America

കാഴ്ച്ച (കഥ: പി. ടി. പൗലോസ്)

Published

on

കൊൽക്കത്ത രാജ് ഭവന്‍ സ്റ്റോപ്പിൽ ബസ്സിൽനിന്നിറങ്ങി. ഡിസംബറിലെ  തണുപ്പുള്ള  പ്രഭാതം. ടിഫിൻബാഗ് ഇടതുകക്ഷത്തിലുറപ്പിച്ച്  ഒരു സിഗററ്റിന് തീ കൊളുത്തി  ആഞ്ഞൊരു പുകയെടുത്ത്  വിടവില്ലാതൊഴുകുന്ന ട്രാഫിക്കിന്റെ ഇടവേളക്കായി ഞാൻ കാത്തുനിന്നു. രാജ് ഭവൻ ത്രീപോയിന്റ് ക്രോസ്സിങ്ങിൽ റെഡ്‌ലൈറ്റ്  തെളിഞ്ഞപ്പോൾ സ്ട്രീറ്റ് മുറിച്ചുകടന്ന് ഇടത്തോട്ടല്പ്പം നടന്ന് വലത്തോട്ടുള്ള വാട്ടർലൂ സ്ട്രീറ്റിലൂടെ മുന്നോട്ടുപോയി. അംബര്‍ റെസ്റ്റോറന്റിന്റെ മുന്നിലെത്തിയപ്പോൾ ക്രിസ്തുമസ് പുതുവത്സരാതിഥികളെ വരവേൽക്കാൻ ആകാശംമുട്ടെ പ്ലാസ്റ്റർ ഓഫ് പാരീസിൽ പണിതുയർത്തിയ തൂവെള്ളയിൽ കടുംചുവപ്പിന്റെ തൊപ്പിയണിഞ് നിറപുഞ്ചിരിയോടെ നിൽക്കുന്ന ക്രിസ്തുമസ് അപ്പൂപ്പനെ നോക്കി ഞാൻ ഒരു നിമിഷം നിന്നു .  പിന്നെയും മുന്നോട്ടു നടന്ന് ബെന്റിങ്ക്‌ സ്ട്രീറ്റിലെത്തി ഇടത്തോട്ട് തിരിഞ്ഞ് ഇരുപത്തിയേഴാം നമ്പർ കെട്ടിടം ഓറിയന്റ് സിനിമയുടെ മുന്നിലെത്തിയപ്പോൾ ഞാനറിയാതെ എതിർവശത്തെ മണ്ണിന്റെ നിറവും അടർന്ന ചുവരുകളുമുള്ള ഒരു ബ്രിട്ടീഷ്‌കാല കെട്ടിടത്തിന്റെ മൂന്നാംനിലയിലെ പണ്ടെങ്ങോ അടിച്ച പച്ചപെയിന്‍റുളള ജനലിൽ എന്റെ കണ്ണുകൾ ഉടക്കി.

ജാലകത്തിലൂടെ ഏതോ ഒരു സുന്ദരിയുടെ കൈകൾ പുറത്തേക്കു വരുന്നു. കുളികഴിഞ്ഞ് ഇളം മഞ്ഞയിൽ ചുവപ്പു ബോർഡറുകളുള്ള ഈറൻ സാരി ഉണക്കുവാൻ ജനാലക്കമ്പികളിൽ കോർത്ത് വെളിയിലേക്കിടുവാനുള്ള ശ്രമത്തിലാണ് ആ കൈകൾ. മുഖം വ്യക്തമായി കാണുന്നില്ല. മുഖവും മനോഹരമായിരിക്കും. കാരണം കരങ്ങൾ അതിമനോഹരമാണ്. കടഞ്ഞെടുത്ത വെണ്ണ പോലെ, രാജ രവിവർമ്മ ചിത്രത്തിൽ അരയന്നത്തിന്റെ സന്ദേശം സ്രവിക്കുന്ന ദമയന്തിയുടെ കരിവളയിട്ട കൈകൾ പോലെ... കൈവിരലുകളിലെ കടുംചുവപ്പുള്ള നെയിൽപോളിഷ് സുന്ദരിയുടെ കൈകളെ കൂടുതൽ മനോഹരമാക്കുന്നു. ആ മാസ്മരിക വലയത്തിൽ ഞാനറിയാതെ കുറെ നിമിഷങ്ങൾ തരിച്ചുനിന്നു. അപ്പോഴേക്കും സുന്ദരിയുടെ കൈകൾ ഉള്ളിലേക്ക് വലിഞ്ഞിരുന്നു. ഞാൻ പിറകോട്ടു നോക്കിയപ്പോൾ എന്റെ പിന്നിൽ മറ്റൊരാൾ ആകാംഷയോടെ തുറന്നു കിടക്കുന്ന മൂന്നാംനിലയിലെ പച്ച പെയിന്‍റടിച്ച ജനലിലേക്ക് നോക്കുന്നു. ഒന്നും കാണാതെ അയാളും മുന്നോട്ടു നടന്നപ്പോൾ, മൂന്നാമനും മൂന്നാംനിലയിലേക്ക് നോക്കുന്നു.

ഞാൻ തെരുവ് മുറിച്ചുകടന്ന് കോമേഴ്‌സ് ഹൗസിലെ എന്റെ ഓഫീസിലേക്ക് കയറുമ്പോൾ ഒന്നുകൂടെ തിരിഞ്ഞുനോക്കി. അപ്പോഴും മൂന്നാംനിലയിലെ ശൂന്യമായ ജാലകപ്പഴുതിലേക്ക് ആകാംഷയോടെ നോക്കുവാൻ അച്ചടക്കമുള്ള കാഴ്ചക്കാരുടെ ക്യൂ നീണ്ടു നീണ്ടു പോകുകയായിരുന്നു.

Facebook Comments

Comments

  1. Raju Thomas

    2021-11-26 17:01:34

    പഹയൻ! ഏഭ്യൻ! പത്തിരുപത്തഞ്ചു കൊല്ലശേഷവും ആ കാഴ്ച ഇത്ര സ്ഫുടമായി ഓർക്കുന്നല്ലൊ! അതും, എന്തൊരു കാഴ്ച! "ആരാകിലെന്ത്, മിഴിയുള്ളവർ നിന്നിരിക്കാം..." അക്കാര്യം അങ്ങനിരിക്കട്ടെ. ഞാൻ അത്ഭുതം കൂറുന്നത് മറ്റൊരു കാര്യത്തെപ്പറ്റിയാണ്--താൻ പണ്ടു സഞ്ചരിച്ച ആ വിദുരനഗരിയിലെ തെരുവുകളെല്ലാം ഇദ്ദേഹം ഒരു ട്രാവലേഴ്‌സ് ഗൈഡിലെപ്പോലെ കൃത്യമായാണ് നമുക്കു കാട്ടിത്തരുന്നത്

Leave a Reply


മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക

Your email address will not be published. Required fields are marked *

അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല

RELATED ARTICLES

എന്നിട്ടും (കവിത: മഞ്ജുള ശിവദാസ്)

LIFE IN ARIZONA (chapter4: Sreedevi krishnan)

വീണ്ടും കാണവേ (കവിത: തസ്‌നി ജബീൽ)

കുരുക്ഷേത്രം (ഡോളി തോമസ് കണ്ണൂർ)

പാദരക്ഷ (കഥ: നൈന മണ്ണഞ്ചേരി)

പുസ്തക പരിചയം : പൂമരങ്ങള്‍ തണല്‍ വിരിച്ച പാതകള്‍ (എഴുതിയത് :സന്തോഷ് നാരായണന്‍)

എന്റെ ആത്മഹത്യ ഭീരുത്വത്തിന്റെ അടയാളമല്ല (കവിത: ദത്താത്രേയ ദത്തു)

ഞാൻ കറുത്തവൻ (കവിത : രശ്മി രാജ്)

മനുഷ്യ പുത്രന് തല ചായ്ക്കാൻ ? (കവിത: ജയൻ വർഗീസ്)

കഴുകജന്മം(കവിത : അശോക് കുമാര്‍ കെ.)

ചുമരിലെ ചിത്രം: കവിത, മിനി സുരേഷ്

Hole in a Hose (Poem: Dr. E. M. Poomottil)

അമ്മിണിക്കുട്ടി(ചെറുകഥ : സിജി സജീവ് വാഴൂര്‍)

മോരും മുതിരയും : കുമാരി എൻ കൊട്ടാരം

വിശക്കുന്നവർ (കവിത: ഇയാസ് ചുരല്‍മല)

ഛായാമുഖി (കവിത: ശ്രീദേവി മധു)

ഓർമ്മയിൽ എന്റെ ഗ്രാമം (എം കെ രാജന്‍)

ഒഴിവുകാല സ്വപ്നങ്ങൾ (കവിത : ബിജു ഗോപാൽ)

പൊട്ടുതൊടാൻ ( കഥ: രമണി അമ്മാൾ)

ഒരു നറുക്കിനു ചേരാം (ശ്രീ മാടശ്ശേരി നീലകണ്ഠന്‍ എഴുതിയ 'പ്രപഞ്ചലോട്ടറി' ഒരു അവലോകനം) (സുധീര്‍ പണിക്കവീട്ടില്‍)

ഷാജൻ ആനിത്തോട്ടത്തിന്റെ 'പകര്‍ന്നാട്ടം' (ജോണ്‍ മാത്യു)

സങ്കീര്‍ത്തനം: 2021 (ഒരു സത്യവിശ്വാസിയുടെ വിലാപം) - കവിത: ജോയ് പാരിപ്പള്ളില്‍

ആശംസകൾ (കവിത: ഡോ.എസ്.രമ)

പാലിയേറ്റീവ് കെയർ (കഥ : രമേശൻ പൊയിൽ താഴത്ത്)

അവൾ (കവിത: ഇയാസ് ചുരല്‍മല)

ഉല(കവിത: രമ പ്രസന്ന പിഷാരടി)

ചിതൽ ( കവിത: കുമാരി എൻ കൊട്ടാരം )

നോക്കുകൂലി (കഥ: സാം നിലമ്പള്ളില്‍)

ഒന്നും കൊണ്ടുപോകുന്നില്ല, ഞാന്‍......(കവിത: അശോക് കുമാര്‍.കെ.)

ഉറുമ്പുകൾ (തൊടുപുഴ കെ ശങ്കർ മുംബൈ)

View More