എരുമേലി : മരക്കാര് സിനിമ ടെലിഗ്രാമിലൂടെ പ്രചരിപ്പിച്ച സംഭവത്തില് ഒരാള് അറസ്റ്റില്.എരുമേലി പൊലീസ് പിടികൂടിയത് കാഞ്ഞിരപ്പള്ളി സ്വദേശി നഫീസിനെയാണ്.
സൈബര് പൊലീസ് നടത്തിയ അന്വേഷണത്തിലാണ് നഫീസിനെ തിരിച്ചറിഞ്ഞത്.
സിനിമാ കമ്പനി എന്ന ടെലിഗ്രാം ആപ്പിലൂടെയാണ് സിനിമയുടെ വ്യാജ പതിപ്പ് പ്രചരിപ്പിച്ചത്. നിര്മ്മാതാവ് ആന്റണി പെരുമ്പാവൂര് നല്കിയ പരാതിയുടെ അടിസ്ഥാനത്തിലാണ് അറസ്റ്റ്.
കോട്ടയം എസ്പി ഡി ശില്പ്പയുടെ നേതൃത്വത്തിലുള്ള സംഘമാണ് പ്രതിയെ അറസ്റ്റ് ചെയ്തത്. മൊബൈല് കടയുടെ ഉടമയാണ് ഇയാള്.
പുലര്ച്ചെ നടന്ന ഫാന്സ് ഷോകള്ക്കു പിന്നാലെതന്നെ ചിത്രത്തിന്റെ മൊബൈലില് പകര്ത്തിയ ക്ലിപ്പിംഗുകള് സോഷ്യല് മീഡിയയില് വ്യാപകമായി പ്രചരിച്ചിരുന്നു.