എന്തിനീ തേടല്‍ (കവിത: മാടശേരി നീലകണ്ഠന്‍)
Published on 24 February, 2016
കണ്ണുകള്‍ തേടുന്നു വര്‍ണ്ണത്തിളക്കം,
കാതുകള്‍ തേടുന്നു ശബ്ദസൗന്ദര്യം,
തേടുന്നു മാനസം കാവ്യമാധുര്യം,
തേടുന്നു ഹൃത്തടം സ്‌നേഹമെപ്പോഴും;
വിശ്വരഹസ്യങ്ങളല്പം ഗ്രഹിക്കാന്‍
ദുസ്സാധ്യമെങ്കിലും ബുദ്ധിവെമ്പുന്നു!
നേടുന്നതൊക്കെയും പൊയ്‌പ്പോകുമെങ്കില്‍
തേടുന്നു ഞാനെന്തിന് എമ്പാടും, എന്നും?
തേടലെനിക്ക് ഹിതം എന്നും, എന്നാല്‍
ഏറെ പ്രിയങ്കമിപ്പൊളീത്തേടല്‍.
ഈ മണ്‍ ചഷകം തിരിച്ചേകിടുമ്പോള്‍,
(വീണുടയുമ്പോളെന്നോ ചൊല്ലിടേണ്ടൂ?)
വറ്റി വരണ്ടതാകൊല്ല, വക്കോളം
എത്തി, ത്തുളുമ്പണം ജീവചൈതന്യം!
മുറ്റും ഇരുട്ടില്‍ മുഴുകൊല്ല ചിത്തം,
ദീപ്തമായ്ത്തന്നെയിരിക്കണം അന്നും!
കാതുകള്‍ തേടുന്നു ശബ്ദസൗന്ദര്യം,
തേടുന്നു മാനസം കാവ്യമാധുര്യം,
തേടുന്നു ഹൃത്തടം സ്‌നേഹമെപ്പോഴും;
വിശ്വരഹസ്യങ്ങളല്പം ഗ്രഹിക്കാന്‍
ദുസ്സാധ്യമെങ്കിലും ബുദ്ധിവെമ്പുന്നു!
നേടുന്നതൊക്കെയും പൊയ്‌പ്പോകുമെങ്കില്‍
തേടുന്നു ഞാനെന്തിന് എമ്പാടും, എന്നും?
തേടലെനിക്ക് ഹിതം എന്നും, എന്നാല്‍
ഏറെ പ്രിയങ്കമിപ്പൊളീത്തേടല്‍.
ഈ മണ്‍ ചഷകം തിരിച്ചേകിടുമ്പോള്‍,
(വീണുടയുമ്പോളെന്നോ ചൊല്ലിടേണ്ടൂ?)
വറ്റി വരണ്ടതാകൊല്ല, വക്കോളം
എത്തി, ത്തുളുമ്പണം ജീവചൈതന്യം!
മുറ്റും ഇരുട്ടില്‍ മുഴുകൊല്ല ചിത്തം,
ദീപ്തമായ്ത്തന്നെയിരിക്കണം അന്നും!
Facebook Comments
Comments
Madassery Neelakantan 2016-02-24 23:24:23
'വറ്റി വരണ്ടതാകൊല്ല' എന്നും
'മുറ്റും ഇരുട്ടിലെ'ന്നും വായിക്കുക..
നന്ദി!
Dr.Sasi 2016-02-25 11:47:04
ഇച്ചിച്ചത് ലഭികുമ്പോൾ ഹര്ഷം കൊണ്ടു നശിക്കും !
ഇച്ചിച്ചത് ലഭിക്കാതിരികുമ്പോൾ വിഷാദം കൊണ്ടു നശിക്കും!
രണ്ടായാലും നാശം തീർച്ച!
അതുകൊണ്ടു ഹര്ഷ വിഷാദങ്ങളിൽ അടിമപ്പെടാതെ ജീവിക്കാൻ
കവി വിരൽ ചൂണ്ടൂന്നു !!
Kindly neglect typing mistakes (not that professional )!
(Dr.Sasi)
വിദ്യാധരൻ 2016-02-25 16:57:07
നാശമില്ലാതെ മുക്തിനേടാൻ
ധർമ്മമത്രേ മാർഗ്ഗംമെന്ന്
പ്രജ്ഞന്മാർതൻ ഹിതോപദേശം.
ധർമ്മമാർഗ്ഗത്തിനിരുപാർശ്വങ്ങളിലും
ദൃഷ്ടിവിഷയമായി നില്പ്പൂ
കണ്ണഞ്ചിപ്പിച്ചു കാമവും അർത്ഥവും
കാമവും അർത്ഥവും ആസ്വതിക്കുമ്പോഴും
ധർമ്മത്തെ കൈവെടിയാതിരിക്കിൽ
മരണം എന്ന നാശത്തെ പുൽകിടാതെ
ജീവൻ മുക്തി നേടിടും നൂനം (ശ്രീനാരായണഗുരുവിന്റെ പഠനങ്ങളിൽ നിന്ന്)
(ഇങ്ങനെയുള്ളവർ മരിച്ചാലും ജീവിക്കും
എന്ന് ക്രൈതവാചാര്യൻ യേശുവും പഠിപ്പിക്കുന്നു )
വായനക്കാരൻ 2016-02-25 17:44:04
ഉള്ളിൽ തുളുമ്പുന്നു ജീവചൈതന്യം
മൂടിക്കിടക്കുന്നു വാഴ്‌വെന്ന മായ
ഊതിത്തെളിക്കണം ദീപ്തമാകേണം
ചാരം പൊതിഞ്ഞൊരു തീക്കനൽ പോലെ.
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala