"ഭൂമിയില് സന്മനസ്സുള്ളവര്ക്ക് സമാധാനം' എന്ന് കുറിച്ചുവെച്ച പുല്ക്കൂട്. ആകാശത്തില് ഉണ്ണീശോയുടെ പിറവിയുടെ അടയാളമായി ഉദിച്ച് നില്ക്കുന്ന നക്ഷത്രം. കുന്തിരിക്കവും സുഗന്ധദ്രവ്യങ്ങളുമായി പുല്ക്കൂടിനരികെ എത്തിയ മൂന്നു രാജാക്കന്മാര്. കാലിത്തൊഴുത്തില് കുഞ്ഞിനു സമീപം അമ്മ, ആട്ടിന്കുട്ടികള്, മാലാഖമാര്, നക്ഷത്രക്കൂട്ടങ്ങള്ക്കിടയില് നിന്നും ഇറങ്ങുവന്നു....
1189-ാം അധ്യായങ്ങളിലായി 31, 173 വാക്യങ്ങളുള്ള ബൈബിളില് മനുഷ്യപുത്രന്റെ പിറവി ഉദ്ഘോഷിക്കുന്ന ഭാഗം പിതാവ് വായിക്കുമ്പോള് പള്ളി മണികള് മുഴങ്ങും. ഇന്ന് ക്രിസ്മസ് രാവ്.
പാതിരാ കുര്ബാന കഴിഞ്ഞ് തിരിച്ചെത്തുമ്പോഴുള്ള സന്തോഷം അടുത്ത ക്രിസ്മസ് രാവു വരെ ഊഷ്മളമായി നിലനില്ക്കട്ടെ. വര്ത്തമാനകാലത്ത് സ്നേഹത്തിന്റേയും സഹനത്തിന്റേയും ഈ ആഘോഷം എന്തുകൊണ്ടും അനിവാര്യമായ ഒന്നാണ്.
ലോകമെങ്ങും കാരുണ്യത്തിന്റെ അടയാളപ്പെടുത്തലാണ് ക്രിസ്മസ്. 'ദൈവപുത്രന് ജനിച്ചു. ഒരു താവക നക്ഷത്രം വാനിലുദിച്ചു' എന്ന ക്രിസ്മസ് ഗീതം നമുക്കൊരുമിച്ച് ഒരിക്കല്ക്കൂടി പാടാം.