റോം: ഇറ്റലിയിലെ കോറോണ അണുബാധകള് വര്ധിക്കുന്നതിനാല് കോവിഡ് ഗ്രീന് പാസ് നിയമങ്ങള് കര്ശനമാക്കി. രാജ്യത്തെ അതിവേഗ ട്രെയിനുകളിലെ യാത്രക്കാര് ഇപ്പോള് കയറുന്നതിന് മുന്പ് ആരോഗ്യ സര്ട്ടിഫിക്കറ്റ് കരുതിയിരിക്കണം. പൊതുഗതാഗതത്തില് കോവിഡ് 19 ആരോഗ്യ സര്ട്ടിഫിക്കറ്റ് അല്ലെങ്കില് ഗ്രീന് പാസ് ഉപയോഗിക്കുന്നതിനുള്ള നിയമങ്ങള് അപ്ഡേറ്റ് ചെയ്യുന്ന പുതിയ ഓര്ഡിനന്സില് ആരോഗ്യമന്ത്രി റോബര്ട്ടോ സ്പെരാന്സ തിങ്കളാഴ്ച ഉച്ചതിരിഞ്ഞ് ഒപ്പുവച്ചു.
ടാക്സികള് കര്ശനമായ പാസഞ്ചര് പരിധികള് അഭിമുഖീകരിക്കുന്നു, ഏതെങ്കിലും യാത്രക്കാര് കോവിഡ് ലക്ഷണങ്ങള് പ്രകടിപ്പിച്ചാല് ട്രെയിനുകള് നിര്ത്തലാക്കും.
ട്രെയിന് ജീവനക്കാര് ഇപ്പോള് യാത്രക്കാരുടെ ആരോഗ്യ പാസുകള് ബോര്ഡിംഗിന് മുന്പായി പരിശോധിക്കും. റോം ടെര്മിനി, ഫ്ളോറന്സ് സാന്താ മരിയ നോവെല്ല എന്നിവയുള്പ്പെടെ ടിക്കറ്റ് തടസങ്ങളുള്ള പ്രധാന ട്രെയിന് സ്റ്റേഷനുകളില് പരിശോധന നടത്തും. ദീര്ഘദൂര ട്രെയിന് യാത്രക്കാര്ക്കും ഇന്റര്റീജിയണല് യാത്രക്കാര്ക്കും ഈ നിയമങ്ങള് ബാധകമാണ്. എന്നാല് പ്രാദേശിക സര്വീസുകള് നടത്തുന്നവര്ക്ക് ബാധകമല്ല. ടാക്സിഡ്രൈവര്മാര്ക്ക് സാധുതയുള്ള പച്ച പാസ് ഉണ്ടായിരിക്കണം, കൂടാതെ സര്ജിക്കല് ഗ്രേഡ് മാസ്കുകള് ധരിക്കണം. യാത്രക്കാരെ മുന്സീറ്റില് ഇരിക്കാന് അനുവദിക്കില്ല.
ഒരു ടാക്സിയുടെ പിന്നില് രണ്ട് യാത്രക്കാര്ക്ക് മാത്രമേ ഇരിക്കാന് കഴിയൂ, അതും ഒരേ കുടുംബ യൂണിറ്റിലെ അംഗങ്ങളല്ലെങ്കില് എന്ന് ഓര്ഡിനന്സ് പറയുന്നു. ഇറ്റലിയുടെ ഗ്രീന് പാസ്, ജോലിസ്ഥലങ്ങളിലും ഇന്ഡോര് റസ്റ്ററന്റുകളിലും ഒഴിവുസമയ സ്ഥലങ്ങളിലും ചില പൊതുഗതാഗത സംവിധാനങ്ങളിലും നിര്ബന്ധമാണ്, വാക്സിനേഷന് എടുത്തവര്ക്കും സുഖം പ്രാപിച്ചവര്ക്കും നെഗറ്റീവായവര്ക്കും ജഇഞ ടെസ്ററ് അല്ലെങ്കില് ദ്രുത (ആന്റിജെനിക്) സ്വാബ് ടെസ്ററ് എന്നിവയിലൂടെ ലഭ്യമാണ്.
ജോസ് കുന്പിളുവേലില്