Image

യൂറോപ്പില്‍ ഭീതിപരത്തി കൊറോണ വൈറസ്: ബ്രിട്ടീഷ് എയര്‍വെയ്‌സ് സര്‍വീസ് നിര്‍ത്തി, സ്വിറ്റ്‌സര്‍ലന്‍ഡില്‍ സര്‍ജിക്കല്‍ മാസ്‌കിനു ക്ഷാമം

Published on 29 January, 2020
യൂറോപ്പില്‍ ഭീതിപരത്തി കൊറോണ വൈറസ്: ബ്രിട്ടീഷ് എയര്‍വെയ്‌സ് സര്‍വീസ് നിര്‍ത്തി, സ്വിറ്റ്‌സര്‍ലന്‍ഡില്‍ സര്‍ജിക്കല്‍ മാസ്‌കിനു ക്ഷാമം
ലണ്ടന്‍/ സൂറിച്ച്: കൊറോണ വൈറസ് ബാധ ഏഷ്യന്‍ ഭൂഗണ്ടത്തില്‍ നിന്നും യൂറോപ്പിലേക്ക് കടന്നതോടെ യൂറോപ്യന്‍ രാജ്യങ്ങളും അതീവ ജാഗ്രതാ നിര്‍ദേശം നല്‍കിക്കഴിഞ്ഞു. മുന്‍കരുതല്‍ നടപടിയായി ബ്രിട്ടീഷ് എയര്‍വെയ്‌സ് ചൈനയിലേക്കുള്ള നേരിട്ടുള്ള എല്ലാ വിമാന സര്‍വീസുകളും താല്‍ക്കാലികമായി നിര്‍ത്തിവച്ചു. ബ്രിട്ടീഷ് വിദേശകര്യ മന്ത്രാലയത്തിന്റെ നിര്‍ദേശപ്രകാരമാണിത്.

ഓസ്‌ട്രേലിയ, ജപ്പാന്‍, അമേരിക്ക, ജര്‍മനി തുടങ്ങിയ രാജ്യങ്ങള്‍ ഇതിനോടകം തങ്ങളുടെ പൗരന്മാരെ ചൈനയില്‍നിന്നും നാട്ടിലെത്തിക്കാന്‍ പ്രത്യേക വിമാനങ്ങള്‍ അയച്ചിരുന്നു.

യുണൈറ്റഡ് എയര്‍ലൈന്‍സ്, എയര്‍ കാനഡ, പസഫിക് എയര്‍വേസ് തുടങ്ങിയ വിമാനക്കമ്പനികള്‍ ചൈനയിലേക്കുള്ള സര്‍വീസുകള്‍ കഴിഞ്ഞദിവസം നിര്‍ത്തിയിരുന്നു.

നൂറിലേറെ പേരുടെ മരണത്തിനിടയായ കൊറോണ വൈറസ് ഇതിനോടകം 16 രാജ്യങ്ങളിലേക്ക് വ്യാപിച്ചിട്ടുണ്ട്.

സൂറിച്ച്: സ്വിറ്റ്‌സര്‍ലന്‍ഡില്‍ ഇതുവരെ ആര്‍ക്കും കൊറോണവൈറസ് ബാധ റിപ്പോര്‍ട്ട് ചെയ്തിട്ടില്ലെങ്കിലും രാജ്യത്ത് ആശങ്കയ്ക്ക് കുറവില്ല. മിക്ക കാന്റനുകളിലെയും ഫാര്‍മസികളില്‍ സര്‍ജിക്കല്‍ മാസ്‌കുകളുടെ സ്റ്റോക്ക് തീര്‍ന്നു.


ഇത്തരം മാസ്‌കുകള്‍ കൊറോണവൈറസിനെതിരേ ഫലപ്രദമല്ലെന്ന് വിദഗ്ധര്‍ വ്യക്തമാക്കിയിട്ടുള്ളതാണെങ്കിലും ആളുകള്‍ ഇവ വാങ്ങിക്കൂട്ടുന്ന തിരക്കിലാണ്. സ്റ്റോക്കിന്റെ ഇരുപത് മടങ്ങാണ് ഇപ്പോള്‍ ഇവയുടെ ഡിമാന്‍ഡ്.

സൂറിച്ചില്‍ രണ്ടു പേര്‍ക്ക് വൈറസ് ബാധ സംശയിക്കപ്പെട്ടിരുന്നെങ്കിലും പരിശോധനയില്‍ നെഗറ്റീവ് റിപ്പോര്‍ട്ടാണ് വന്നത്. നിലവില്‍ നിരീക്ഷണത്തില്‍ കഴിയുന്നവര്‍ പോലും രാജ്യത്തില്ല.

റിപ്പോര്‍ട്ട്: ജോസ് കുന്പിളുവേലില്‍

Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക