രക്തസാക്ഷി ദിനത്തില്‍ ഗാന്ധി രൂപത്തിലേക്ക്‌ വെടിയുതിര്‍ത്ത്‌ ഹിന്ദുമഹാസഭാ നേതാവ്‌
Published on 30 January, 2019
രക്തസാക്ഷി ദിനത്തില്‍ ഗാന്ധി രൂപത്തിലേക്ക്‌ വെടിയുതിര്‍ത്ത്‌ ഹിന്ദുമഹാസഭാ നേതാവ്‌. രാഷ്ട്രപിതാവിന്റെ നെഞ്ചില്‍ വെടിയുതിര്‍ത്ത ക്രൂരതയ്‌ക്ക്‌ തുടര്‍ച്ചയായായിരുന്നു ഹിന്ദു മഹാസഭാ നേതാവിന്റെ പ്രതീകാത്മക പ്രകടനം.
അലിഗഡില്‍ഹിന്ദു മഹാസഭ സംഘടിപ്പിച്ച ചടങ്ങില്‍ ഹിന്ദു മഹാസഭ ദേശീയ സെക്രട്ടറി പൂജ ശകുന്‍ പാണ്ഡെയാണ്‌ ഗാന്ധിയുടെ കോലത്തിലേക്ക്‌ കളിത്തോക്കുകൊണ്ട്‌ വെടിയുതിര്‍ത്തത്‌.
വെടിയേറ്റ ഗാന്ധിയുടെ കോലത്തില്‍ നിന്നും ചോര ഒഴുകുന്നതായും പ്രദര്‍ശിപ്പിച്ചു. തുടര്‍ന്ന്‌ ഹിന്ദു മഹാസഭ നേതാവും ഗാന്ധിയുടെ ഘാതകനുമായ നാഥുറാം വിനായക്‌ ഗോഡ്‌സെയുടെ പ്രതിമയില്‍ ഹാരാര്‍പ്പണം നടത്തി.
ഗാന്ധിവധത്തിന്റെ ഓര്‍മ്മ പുതുക്കി സന്തോഷ സൂചകമായി മധുര വിതരണവും നടത്തി. ഹിന്ദു മഹാസഭ പരസ്യമായി രക്തസാക്ഷി ദിനത്തില്‍ ഇന്ത്യ വിരുദ്ധ നടപടികള്‍ കൈക്കൊളളുന്നത്‌ ഇത്‌ ആദ്യമല്ല.
മുമ്പ്‌ ദിനം മധുരം നല്‍കിയും ഡ്രം മുഴക്കിയും ഡാന്‍സ്‌ കളിച്ചും ഹിന്ദു മഹാസഭാ ആഘോഷിച്ചിരുന്നു.
ഗാന്ധിജിയെ രാഷ്ട്രപിതാവെന്ന്‌ വിളിക്കരുത്‌. വിഭജന സമയത്ത്‌ നിരവധി ഹിന്ദുക്കളുടെ മരണത്തിന്‌ കാരണക്കാരനായ ഗാന്ധിജിയെ ആ പേര്‌ വിളിക്കുന്നത്‌ അവസാനിപ്പിക്കണമെന്നും പൂജ ശകുന്‍ പാണ്ഡെ അന്ന്‌ ആവശ്യപ്പെട്ടിരുന്നു.
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala