ഷിക്കാഗോ : ഷിക്കാഗോ മലയാളി അസോസിയേഷന്റെ ആഭിമുഖ്യത്തില് കേരളപ്പിറവി ദിനം, പ്രസിഡന്റ് ജോണ്സന് കണ്ണൂക്കാടന്റെ അധ്യക്ഷതയില് കൂടിയ യോഗം കോട്ടയം പാര്ലമെന്റംഗം തോമസ് ചാഴിക്കാടന് എംപി ഉദ്ഘാടനം ചെയ്തു. 1956 നവംബര് 1ന് രൂപീകൃതമായ കേരളത്തിന്റെ 63–ാം ജന്മദിനത്തിന്റെ ഭാഗമായിട്ടാണ് പ്രസ്തുത പരിപാടി അരങ്ങേറിയത്.
കോട്ടയം പാര്ലമെന്റംഗമായ തോമസ് ചാഴിക്കാടന് ഒസിഐ കാര്ഡ് സംബന്ധിച്ച് പുതുക്കുന്നതിന് നിലനില്ക്കുന്ന നൂലാമാലകള് ലഘൂകരിക്കുന്നതിന് കേന്ദ്രത്തില് വേണ്ട നിര്ദേശങ്ങള് സമര്പ്പിക്കുന്നതാണെന്ന് അറിയിച്ചു. ഷിക്കാഗോ മലയാളി അസോസിയേഷന് നാട്ടില് നടത്തുന്ന സാമൂഹ്യ പ്രവര്ത്തനങ്ങളെ മുക്തകണ്ഡം പ്രശംസിച്ചു.
സംഘടനാ പാടവമുള്ളവര് സംഘടനയുടെ നേതൃത്വത്തില് വരുന്നതിലൂടെ സംഘടനയെ ഊര്ജ്ജസ്വലമായി പ്രവര്ത്തിപ്പിക്കുന്നതിലുള്ള സന്തോഷം രേഖപ്പെടുത്തി. ഷിക്കാഗോ മലയാളി അസോസിയേഷന്റെ സാമൂഹിക, സാംസ്ക്കാരിക, രാഷ്ട്രീയ പ്രവര്ത്തനത്തില് ഊന്നിയുള്ള പ്രവര്ത്തനത്തില് അദ്ദേഹം സന്തുഷ്ടിയും രേഖപ്പെടുത്തി.
അഗസ്റ്റിന് കരിംകുറ്റി, ബെന്നി വാച്ചാച്ചിറ, സണ്ണി വള്ളിക്കളം, രാജന് എബ്രഹാം എന്നീ മുന് പ്രസിഡന്റുമാരും സീനിയര് സിറ്റിസണ് പ്രതിനിധി ജോസ് സൈമണ് മുണ്ടപ്ലാക്കില് വനിതാ പ്രതിനിധി മേഴ്സി കുറിയാക്കോസ് എന്നിവര് ആശംസകള് നേര്ന്നു.
ബാബു മാത്യു, സാബു കട്ടപുറം, ലൂക്ക് ചിറയില്, മനോജ് അച്ചേട്ട്, ഫിലിപ്പ് പുത്തന്പുരയില്, ചാക്കോ മറ്റത്തില്പറമ്പില്, സജി മണ്ണംച്ചേരില്, ആല്വിന് ഷിക്കോര്, ഷൈനി ഹരിദാസ്, അഗ്നസ് തെങ്ങുംമൂട്ടില് എന്നിവര് പരിപാടികള്ക്ക് നേതൃത്വം കൊടുത്തു. സെക്രട്ടറി ജോഷി വള്ളിക്കളം പരിപാടിയുടെ എംസി ആയിരുന്നു.