Image

അപ്പന്‍ മാത്രമുള്ള ഒരു പാവം കട്ടപ്പനക്കാരിയാണ് ആലീസ്: രജീഷ വിജയന്‍

Published on 02 September, 2019
അപ്പന്‍ മാത്രമുള്ള ഒരു പാവം കട്ടപ്പനക്കാരിയാണ് ആലീസ്: രജീഷ വിജയന്‍

ഒളിമ്ബിക്‌സിന് വേണ്ടി തയാറെടുക്കുന്ന സൈക്ലിസ്റ്റിന്റെ കഥയുമായാണ് 'ഫൈനല്‍സ്' എത്തുന്നത്. ജൂണിന്റെ തകര്‍പ്പന്‍ വിജയത്തിന് ശേഷം രജീഷ വിജയന്‍ നായികയായെത്തുന്ന ചിത്രത്തിന്റെ വിശേഷങ്ങള്‍ പങ്കുവെച്ചെത്തിയിരിക്കുകയാണ് താരം. ഇടുക്കിയിലെ ഹൈറേഞ്ചില്‍ അപ്പന്‍ മാത്രമുള്ള കുട്ടിയാണ് ആലീസ് എന്നാണ് രജീഷ കഥാപാത്രത്തെ കുറിച്ച്‌ വ്യക്തമാക്കുന്നത്.


സൂരാജ് വെഞ്ഞാമൂടാണ് അപ്പന്‍ വര്‍ഗീസ് മാഷായി എത്തുന്നത്. വര്‍ഷങ്ങളായി സൈക്കിള്‍ പ്രാക്ടീസ് ചെയ്യുന്ന ഒളിമ്ബിക്‌സില്‍ മെഡല്‍ നേടണമെന്ന് ആഗ്രഹിക്കുന്ന ഒരു സൈക്ലിസ്റ്റിന്റെ കഥയാണ്. നാട്ടിലൊക്കെ കാണാന്‍ കഴിയുന്ന ഒരു പാവം സ്‌പോര്‍ട്‌സ് കുട്ടിയാണ് ആലീസ് എന്നാണ് രജീഷ കഥാപാത്രത്തെകുറിച്ച്‌ വ്യക്തമാക്കുന്നത്.


ഒരു സംപൂര്‍ണ സ്പോര്‍ട്സ് ചിത്രമായാണ് ഫൈനല്‍സ് ഒരുങ്ങിയിരിക്കുന്നത്. നിരഞ്ജ്, ധ്രുവന്‍, ടിനി ടോം, കുഞ്ചന്‍, മാല പാര്‍വ്വതി, മുത്തുമണി എന്നിവര്‍ക്കൊപ്പം ചില കായിക താരങ്ങളും സിനിമയില്‍ അണിനിരക്കുന്നു. നവാഗതനായ പിആര്‍ അരുണ്‍ സംവിധാനം ചെയ്യുന്ന ചിത്രം മണിയന്‍ പിളള രാജുവും പ്രജീവും ചേര്‍ന്നാണ് നിര്‍മ്മിക്കുന്നത്. സുധീപ് ഇളമണ്‍ ആണ് ഛായാഗ്രഹണം. സെപ്റ്റംബര്‍ ആറിന് ചിത്രം തിയേറ്ററുകളിലെത്തും.

Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക