സാന്ത്വനങ്ങള്‍ (കവിത : രാജന്‍ കിണറ്റിങ്കര)

SAHITHYAM 25-Nov-2019 രാജന്‍ കിണറ്റിങ്കര
SAHITHYAM 25-Nov-2019
രാജന്‍ കിണറ്റിങ്കര
Share
image
ഊതി ഊതി
കുടിക്കുമ്പോള്‍
ചായ ചോദിച്ചു
എന്തിനാണീ സ്‌നേഹം?
നിന്നെ 
ഒരു പാട് പൊള്ളിച്ചില്ലേ?
അഴിച്ചിടുമ്പോള്‍
ചെരുപ്പ് ചോദിച്ചു
എന്താണ്
ഞാന്‍ പുറത്ത്?
ഒരുപാട് നടന്ന്
തളര്‍ന്നതല്ലേ നീ? 
ഉറങ്ങാന്‍ നേരം
കണ്ണുകള്‍ ചോദിച്ചു
എന്തിനാണെന്നെ
പൂട്ടുന്നത് ?
താഴില്ലാതെ പൂട്ടാന്‍
നിന്നെയല്ലേ പറ്റൂ.
കുളി കഴിഞ്ഞ്
മുടി ചോദിച്ചു
എന്തിനാണെന്നെ
തോര്‍ത്തിയുണക്കുന്നത് ?
തല മറന്ന്
എണ്ണ തേച്ച് പോയി ..
ഓര്‍മ്മകളില്‍ ഊളിയിടുമ്പോള്‍
മനസ്സ് ചോദിച്ചു
എന്തിനാണീ
നഷ്ടങ്ങള്‍ ചികയുന്നത് ?
അനുഭവിച്ച ലാഭങ്ങളുടെ
കണക്കെടുപ്പ്
നടത്തുകയല്ലേ ?
********




image
image
image
Facebook Comments
Comments.
image
വിദ്യാധരൻ
2019-11-25 09:02:42
ഇല്ല പരാതികൾ 
ഇല്ല പരിഭവം 
വേണ്ട ഞങ്ങൾക്ക് 
സ്വാന്തന വാക്കുകൾ 
ചൂടുള്ള 'ചായ' നീ 
മോന്തി കുടിക്കുമ്പോൾ 
കാണുന്നു നിന്റെ 
കണ്ണിലൊരാനന്ദം
നിൻ പാദത്തിന് 
രക്ഷയായി മാറുമ്പോൾ 
'ചെരിപ്പിനും' ആനന്ദം
നിന്റെ തലക്ക് 
ചൂടടിക്കാതെ കാക്കുമ്പോൾ 
'തലമുടി'ക്കാനന്ദം
ഈ പ്രപഞ്ച സൗന്ദര്യം നീ 
കൊരിക്കുടിക്കുമ്പോൾ 
'കണ്ണിനും 'ആനന്ദം 
എന്നിട്ടും എന്തെ 
മനസ്സേ നീ ആസ്വസ്ത്ൻ ?
ആർക്കു നിന്നെ 
തൃപ്‌തനാക്കാൻ കഴിയും ?
സ്വാർത്ഥതകൊണ്ടു 
ചീർത്തതാണത് 
സ്വാന്തനവാക്കിനാൽ 
ഒതുക്കാൻ കഴിയില്ലതിനെ 
തേടുന്നതെന്തിനെയോ 
ഉറക്കം വെടിഞ്ഞു രാവിലും 

 
  

Leave a reply.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
Leave a reply.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
News in this section