ഷിക്കാഗോ: ഇന്ത്യന് നാഷണല് ഓവര്സീസ് കോണ്ഗ്രസിന്റെ (ഐ.എന്.ഒ.സി -ഐ) ആഭിമുഖ്യത്തില് അമേരിക്കയിലെ പ്രമുഖ നഗരങ്ങളില് നടക്കുന്ന റിപ്പബ്ലിക് ദിനാഘോഷങ്ങളില് പങ്കെടുക്കുന്നതിനു കോണ്ഗ്രസിന്റെ യുവ നേതാവും, തൃത്താല എം.എല്.എയുമായ വി.ടി. ബല്റാം ഷിക്കാഗോയില് എത്തി.
അമേരിക്കയിലെ കോണ്ഗ്രസ് പ്രവര്ത്തകരെ ഒരു കുടക്കീഴില് അണിനിരത്തുന്ന പ്രസ്ഥാനമായ ഐ.എന്.ഒ.സി കഴിഞ്ഞ ഒരു നൂറ്റാണ്ടിലധികം സജീവമായി പ്രവര്ത്തിക്കുന്ന സംഘടനയാണ്. ശക്തമായ നേതൃനിരയും സംഘടനാപാടവവുമുള്ള പ്രവര്ത്തകരെകൊണ്ട് സമ്പന്നമായ പ്രസ്ഥാനം നിരവധി പുതിയ ചാപ്റ്ററുകള് ആരംഭിച്ച് ജൈത്രയാത്ര നടത്തുകയാണ്.
ജനുവരി 24 ഡിട്രോയിറ്റ്, ജനുവരി 25 ഷിക്കാഗോ, ജനുവരി 26 ഫിലാഡല്ഫിയ, ജനുവരി 31 ഫ്ളോറിഡ, ഫെബ്രുവരി 1 ന്യൂയോര്ക്ക് എന്നീ തീയതികളിലാണ് ആഘോഷപരിപാടികള് നടക്കുക.
ഡിട്രോയിറ്റില് ഡോ. മാത്യു വര്ഗീസിന്റെ നേതൃത്വത്തിലും, ഷിക്കാഗോയില് ലൂയി ചിക്കാഗോയുടേയും പൗരാവലിയുടേയും നേതൃത്വത്തിലും, ഫിലാഡല്ഫിയയില് സന്തോഷ് ഏബ്രഹാമിന്റെ നേതൃത്വത്തിലും, ഫ്ളോറിഡയില് അസീസി ജോസഫിന്റെ നേതൃത്വത്തിലും, ന്യൂയോര്ക്കില് ജോയി ഇട്ടന്റെ നേതൃത്വത്തിലും നടക്കുന്ന ആഘോഷങ്ങള്ക്ക് ദേശീയ പ്രസസിഡന്റ് ജോബി ജോര്ജ്, ചെയര്മാന് കളത്തില് വര്ഗീസ്, വൈസ് പ്രസിഡന്റ് ഡോ. മാമ്മന് ജേക്കബ്, ജനറല് സെക്രട്ടറി ഡോ. സാല്ബി പോള്, സെക്രട്ടറി ഡോ. അനുപം രാധാകൃഷ്ണന്, ട്രഷറര് സജി ഏബ്രഹാം,ജോയിന്റ് ട്രഷറര് വാവച്ചന് മത്തായി, ട്രസ്റ്റി ബോര്ഡ് ചെയര്മാന് ചാക്കോട്ട് രാധാകൃഷ്ണന്, വൈസ് ചെയര്മാന് അറ്റോര്ണി ജോസ് കുന്നേല്, നാഷണല് കമ്മിറ്റി അംഗങ്ങള്, റീജണല് വൈസ് പ്രസിഡന്റുമാര് എന്നിവരുടെ സഹകരണത്തിലും നടക്കുന്നു.