Image

ഡ്രൈവിംഗ് ലൈസന്‍സ് ഇടപാടുകള്‍ ഓണ്‍ലൈനാക്കി

Published on 19 November, 2019
ഡ്രൈവിംഗ് ലൈസന്‍സ് ഇടപാടുകള്‍ ഓണ്‍ലൈനാക്കി


കുവൈത്ത് സിറ്റി : ഡ്രൈവിംഗ് ലൈസന്‍സ് അപേക്ഷയും പുതുക്കലും ഓണ്‍ലൈന്‍ വഴിയാക്കിയതായി ആഭ്യന്തര മന്ത്രാലയം അറിയിച്ചു. ലൈസന്‍സ് പുതുക്കുന്നതിനു പാലിക്കേണ്ട നടപടിക്രമങ്ങളുടെ സംക്ഷിപ്ത വിശദാംശങ്ങള്‍ കഴിഞ്ഞ ദിവസം മന്ത്രാലയം പുറത്തിറക്കി .

ഇടപാടുകള്‍ തുടങ്ങുന്നതിനായി ആഭ്യന്തര മന്ത്രാലയ വെബ്‌സൈറ്റില്‍ സാധുവായ ഒരു ഉപയോക്തൃ ഐഡിയും പാസ്‌വേഡും ഉണ്ടായിരിക്കണം. അതോടപ്പം ഈ സര്‍വീസുകള്‍ ഉപയോഗിച്ച് ട്രാഫിക് ലംഘനം, റെസിഡന്‍സി നില എന്നിവ പരിശോധിക്കാനും കഴിയുമെന്ന് അധികൃതര്‍ അറിയിച്ചു . വിദേശികള്‍ക്ക് 65 വയസാവുകയോ പിഴ ഉണ്ടാവുകയോ പ്രഫഷന്‍ മാറുകയോ രാജ്യം വിടുകയോ ചെയ്താല്‍ ലൈസന്‍സ് പുതുക്കാന്‍ കഴിയില്ല. പദ്ധതി നടത്തിപ്പിന്റെ മേല്‍നോട്ടത്തിന് വിദഗ്ധ സമിതിയെ ചുമതലപ്പെടുത്തിയിട്ടുണ്ടന്നും മന്ത്രാലയം വ്യക്തമാക്കി.

ആഭ്യന്തര മന്ത്രാലയ വെബ്‌സൈറ്റില്‍ സന്ദര്‍ശിച്ച ശേഷം സൈറ്റിനു മുകളില്‍ കാണുന്ന ഇ സര്‍വീസ് എന്ന ടാബില്‍ അമര്‍ത്തനം. തുടര്‍ന്ന് ട്രാഫിക് പേജില്‍ ആവശ്യമായ സര്‍വീസിനുള്ള ലിങ്കുകള്‍ അമര്‍ത്തുക. നേരത്തെ സൃഷ്ടിച്ച ഉപയോക്തൃ ഐഡിയും പാസ്‌വേഡും ടൈപ്പ് ചെയ്യുക, അതിനുശേഷം ആവശ്യമായ രേഖകളും ഫോട്ടോയും അപ്‌ലോഡു ചെയ്തതിനു ശേഷം കെനെറ്റ് ഉപയോഗിച്ച് ഫീസ് ഓണ്‍ലൈനായി അടയ്ക്കുക. അപേക്ഷ അംഗീകരിക്കുകയാണെങ്കില്‍, അവന്യൂസ് മാള്‍, അല്‍ കൂത്ത് മാള്‍, കാപിറ്റല്‍ ഗവര്‍ണറേറ്റിലെ ആഭ്യന്തര മന്ത്രാലയത്തിലെ സര്‍വീസ് സെന്റര്‍ , ഹവല്ലി ട്രാഫിക് ഡിപ്പാര്‍ട്ട്‌മെന്റ് എന്നിവിടങ്ങളില്‍ സ്ഥാപിച്ച സെല്‍ഫ് സര്‍വീസ് കിയോസ്‌കുകള്‍ വഴി ഉപയോക്താക്കള്‍ക്ക് ഡ്രൈവിംഗ് ലൈസന്‍സ് പ്രിന്റു ചെയ്തു ലഭിക്കും.

റിപ്പോര്‍ട്ട്: സലിം കോട്ടയില്‍

Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക