ശ്രീ സുധീർ പണിക്കവീട്ടിൽ , എൻ്റെ കഥ താങ്കൾക്ക് ഇഷ്ടാമായതിൽ വളരെ സന്തോഷം . താങ്കൾ ഇവിടെ പറഞ്ഞതിൽ പലതും വളരെ പ്രസക്തമാണ് . മനുഷ്യൻ ഒരു മത ജീവിയായി മാറ്റപ്പെടുന്നതോടെ അവനിലെ മനോധർമ്മവും നർമ്മബോധവും ഇല്ലാതാകുന്നു. ഇന്നുകളിൽ മുന്നിലുള്ള ജീവിതം അപ്രസക്തമാവുകയും അതിനെ ആസ്വദിക്കുന്നതിൽ നിന്ന് മതങ്ങൾ തീർക്കുന്ന പാപബോധം അവനെ വില്ക്കുകയും ചെയ്യുന്നു. വായനയും വിനോദങ്ങളും നേരമ്പോക്കു പറയലിനുമൊന്നും താൽപ്പര്യമില്ല ഒഴി വുണ്ടെങ്കിൽ അവൻ അടുത്ത അമ്പലത്തിലേക്കോ ധ്യാന കേന്ദ്രത്തിലേക്കോ വച്ചു പിടിപ്പിക്കും അല്ലെങ്കിൽ യൂ ട്യൂബിൽ മത പ്രസംഗം കേൾക്കും അതുമല്ലെങ്കിൽ എളുപ്പത്തിൽ പുണ്യം കിട്ടാനുള്ള സൂത്രവിധ്യയായ ചെയിൻ പ്രാർത്ഥനകൾ ഫേസ് ബുക്കിൽ ഷെയർ ചെയ്യും . വായിക്കാനൊന്നും താൽപ്പര്യം തോന്നുകയില്ല . ഒരു എഴുത്തുകാരനെ സംബന്ധിച്ച് അയാൾക്കു കൂടുതൽ ആനന്ദം കിട്ടുന്നത് അയാളുടെ എഴുത്തുകൾ കൂടുതൽ ആളുകൾ വായിക്കുമ്പോഴും പരമ്പരാഗതമായ രീതിയിൽ അച്ചടി മഷി പുരണ്ടു അച്ചടിച്ച് വരുമ്പോഴുമാണ് . അതുതന്നെയാണ് മലയാളത്തിൽ എഴുതുന്നവർ നാട്ടിലെ പ്രസിദ്ധീകരണങ്ങളോട് കൂടുതൽ പ്രതിപത്തി കാണിക്കുന്നത് . അത്തരമൊരു സാഹചര്യം അമേരിക്കയിൽ ഉണ്ടാകാനുള്ള സാഹചര്യം കുറവാണു അതു ആരുടേയും കുറ്റമല്ല മറിച്ചു ഒന്നാം തലമുറയോടുകൂടി മലയാളം മരിച്ചു പോകുന്നതുകൊണ്ടാണ് . മലയാളികളുടെ കുടിയേറ്റത്തിൽ കുറവുവന്നാൽ കാര്യങ്ങൾ കൂടുതൽ മോശമാകും . ഇ മലയാളി ചെയ്യുന്നതു വളരെ ശ്ലാഘനീയമാണ് . അവിടെയും വിലങ്ങുതടിയായി വരുന്നത് മലയാളം എഴുത്തും വായനയും അറിയുന്നവരുടെ എണ്ണമാണ് . പിന്നെ എല്ലാ വായനക്കാർക്കും സാഹിത്യം വായിക്കാൻ താൽപ്പര്യം ഉണ്ടാകണമെന്നുമില്ല. അമേരിക്കൻ മലയാളികൾക്കു വേണ്ടി ഒരു എഴുത്തുകാരൻ ഒരു പുസ്തകം ഇറക്കിയാൽ എത്രയെണ്ണം വിറ്റുപോകുവാൻ കഴിയുമെന്നതും ഒരു ചോദ്യമാണ് . അമേരിക്കൻ മലയാള സാഹിത്യം എന്നൊന്നും പറഞ്ഞു നിലനിൽക്കാൻ കഴിയില്ല . അത്രയ്ക്ക് സമ്പുഷ്ടമാണ് സാഹിത്യം ഇവിടെയെന്നു കരുതാനും വയ്യ .മലയാള സാഹിത്യത്തിന്റെ തോൾ ചേർന്നുള്ള ഒരു യാത്ര മാത്രമേ കരണീയമായിട്ടുള്ളു . എഴുത്ത് കാരെ സാമ്പത്തികമായി പ്രോത്സാഹിപ്പിക്കാൻ കഴിയുമെകിൽ അത് വളരെ നല്ലതാണ് . അങ്ങിനെ വന്നാൽ ഒരു എഴുത്തുകാരന് കൂടുതൽ സമയം എഴുത്തിനും വായനയ്ക്കും വേണ്ടി മാറ്റി നിർത്താൻ കഴിയും അതുമൂലം കൂടുതൽ മികച്ച രീതിയിലുള്ള സാഹിത്യം ഉണ്ടാകുവാനും സാധ്യതയുണ്ട് .

താഴപറയുന്ന വിഷയങ്ങളെക്കുറിച്ച് ഒരു ചര്‍ച്ചയും ആകാം. 1 . ഇവിടത്തെ എഴുത്തുകാരേക്കാള്‍ നാട്ടിലെ എഴുത്തുകാരുടെ രചനകള്‍ വായിക്കാന്‍ എന്തുകൊണ്ട് അമേരിക്കന്‍ മലയാളികള്‍ ഇഷ്ടപ്പെടുന്നു. കേരളത്തിലെ എഴുത്തുകാരുടെ രചനകൾ അനേകായിരങ്ങൾ വായിച്ചു അവരുടെ അംഗീകാരങ്ങൾ കിട്ടിയിട്ടുള്ളവയാണ് . അത്തരം ഗ്രന്ഥങ്ങൾ കണ്ടാൽ എന്തുകൊണ്ട് അത്രയും ജനങ്ങൾ വായിച്ചു എന്നറിയാനുള്ള ഒരു കൗതകം ഉള്ളിൽ ജനിപ്പിക്കുന്നു. അതുപോലെ എത്ര പ്രാവശ്യം അത് പ്രസിദ്ധീകരിക്കപ്പെട്ടു എന്നും അറിയുമ്പോൾ, അത് വായിക്കാൻ താത്‌പര്യം ജനിപ്പിക്കുന്നു . എന്നാൽ ഇവിടുത്തെ പല രചനകൾക്ക് ജനങ്ങളുടെ അഗീകാരത്തെക്കാൾ , നിർജ്ജീവങ്ങളായ പൊന്നാടയും, ഫലകവും ഒക്കെയാണ് ജനങ്ങളിൽ കൗതകം ഉളവാക്കാൻ ഉപയോഗിക്കുന്ന തന്ത്രങ്ങൾ . അവാർഡുകളും പൊന്നാടകളും കുറെ കഴിയുമ്പോൾ മനസ്സിൽ മടുപ്പ് ഉണ്ടാക്കും. എനിക്ക് ആ അവാർഡ് കിട്ടിയിട്ടുണ്ട് ഈ അവാർഡ് കിട്ടിയിട്ടുണ്ട് എന്ന് പറഞ്ഞ് വരുന്നവരേക്കാൾ അത് കിട്ടാത്തവരുടെ രചനകളാണ് എനിക്കിഷ്ടം . ഇതിന്റെ അർഥം അവാർഡ് കിട്ടുന്നത് തെറ്റാണെന്നല്ല നേര്മറിച്ച് അവാർഡിൽ കൂടെ അല്ലായിരിക്കും എഴുത്തുകാർ ഓർമ്മിക്കപെടാൻ പോകുന്നത് . നല്ല എഴുത്തുകാരൻ ഒരിക്കലും മരിക്കുന്നില്ല . കാരണം അവർ നന്നായി വായിച്ചുട്ടുള്ളവരായിരിക്കും വായനക്കാരുടെ എണ്ണത്തേക്കാൾ എഴുത്തുകാരുടെ എണ്ണമാണ് കൂടുതൽ എന്ന ലേഖകന്റെ അഭിപ്രായത്തോട് യോജിക്കുന്നു. 2 . ഇ മലയാളി ഇപ്പോള്‍ ഉള്‍പ്പെടുത്തുന്ന പംക്തികള്‍ കൂടാതെ നിങ്ങള്‍ ആഗ്രഹിക്കുന്ന പംക്തികള്‍ ഏതെല്ലാം. കഥകളോ, കവിതകളോ, ലേഖനങ്ങളോ, നര്‍മ്മങ്ങളോ കൂടുതല്‍ താല്‍പ്പര്യം. വായിക്കുന്നവർക്ക് ആവശ്യത്തിന് വിഭവങ്ങൾ ഈ മലയാളി ഒരുക്കുന്നുണ്ട് . വായിക്കാൻ സമയക്കുറവ് ഉണ്ടെന്ന് മാത്രം . 3 . അമേരിക്കയില്‍ മലയാള സാഹിത്യം പുതു തലമുറയിലേക്കും വളരാന്‍ പത്രമെന്ന നിലയില്‍ ഇമലയാളി എന്ത് ചെയ്യണം.? എഴുത്തുകാര്‍ എന്ത് ചെയ്യണം.? പുതു തലമുറ എന്ന് പറയുന്നതിൽ നിന്ന് എന്താണ് അർത്ഥമാക്കുന്നത് ? ഇവിടെ ജനിച്ചു വളരുന്ന തലമുറക്ക് മലയാള ഭാഷകൊണ്ട് എന്ത് പ്രയോചനം . നാട്ടിൽ തന്നെ പുതു തലമുറ മലയാള ഭാഷയെ എത്രമാത്രം സ്നേഹിക്കുന്നു എന്ന് അറിയില്ല . അങ്ങനെ വരുമ്പോൾ പുതു തലമുറയിൽ മലയാള സാഹിത്യം തളിരിടുമോ എന്നതിൽ സന്ദേഹം ഇല്ലാതെയില്ല 4 .ഇവിടത്തെ എഴുത്തുകാരുടെ നല്ല രചനകളെ തിരഞ്ഞെടുക്കാന്‍ നിങ്ങള്‍ക്ക് കഴിയുമോ? വായനക്കാർ കുറവുള്ള അമേരിക്കയിൽ ഒന്നോ രണ്ടോ വ്യക്തികൾ അഭിപ്രായം പറഞ്ഞാൽ അതിന് വലിയ പ്രസക്തിയില്ല . ഉദാഹരണമായി ഞാൻ ഒരു വ്യക്തിയുടെ രചന ഇഷ്ടപ്പെട്ടു എന്ന് അഭിപ്രായം പറഞ്ഞാൽ, അത് പുറം ചൊറിയാലാണെന്ന് ബാക്കിയുള്ള എഴുത്തുകാർ അഭിപ്രായം പറയും . എന്നാൽ ആയിരക്കണക്കിന് വായനക്കാർ ഉള്ള കേരളത്തിൽ അതിന് ആരും തയാറാകില്ല . കാരണം സാഹിത്യ ബോധമുള്ളവരും പണ്ഡിതരുമായ അഭിപ്രായക്കാർ വില കുറഞ്ഞ അഭിപ്രായങ്ങളെ തള്ളി കളയും . 5 . അങ്ങനെ തിരഞ്ഞെടുത്ത കൃതികളെക്കുറിച്ച് ഒരു തുറന്ന ചര്‍ച്ച ഇ മലയാളിയില്‍ നടത്തുന്നതിനെക്കുറിച്ച് നിങ്ങളുടെ അഭിപ്രായം. അതിന് തയാറുള്ള എത്ര പേർ കാണും . മുഖത്ത് നോക്കി കുറ്റം പറഞ്ഞാൽ പിന്നെ ' പൂരപ്പാട്ടായിരിക്കും " എന്തിന് സ്നേഹ ബന്ധങ്ങളെ ഉലയ്ക്കുന്നു 6 . മതങ്ങള്‍ക്ക് സംഭാവന ചെയ്യുന്നപോലെ എന്തുകൊണ്ട് ഭാഷക്ക് സംഭാവന ചെയ്യാന്‍ അമേരിക്കന്‍ മലയാളികള്‍ മടിക്കുന്നത്. മതം എന്ന കറുപ്പിന്റെ വീര്യത്തെ നിഷ്ഭ്രമാക്കാൻ പോരുന്ന ഒന്നും തന്നെയില്ല . ഭീരുക്കളായ മനുഷ്യർ അവരുടെ തലമണ്ട മതത്തിന് അടിയറ വച്ചിരിക്കുകയാണ് . സ്വയം ആരെന്നറിയാത്തവരാണ് മതത്തിന്റെ പിന്നാലെ പോകുന്നവർ . അവരെ നയിക്കുന്നവർ, അവരറിയാതെ രക്തം ഊറ്റി കുടിക്കുന്ന അട്ടകളും . എല്ലാവര്ക്കും സർഗ്ഗത്തിൽ പോകണം പക്ഷെ ആർക്കും മരിക്കാൻ തയാറല്ല . അമേരിക്കയിൽ തന്നെ മത നേതാക്കളുടെ ജന്മ ദിനത്തേയും മറ്റും പൊക്കി എഴുതുന്ന കവികളും എഴുത്തുകാരും ഉണ്ട് . അവരുടെ ഉള്ളിൽ മറ്റുള്ളവരുടെ അംഗീകാരത്തിന് വേണ്ടിയുള്ള വാഞ്ച അതി കഠിനമാണ് . ഇത്തരക്കാർ മതത്തിൽ തന്നെ നിൽക്കട്ടെ .. അവർ മലയാള സാഹിത്യത്തിൽ വന്ന് അത് മലീമസമാക്കാതിരിക്കട്ടെ 7 . ഇവിടത്തെ എഴുത്തുകാര്‍ പ്രതിഫലം ഇല്ലാതെ എഴുതുമ്പോള്‍ അവരെ അംഗീകരിക്കാന്‍ ഇമലയാളി പ്രതിവര്‍ഷം അവാര്‍ഡുകള്‍ നല്‍കുന്നെങ്കിലും അവര്‍ക്ക് ക്യാഷ് അവാര്‍ഡുകള്‍ കൊടുക്കാന്‍ ധനികരായ ഭാഷ പ്രേമികളായ ആളുകള്‍ മുന്നോട്ട് വരുമോ? പ്രതിഫലേച്ഛയില്ലാത്തവനായിരിക്കണം നല്ല എഴുത്തുകാരൻ. എഴുത്ത് ഒരു ദിവ്യമായ പ്രക്രിയായാണ് . അത് മനുഷ്യരാശിയുടെ നന്മയെ ലക്ഷ്യമാക്കിയുള്ളതായിരിക്കണം . പ്രതിഫലേഛ ഇല്ലാതെ എഴുതുക രാമപുരത്ത് വാര്യരെപ്പോലെ എഴുതുക 'പട്ടിണികൊണ്ട് മെലിഞ്ഞ പണ്ഡിതന് കുശസ്ഥലീ- പട്ടണം കണ്ടപ്പോഴേ വിശപ്പും ദാഹവും പെട്ടന്നകുന്നുവല്ല ഭക്തികൊണ്ടെന്നിയേ പണി- പെട്ടാലും ഒഴിയാത്ത ഭാവർത്തിയും തീർന്നു ' അദ്ദേഹത്തിന് കിട്ടിയ പ്രതിഫലം അമേരിക്കയിലെ പണ്ഡിതവർഗ്ഗത്തിന് അറിവുള്ളതായിരിക്കുമെല്ലോ ? "ഇതി കാരുണികൻ നൂനം ധനമൊട്ടും താരാഞ്ഞതും ഇപ്രകാരം ചിന്ത ചെയ്‌തു വിപ്രനെത്തി ഗൃഹാന്തികം സൂര്യാനലേന്ദുസങ്കാശം ശോഭിച്ചു തത്ര ഗേഹങ്ങൾ കൂവും പക്ഷികുലം ചേർന്ന വിചിത്രോപവനോദ്യാനം ........................................... സമ്പത്തുകൂടാനൊരൊറ്റ ഹേതു ശ്രീ വാസു ദേവന്റെ കൃപാകടാക്ഷം എന്നാൽ നിങ്ങൾ പറയുന്ന ധനവാന്മാരായ വാസുദേവന്മാരിൽ നിന്നു പണം കയ്യപ്പറ്റി സാഹിത്യ രചന നടത്താൻ പോയാൽ , അത് അടിമത്വത്തിന് തുല്യമായിരിക്കും . അത്തരം കൃതികളും അതിന്റ കർത്താക്കളും രണ്ടു മാസം പോലും ജീവിക്കില്ല ( ചങ്ങമ്പുഴ എഴുതിയത് പ്രതിഫലേച്ഛ ഇല്ലാതെയാണ് ) 8. നിങ്ങള്‍ ഇയ്യിടെ ഇമലയാളിയില്‍ വായിച്ച നിങ്ങള്‍ക്ക് ഇഷ്ടപ്പെട്ട രചന. കവിതകളോട് എനിക്കിഷ്ടമാണ് . ആധുനിക കവിതകൾക്ക് ആയുസില്ലെന്ന് വിശ്വസിക്കുന്ന ഒരാളാണ് ഞാൻ . താളലയങ്ങൾ ഉള്ള കവിതകൾ മനസ്സിൽ താങ്ങും ചിലത് മനഃപാഠമാക്കാനും ശ്രമിക്കും എങ്കിലും ചെറുപ്പക്കാരായ (പഴയ പടമാണെങ്കിൽ ക്ഷമിക്കുക ) രാജൻ കിണറ്റിക്കരയുടേയും , സീനാ ജോസഫിന്റെയും കവിതകളിൽ ഒരാശയം എപ്പോഴും നിഴലിക്കുന്നത് കാണാം . പലപ്പോഴും അവരുടെ കവിതകൾ എന്നിൽ പ്രതികരണം ഉണ്ടാക്കാറുണ്ട് . ബിന്ദു ടി ജി നല്ലൊരു കവയിത്രിയാണ് . രാമാപിഷാരടിയുടെ കവിതകളിൽ ഭാഷയുടെ തിളക്കം ഉണ്ട് . ആശയ സാന്ദ്രതകൊണ്ട് ജനകീയമല്ല . താങ്കളുടെ ലേഖനങ്ങളിലും കവിതകളിലും ആത്മാർത്ഥത തുടിക്കുന്നുണ്ട് . ഒരു വായനക്കാരനാണ് നിങ്ങൾ എന്നതിൽ തർക്കമില്ല അത് നഷ്ട്പ്പെടാതെ സൂക്ഷിക്കുക. വർത്തിച്ചീടുന്നൊരിക്കൽ ഗുരുവിന് സമമായി മിത്രമായ് മറ്റൊരിക്കൽ വർത്തിച്ചിടും പിതാവായ്, സപദി ജനനിയായ് കാന്തയായ് കദാചിൽ വർത്തിച്ചിടുന്നു വാഗീശ്വരിയുടെ നടനാരാമ- മായ് സർവകാലം വർത്തിച്ചിടുന്നു സാക്ഷാൽ സുരതരുസദൃശം പുസ്തകം ഹസ്തസംസ്ഥം (ആർ ഈശ്വരപിള്ള )

8. നിങ്ങള്‍ ഇയ്യിടെ ഇമലയാളിയില്‍ വായിച്ച നിങ്ങള്‍ക്ക് ഇഷ്ടപ്പെട്ട രചന. ഒരു വിശദീകരണം : "ഇയ്യിടെ" എന്ന വാക്കുണ്ടായിരുന്നത്കൊണ്ടാണ് എഴുത്തുകാരുടെ പേരുകൾ കൂടുതൽ ഉൾപ്പെടുത്താതിരുന്നത്. ഇ മലയാളിയിൽ വായിച്ച എന്നായിരുനെങ്കിൽ നല്ല രചയിതാക്കളുടെ മുഴുവൻ പേരുകൾ ചേർക്കുമായിരുന്നു.

We can talk,it doesn't coast anything to us but it cost to the Media,Do you think what you read&write is being published without cost.I know I wrote for Simson Kallathra "NADAM"ASWAMEDAM"by Rajan Marrot,Kairali Jose Thayil,Kerala center,Malayalam Pathram.Catholic association.Mr,Chacko Shankarathil,J,Mathew Sir.I saw they sweat bullet through their asshole.