Image

നാല് കുടുംബാംഗങ്ങളെ വെടിവെച്ചു കൊലപ്പെടുത്തിയ കൗമാരക്കാരന്‍ പിടിയില്‍

പി പി ചെറിയാന്‍ Published on 20 January, 2020
നാല് കുടുംബാംഗങ്ങളെ വെടിവെച്ചു കൊലപ്പെടുത്തിയ കൗമാരക്കാരന്‍ പിടിയില്‍
യൂട്ടാ: ഗ്രാന്റ്‌സ് വി ല്ലിലെ ഒരു വീട്ടില്‍ നാല് കുടുംബാംഗങ്ങൾ വെടിയേറ്റ് മരിക്കുകയും അഞ്ചാമനെ ഗുരുതരമായി പരിക്കേല്‍പ്പിക്കുകയും ചെയ്ത കേസ്സില്‍ കുടുംബത്തിലെ കൗമാരക്കാരനെ അറസ്റ്റ് ചെയ്തതായി അധികൃതര്‍ അറിയിച്ചു. ജനുവരി 17 വെള്ളിയാഴ്ച രാത്രിയായിരുന്നു സംഭവം.

വെടിയുടെ ശബ്ദം കേട്ടതായി സമീപവാസികള്‍ അറിയിച്ചതിനെ തുടര്‍ന്ന് എത്തിചേര്‍ന്ന പോലീസ് വീട്ടിനകത്ത് മൂന്ന് കുട്ടികളും, ഒരു സ്ത്രീയും കൊല്ലപ്പെട്ട നിലയിലും, മുതിര്‍ന്നൊരാള്‍ ഗുരുതരമായി പരിക്കേറ്റു കിടക്കുന്നതുമായാണ് കണ്ടത്. പരിക്കേറ്റ പുരുഷനെ ഉടന്‍ പോലീസ് ആശുപത്രിയില്‍ എത്തിച്ചു.

വെടിവെച്ചുവെന്ന് സംശയിക്കുന്ന കൗമാരക്കാരനെ പോലീസ് പിന്നീട് അറസ്റ്റ് ചെയ്തു. പത്ത് ക്രിമിനല്‍ കേസ്സുകള്‍ ചാര്‍ജ്ജ് ചെയ്തിട്ടുണ്ട്. ഈ കുട്ടിയെ പിന്നീട് ആശുപത്രിയില്‍ പ്രവേശിപ്പിച്ചു. തുടര്‍ന്ന് യൂത്ത് ഡിറ്റന്‍ഷന്‍ ഫെസിലിറ്റിയിലേക്ക് മാറ്റിയതായി  പോലീസ് ക്യാപ്റ്റന്‍ രോണ്ട് ഫീല്‍ഡ് പറഞ്ഞു.

ഗ്രാന്റ്‌സ് വില്‍ മേയര്‍ ബ്രാന്റ് മാര്‍ഷല്‍ യൂട്ടാ ഗവര്‍ണര്‍ ഗാരി ഹെര്‍ബെര്‍ട്ട് എന്നിവര്‍ സംഭവത്തില്‍ കുടുംബാംഗങ്ങളെ സന്ദര്‍ശിച്ചു അനുശോചനം അറിയിച്ചു.

പ്രായം പരിഗണിച്ചു പ്രതിയെ കുറിച്ചുള്ള കൂടുതല്‍ വിവരങ്ങള്‍ പോലീസ് പുറത്തു വിട്ടിട്ടില്ല.
നാല് കുടുംബാംഗങ്ങളെ വെടിവെച്ചു കൊലപ്പെടുത്തിയ കൗമാരക്കാരന്‍ പിടിയില്‍
Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക