിടത്തോളം ഭൂതം, ഭാവി, വര്ത്തമാനം എന്നിവയ്ക്കിടയിലുള്ള പാലമാണെന്ന് സൊനാലി കുറിക്കുന്നു. അവയ്ക്ക് തന്റേതായ മാനം നല്കുന്നതില് ഒരിക്കലും മടി തോന്നിയിട്ടില്ല. അത്തരത്തിലൊരു ആഘോഷമാണ് കര്വാ ചൗത്. സുുഹൃത്തുക്കളും കുടുംബവുമായുള്ള ആഘോഷമാണത്- സൊനാലി കുറിച്ചു.
നിങ്ങള് സ്നേഹിക്കുന്നവര്ക്കൊപ്പം ആചരിക്കുന്ന ഒരു ദിവസമാണ് ഇതെന്നും ഒത്തുചേരലിന്റെയും കൂട്ടായ്മയുടേയും ആഘോഷമാണെന്നും സൊനാലി പറയുന്നു. ഭര്ത്താവുമായി പങ്കിടുന്ന സ്നേഹത്തേയും കുടുംബവും സുഹൃത്തുക്കളുമായുള്ള ബന്ധത്തെയുമൊക്കെ ഊട്ടിയുറപ്പിക്കുന്ന ദിനം. പത്തൊമ്പതു വര്ഷം മുമ്പുള്ള വിവാഹ വസ്ത്രമാണ് താന് ധരിച്ചിരിക്കുന്നതെന്ന പ്രത്യേകതയും ഈ ചിത്രത്തിനുണ്ടെന്നും സൊനാലി കുറിക്കുന്നു.