Image

മലരിനു സുഗന്ധം സ്വന്തമോ? (സി. ആന്‍ഡ്രുസ്)

Published on 05 January, 2020
മലരിനു സുഗന്ധം സ്വന്തമോ? (സി. ആന്‍ഡ്രുസ്)
വിടരാത്ത പൂവിനു സുഗന്ധം ഇല്ല
വിടര്‍ന്ന പൂവിനു അതിന്റെ സുഗന്ധം സ്വന്തം അല്ല
വിടര്‍ന്നാല്‍ വിട പറയാതെ തിരികെ നോക്കാതെ
ഒരിക്കലും തിരികെ വരാതെ അകലുന്നു സുഗന്ധം
നീ എന്റേത് മാത്രം, എന്റെ സ്വന്തം എന്നു പൂ വിതുമ്പുന്നു
എന്നാല്‍ അനന്തതയിലേക്ക് സ്വയം ബലിയായി
എന്നേ അകന്നു സുഗന്ധം
ഞാന്‍ എന്റെ പോലും സ്വന്തം അല്ല,
ആരുടേയും സ്വന്തം അല്ല, എന്നു മന്ത്രിക്കുന്നു സുഗന്ധം
മണ്ണിലേക്ക് മടങ്ങുന്നു ഉണങ്ങി വീഴുന്ന പൂക്കള്‍
അനന്തതയില്‍ ലയിക്കുന്ന സുഗന്ധം നിത്യത നേടുന്നു
ജീവിതം പൂ പോലെ
കര്‍മ്മങ്ങള്‍ സുഗന്ധം പോലെ
മനുഷ്യര്‍ കാണാതെ എവിടെ എല്ലാം എത്രയോ പൂക്കള്‍ വിരിയുന്നു
എല്ലാം എല്ലാം എനിക്ക് വേണ്ടി എന്നു മൂഢന്‍ മനുഷ്യന്‍
എല്ലാ പൂക്കളും മനുഷ്യരേക്കാള്‍ ഉത്തമം
മതം ഇല്ല ആധി ഇല്ല വര്‍ണ്ണം ഇല്ല പൂക്കള്‍ക്ക്
ഞാന്‍ ഞാന്‍ എന്റെ സ്വന്തം എന്റേത് മാത്രം
എന്ന അനേകം ചങ്ങലകള്‍ കൊണ്ട് സ്വയം വിലങ്ങുകള്‍
പൂട്ടുന്നു മനുഷ്യര്‍
അവര്‍ ഒരിക്കലും സുഗന്ധം ആകുന്നില്ല
പൂവിനെപോലെ പൂഴിയില്‍ പൂണ്ട് നശിക്കുന്നു.

*********
Join WhatsApp News
മതം ഒരു തലയിണ 2020-01-06 14:02:21
 എന്‍റെ വംശം, ജാതി മതം - മറ്റുള്ളവരുടെതിനെക്കാള്‍ ശ്രേഷ്ഠം ആണ് എന്ന് മനുഷന് തോന്നാന്‍ കാരണം അവന്‍റെ മതം ആണ്. ദൈവത്തിന്‍റെ പേരില്‍ എന്ത് തോന്ന്യാസവും കാട്ടാന്‍ ഉള്ള ലയിസന്‍സ്സ് ആണ് മതം. -andrew
amerikkan mollakka 2020-01-06 13:47:35
അസ്സലാമു അലൈക്കും .. ആൻഡ്രുസ് സാഹിബ് 
ആദ്യമായി ഇങ്ങളെ ഒരു കാര്യം ഓർമിപ്പിക്കട്ടെ 
ഞമ്മള് സ്ത്രീകളുടെ രചനകൾക്ക് മാത്രമല്ല 
കമന്റ് എയ്തുന്നത്. സ്ത്രീകളുടെ മാത്രം 
രചനകൾ ബായിക്കുന്നവർക്ക് അങ്ങനെ തോന്നാം.
ഞമ്മളെ അങ്ങനെ തരം തായ്‌ത്തുന്ന 
പാവത്തന്മാർക്ക് അറിയോ ഞമ്മക്ക് മൂന്നു 
ബിരുദാനന്ദ ബിരുദങ്ങൾ ഉണ്ട്. മൂന്നു കെട്ടിയത് 
ഞമ്മക്ക് പണവും മൊഞ്ചും ആരോഗ്യവുമുള്ളത്കൊണ്ട്..
നല്ല നല്ല കബിതകൾ ആര് എയ്തിയാലും 
ഞമ്മക്ക് ഇഷ്ടമായാൽ പ്രതികരിക്കും . ഇങ്ങളുടെ 
പടം അസ്സലായിട്ടുണ്ട്. മൊഞ്ചുള്ള ഒരു ചെത്ത് 
പയ്യൻസ്. ഇടക്കൊക്കെ ഞമ്മടെ ചെറുപ്പകാല 
പടങ്ങൾ കൊടുക്കണം. 

ഇങ്ങടെ കബിത  പ്രതീകാത്മകമാണ്.  മനുഷ്യനിൽ 
സുഗന്ധമുണ്ട് അത് അവൻ അറിയുന്നില്ല. മനുഷ്യന്റെ 
 മൂന്ന് ഗുണങ്ങളെപ്പറ്റി 
പറയുന്നുണ്ട്. രണ്ട് ഗുണങ്ങൾ ഒരു ഗുണത്തെ 
കെടുത്തിക്കളയുന്നു.  പൂവിന്റെ ആയുസ്സ് 
തീരും വരെ സുഗനധം സ്വന്തമാണെന്നു 
പൂവിനു അഹങ്കരിക്കാം. എന്നാൽ മനുഷ്യൻ അവന്റെ 
ഗുണം കളഞ്ഞു മറ്റുള്ളവർക്ക് ദുർഗന്ധമാകുന്നു.

സാഹിബ് പടച്ചോൻ ഇങ്ങളെഅനുഗ്രഹിക്കട്ടെ. ഖുദാ 
ഹാഫിസ്.
ആലിയാർ 2020-01-06 14:45:56
ഇങ്ങള് നാട്ടുകാരുടെ  കണ്ണിൽ പൊടി ഇടാനാണ്  ഇതിന്റ ചോട്ടിൽ അഭിപ്രായം എഴുതിയത് . ഇങ്ങടെ കയ്യിൽ പൂ കിട്ടിയാൽ , ഇങ്ങള് മൂന്ന് ബീബിമാരറിയാതെ ഏതെങ്കിലും നായരോ നമ്പ്യാരോ പെങ്കുട്ട്യോൾക്ക് കൊണ്ട് കൊടുക്കും . ഇങ്ങള് എന്തിനാ ബാലു പൊക്കണതെന്ന് ഞമ്മടെ അടുത്തു പറയണ്ട മൊല്ലാക്ക. ഞമ്മള് ഇതെത്ര കണ്ടീരിക്കണ്. പാവം ആന്ധ്രായോസ് സാഹിബ്. നല്ല  ഹൃദ്യയൊള്ളാനാ . ഇങ്ങള് അയാളെ ബെടക്കാക്കാൻ നോക്കല്ലേ .


Thanks Mollakka 2020-01-06 14:33:44
താങ്ക്‌യു  മൊല്ലാക്ക!
ഞാൻ താങ്കളുടെ കമന്റുകൾ ഇപ്പോഴും വായിക്കും, താങ്കൾ ആരോടും പ്രതേകത കാണിക്കാതെ തുറന്നു എഴുതുന്ന ഒരു നല്ല മനുഷ്യൻ എന്ന് തോന്നുന്നു. ഓരോ  സ്ത്രിയും ഒരു സുഗന്ധം ആണ്  അത് ആവോളം ആസ്വദിക്കുക. 
 അത് ഞമ്മുടെ ഇപ്പളത്തെ ഫോട്ടോ അല്ല, 1972 ൽ ആണ് അത് എഴുതിയത് , അന്നത്തെ പടം വെറും ചുമ്മ ഇട്ടു എന്നേയുള്ളു. ഏതായാലും ബീവിമാരെ കാണിക്കണ്ട കേട്ടോ!
താങ്കളെ പോലെ നല്ല മനോഭാവം ഉള്ള മനുഷ്യർ വർധിക്കട്ടെ! -andrew
Sudhir Panikkaveetil 2020-01-06 15:40:07
ശ്രീ ആൻഡ്രുസ്സിന്റെ കവിത നല്ല ആശയം 
 ഉൾക്കൊള്ളുന്നു.മനുഷ്യനിലും പൂവിനെ പോലെ 
തന്നെ  സുഗന്ധമുണ്ട്.അത് അവന്റെ ചൈതന്യമാണ് 
തിന്മ ചെയ്തു  അതെല്ലാം അവൻ നഷ്ടപ്പെടുത്തുന്നു. 
"കർമ്മങ്ങൾ സുഗന്ധംപോലെ,ജീവിതം പൂ 
പോലെ എന്ന് കവി  പറയുന്നു.

നല്ല എഴുത്തുകാർ ഒരു ഭാഷയുടെ സൗഭാഗ്യമാണ്.
അമേരിക്കൻ മലയാളികൾക്ക് ആ ഭാഗ്യമുണ്ട്.
പക്ഷെ അവർ സാഹിത്യവിഷയങ്ങളിൽ 
 പ്രതികരിക്കാറില്ല. അമേരിക്കൻ  പൗരത്വം 
സ്വീകരിച്ച് ഇവിടെ സുഖമായി കഴിയുമ്പോഴും 
നാട്ടിലെ രാഷ്ട്രീയത്തിൽ പങ്കെടുക്കാൻ 
ചിലർ  ഉത്സാഹം കാണിക്കുന്നു. അത് 
അവരുടെ ഇഷ്ടം എന്ന് കരുതുമ്പോഴും 
എന്തിനാണ് നാട്ടിലെ വിവരമില്ലാത്ത 
രാഷ്ട്രീയക്കാർ അവരുടെ വോട്ട് ഉറപ്പാക്കാനും 
കീശ വീർപ്പിക്കാനും ചെയ്യുന്ന സമരങ്ങൾക്ക് 
പിന്തുണ പ്രഖ്യാപിച്ച് ത്രീ പീസ് സ്യുട്ടിൽ 
അവിടെ പ്രത്യക്ഷപ്പെടുന്നത്. ??

ശ്രീ ആൻഡ്രുസ് കവിതകൾ എളുപ്പം 
മനസ്സിലാകുന്ന പ്രതിമാനങ്ങളിലൂടെ 
ജീവിത തത്വങ്ങൾ ബോധ്യപ്പെടുത്തുന്നു. 
അഭിനന്ദനം.
ജോർജ് പുത്തൻകുരിശ് 2020-01-06 22:53:20
"വിടരാത്ത പൂവിനു സുഗന്ധം ഇല്ല
വിടര്‍ന്ന പൂവിനു അതിന്റെ സുഗന്ധം സ്വന്തം അല്ല"

പൂവിനെപോലെ പൂഴിയില്‍ പൂണ്ട് നശിക്കുന്നു.

മേൽപ്പറഞ്ഞ ആംഡ്‌റൂസിന്റ കവിതയിലെ ആശയങ്ങൾ എന്നെ വളരെ ചിന്താധീനനാക്കി. യഥാർഥത്തിൽ ഈ ജീവിതം ഒരു സ്വപ്നതുല്യമല്ലേ ? ഈ ഭാഗം വായിച്ചപ്പോൾ ശ്രീനാരായണ ഗുരുവിന്റ അദ്വൈതദീപികയിലെ 

"നേരല്ല ദൃശ്യമിതു ദൃക്കിനെനീക്കനോക്കിൽ 
വേറല്ല വിശ്വമറിവാം മറവിൽ പ്രവാഹം;
കാര്യത്തിൽ നിൽപതിഹ കാരണസത്തയെന്ന്യേ 
വേറല്ല വീചിയിലിരിപ്പത് വാരിയത്രേ "

ഈ പുറമെ കാണുന്ന കാഴ്‌ച യൊന്നും നേരല്ല . കാഴ്‌ച  കാണാൻ വിസമ്മതിച്ചുകൊണ്ട് ദൃക്ക് അഥവാ കാഴ്ച്ചക്കാരൻ മാറിനിന്നാൽ അല്ലെങ്കിൽ കണ്ണടച്ചാൽ എങ്ങെന്നില്ലാതെ മാറിമറയും . പ്രപഞ്ചമായി കാണുന്ന ഈ കാഴ്ച്ച അതിന്റ കാരണമായ ബോധസത്തയിൽ നിന്നും ഭിന്നമല്ല . അറിവിലെ വെറും കാഴ്ച്ച മാത്രമാണ് പ്രപഞ്ചം . വെള്ളത്തിൽ തിരപൊന്തിയാൽ തിരയും വെള്ളം തന്നെയാണെന്ന് പറയേണ്ടതില്ലല്ലോ .  

പൂവിനെ കുറിച്ച് നമ്മൾക്ക് അറിവുണ്ടായിരുന്നില്ല അതുപോലെ സുഗന്ധവും . എന്നാൽ പൂവിടർന്നു കഴിഞ്ഞപ്പോൾ പൂവിനെക്കുറിച്ചും സുഗന്ധത്തെക്കുറിച്ചും അറിവുണ്ടായി . പൂവിന് അവകാശപ്പെടാനാവില്ല സുഗന്ധം സ്വന്തമാണെന്ന് . എന്നാൽ വെള്ളത്തിൽ തിരപൊന്തിയാൽ തിരയും വെള്ളം തന്നെയാണെന്ന് പറയേണ്ടതില്ലല്ലോ. അതുപോലെ പൂവിന്റെ ഭാഗം തന്നെയാണ് സുഗന്ധം എങ്കിലും അതിന് അവകാശപ്പെടാൻ ആവില്ല സുഗന്ധം പൂവിന്റയാണെന്ന് . മനുഷ്യരിലും ഈ അവസ്ഥയുണ്ട് .  ഞാൻ പിതാവാണെങ്കിലും എനിക്ക് അവകാശപ്പെടാൻ ആവില്ല  എന്റെ കുട്ടികൾ  എന്റേതെന്ന് (നാം വെറും സൂക്ഷിപ്പുകാർ മാത്രം ) അന്ദ്രൂസ് വായനക്കാരെ ചിന്തയുടെ ഉന്നതമായ ഒരു തലത്തിലേക്ക് കൂട്ടികൊണ്ട്പോകുന്നു 

ശ്രീനാരായണഗുരുവിനെപ്പോലെ മനുഷ്യരെ ഒരു ജാതിയായി കാണാൻ ശ്രമിക്കുന്ന ആംഡ്‌റൂസിന്റെ  ലേഖനങ്ങളിലും , അഭിപ്രായങ്ങളിലും  'മതം ഇല്ല ആധി (ജാതി)  ഇല്ല വര്‍ണ്ണം ഇല്ല പൂക്കള്‍ക്ക് എന്ന' എന്ന  അദ്വൈതവാദം   മുന്തി നിൽക്കുന്നത് കാണാം . അതുപോലെ ഞാൻ എന്ന ഭാവത്തെയും , അജ്ഞതയെയും അദ്ദേഹം നഖശിഖാന്തം എതിർക്കുന്നതുമായും കാണാം .   

ഒരു പക്ഷെ ജീവിതത്തന്റെ ക്ഷണഭംഗുരതയെ അദ്ദേഹം സ്വയം  ഓർമ്മപ്പെടുത്തി സമചിത്തത പാലിക്കുന്നതായിരിക്കും  'പൂവിനെപോലെ പൂഴിയില്‍ പൂണ്ട് നശിക്കുന്നു" എന്ന വരിയിലൂടെ.  അതുപോലെ അദ്ദേഹം വായനക്കാരെയും ഉദബുദ്ധരാക്കുന്നു . ഇന്ന് ഭൂമിയിൽ നടമാടുന്ന ജാതിവർഗ്ഗവർണ്ണ യുദ്ധങ്ങളെയും നിയന്ത്രിക്കണമെങ്കിൽ , എഴുത്തുകാർ ഇത്തരം ചിന്തകളിലൂടെ മനുഷ്യരുടെ മനസിന്റെ ഇരുണ്ട തലങ്ങളെ ദീപ്തമാക്കേണ്ടതാണ് . 

കുമാരനാശാന്റെ വീണപൂവിലെ, താഴെ തന്നിരിക്കുന്ന കവിതാശകലം 'പൂവിനെപോലെ പൂഴിയില്‍ പൂണ്ട് നശിക്കുന്നു' എന്ന ഭാഗത്തോട് ചേർത്ത് വായിക്കാവുവുന്നതാണ് 

"ഇന്നീവിധം ഗതി നിനക്കായി പോകപിന്നൊ-  
ന്നൊന്നായിത്തുടർന്നു വരുമാ വഴി ഞങ്ങളെല്ലാം 
ഒന്നിന്നുമില്ല നില ഉന്നതമായ കുന്നു-
മിന്നലാഴിയുമൊരിക്കൽ  നശിക്കുമോർത്താൽ "  

നാശത്തെ ക്കുറിച്ച് ഇടയ്ക്കിടെ ഓർമ്മപെടുത്തുന്നത് അഹന്തയെ ശമിപ്പിക്കാൻ വളരെ സഹായിക്കും 


 
Thank you for the comments 2020-01-07 05:27:32
Thank you all for the generous gracious kind comments!
Glad to see at least few of you spent time & thoughts to stop for a moment far from the madding world. Hope more & more will come out from the chains & cells of their religion & politics and develop the attitude to see the whole world as one and the whole humanity as one.
Yes!; human life is short, a mystery & riddle. Instead of dissecting it understand the fragility of it and escape from the greed for money & power, then this Holy Earth will become a Paradise.-andrew
Anthappan 2020-01-07 10:39:45
I don't know whether Jesus lived, Jesus was the son of god, or not.  But, if he lived, the ideas he put forth to make this world a paradise was not impossible for anyone to make it happen.  If the Christians, the Muslims, the Jews, the Hindus, the Buddhists, and all the other religions, as Andrew suggested,  give up their god theory and work together to make this world great (not America only), we all can enjoy heaven on earth rather than waiting to die (Actually the people who believe life after death are cowards and don't want to die) and enjoy the fake heaven religion is prophesying.   Kudos to your writings  
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക