ശ്രീനഗര്: ജമ്മുകശ്മീരിലെ മുതിര്ന്ന പോലീസ് ഉദ്യോഗസ്ഥനെ ഭീകരര്ക്കൊപ്പം കസ്റ്റഡിയിലെടുത്തു. ഡിഎസ്പിയായ ദേവേന്ദ്ര സിങ്ങിനെയാണ് ജമ്മുകശ്മീര് പോലീസ് കസ്റ്റഡിയിലെടുത്തത്. ഇയാള്ക്കൊപ്പമുണ്ടായിരുന്ന രണ്ട് ജെയ്ഷെ മുഹമ്മദ് ഭീകരരെയും കസ്റ്റഡിയിലെടുത്തിട്ടുണ്ട്. ഇവര് സഞ്ചരിച്ചിരുന്ന വാഹനത്തില് നിന്ന് അഞ്ച് ഗ്രനേഡുകളും പോലീസ് കണ്ടെടുത്തു.
കുല്ഗാമിലെ മിര് ബസാറില് നിന്നാണ് ഇവരെ കസ്റ്റഡിയിലെടുത്തത്. ഇവര് സഞ്ചരിച്ചിരുന്ന വാഹനം തടഞ്ഞുനിര്ത്തി പോലീസ് നടത്തിയ പരിശോധനയിലാണ് കൂടെയുള്ള ഭീകരരെ തിരിച്ചറിഞ്ഞത്. തുടര്ന്ന് ദേവേന്ദ്ര സിങ്ങിന്റെ വീട്ടില് പോലീസ് നടത്തിയ റെയ്ഡിനിടെ രണ്ട് എ.കെ47 തോക്കുകളും കണ്ടെടുത്തുവെന്ന് വാര്ത്താ ഏജന്സിയായ ഐഎഎന്എസ് റിപ്പോര്ട്ട് ചെയ്തു.
ദേവേന്ദ്ര സിങ്ങിനെ പോലീസ് ചോദ്യംചെയ്ത് വരികയാണ്. ശ്രീനഗര് വിമാനത്താവളത്തില് ഹൈജാക്കിങ് വിരുദ്ധ സ്ക്വാഡില് പ്രവര്ത്തിച്ചിരുന്ന ഉദ്യോഗസ്ഥനാണ് ദേവേന്ദ്ര സിങ്. മാത്രമല്ല ഇയാള് കശ്മീരിലെ ഭീകരവിരുദ്ധ സ്പെഷ്യല് ഓപ്പറേഷന്സ് ഗ്രൂപ്പില് ഏറെക്കാലം പ്രവര്ത്തിച്ചിരുന്ന ഉദ്യോഗസ്ഥനായിരുന്നു.